Apastil Nani Sturka 20:6 - DAWAN BÎLA AISKA

⁶ Brit îs âpu daukan ba piaia yua tara ba luan ningkara, yang nani Pilipai wina duri tara ra aimaki impaki banhri, bara yu nani matsip kat Troas ra balri. Bahara yang nani yu 7 takaskri.

Apastil Nani Sturka 20:6 ပူးပေါင်းရင်းမြစ်များ

Impakan Sturka 23:15

Brit îs âpu dauki yua ba, lilia dauki kaia sma, dîa daukaia yang mai wîri ba kat, baha yua nani ba wik kum ba brit îs âpu pi kaia sma. Baha yua tara ba sika Abib katka ba, baha katka ra sika man nani Idsip tasbaya wina takram ba, bara upla kumi sin ai mihta bîla baman yang ra bal ai kaikaia apia sa, sut diara kum bri balaia sa.

Impakan Sturka 34:18

“Brit îs mangkras dauki yua liliaka ba dauki bas, dîa daukaia mai wîri ba kat, wik kum brit îs âpu dauki pi bas. Abib katka yua mangki maikri ba kat, man nani Abib katka ra sika Idsip wina taki balram ba.

Apastil Nani Sturka 12:3

Bara witin kaikan Ju nani sin baha ba pain kaikan, bamna Pita sin alki priskan. Baha yua ba lika brit îs mangkras piaia yua kata.

Apastil Nani Sturka 16:10

Pal naha diara aihka kaikan ba ra, yang nani mahka ridi taki banhri Macedonia ra waia. Bamna lukri baha ba kasak pali Dawan mita paiwi kan, Macedonia ra wih Dawan sturka yamni ba yang nani smalkaia.

Apastil Nani Sturka 16:12

Baha wina yang nani Pilipai ra wari; naha tawanka ra lika Rom uplika pali nani iwi kan ba, Macedonia tilara tawan kau tara kulkan kan ba. Bahara yang nani piua wiria takaski banhri.

Apastil Nani Sturka 16:8

Bamna witin nani Misia ba laihku lui, Troas ra iwi wan.

Apastil Nani Sturka 20:16

Baku daukan kan, Pal mita Asia ra kau takaskaia want apia kan bamna, Epesus ra sin wan daukras kan. Witin Jerusalem ra aihni pali wan dauki kan, Pentikus yua ba sip kaka bahara kaia want kan bamna.

Apastil Nani Sturka 20:5

Naha wan muihni nani na lika wan kainara Troas ra wih, wan bîla kaikan kan.

Apastil Nani Sturka 21:4

Bahara yang nani kristian nani aikuki prawi, wik kum takaski banhri. Spirit Holikira mita naha kristianka nani ra win kan, Pal ra wibia Jerusalem ra wabia apia.

Apastil Nani Sturka 21:8

Yu wala, Pal bara ya nani wala sin yang nani wal kan ba aikuki Sesaria ra wih banhri. Bahara yang nani Pilip watla ra aidrubi wari; witinka sturi yamni ba twatwilkra kan, serts tâ upla 7 kan ba wina kumi kata. Witin wal takaski banhri.

Apastil Nani Sturka 28:14

Bahara wan muihni tila nani wal prawri. Witin nani ai watla ra wan paiwan, bara wik kum aikuki takaskri. Baha ningkara, Rom mata yang nani impakri.

Pilipai 1:1

Yang nani, Pal bara Timoti wal, Jisas Kraist napakanka nani sna ba, muihni nani sut Pilipai tawanka ra iwi nani ba ra naha wauhkataya ulbisna, pura kakaira nani ra bara hilpa nani ra sin. Witin nani ba Gâd uplika, bara Jisas Kraist wal asla mai prakan banhwisma.

1 Tesalonaika 2:2

Man nani pain kaikisma, yang nani na pat kanra Pilipai tawanka ra nahki saura ai wisata bara nahki sin rau ai sauhkata ba, Tesalonaika ra balras katna ba ra. Baku ai muni banhwan, ban sakuna, Gâd mita yang nani ra hilp ai munan ai sturka yamni ba sibrin âpu mai smalki banhwamna dukiara, aiklabanka karna tilara.

2 Timoti 4:13

Man balma ba ra, Troas tawanka ra Carpo watla ra prâika tara swiri ba sal aik, wauhtaiki nani ba sin, bara kau pali lika daiwan taya ra ulbri wauhkataya ba.