Apastil Nani Sturka 20:30 - DAWAN BÎLA AISKA

³⁰ Bara man nani pali tilam wina sin upla tila nani bubia, bara diara kasak ba swi si kunin ni smalkbia, kristian nani ai nina blîkbia wisi.

Apastil Nani Sturka 20:30 ပူးပေါင်းရင်းမြစ်များ

Sins Lâka 19:1

Kanra yamni sa upla umpira kaia lâ aihwa man tilara tauki ba, baku apia sa kaka upla nina aisi tauki ba tilara kaia ba wal.

Sins Lâka 23:33

Namkra nani ra yaka diara aihka pali nani kaikbia, kupiam lukanka ra yaka sin diara tanis pali nani man aisi kabia;

Aiseya 59:3

Man nani mihtam nani ba tala ni tâski takan sa, bara mihtam sirpika nani ba upla ikram tasbaika alkan; unam nani ba kunin man aisisa, twisam nani ba watawika lâka man aisisa.

Daniel 11:34

Rausauhkan piua ba aimakbia yua ra, hilp wiria bribia, dîa dîa yamnika briaia dukiara aikuki asla taki banhwan kabia sakuna.

Matiu 23:15

“¡Lâ Smasmalkra nani bara parisi nani, kuninkira nani, man nani mampara alai pali kabia! Man nani kabu nani bara kuntri nani sin aiska impakisma upla kum Ju lâka ra lakaia dukiara; bara lakram ba ra, baha uplika ba aima wâl prais man nani purkamra kau saura daukisma, hilp pauta ra waia dukiara.

Apastil Nani Sturka 11:26

Witin nani bahara serts uplika nani ba wal takaskan mani kum, ban upla nani ra sin smalki kan. Bamna Antíoco ra sika pas lalukra nani nina kristian nani mâkan ba.

Apastil Nani Sturka 21:38

Bamna, ¿man baha Idsip waitnika kata ba apia ki, pat piua nani luan ra witin, mapara buaia warkka kum daukan, bara war aiklaklabra 4,000 brih upla iwras tasbaya ra wan ba?

2 Korint 11:13

Kan baha nani ba apastil kuninkira nani, kunin mamunra nani sa, bara Kraist apastilka nani baku talia takisa.

1 Timoti 5:13

Witin nani sin upla watla ra kirhbi wih sturi bahki baman aisi ai taimka ba bahki ra baman tikaia lan takisa; sakuna kau saura pali, witin nani ba upla nina aisaia bara upla bisniska tilara dimaia lan taki banhwisa, bara diara aisaia apia nani ba baman aisi taukisa.

1 Timoti 6:5

upla nani sinska aihka takan ba tilara sin blahwan bahki nani baman takisa, bara witin nani ba kasak tânka ba kakaira apia sa. Witin nani lukisa, Gâd ra luki kaia lâka ba bâk yuyakira nani takaia sip sa.

2 Pita 2:18

Witin nani lika bîla bahki bara praut baman aisisa, bara tanis lâka ra iwi uplika nani wina swakwan nani ba, witin nani ra daukanka saura pali ni bara wîna tara brinka nani ni maisa kapisa.

1 Jan 2:19

Witin nani ba lika yawan wan tila wina takan sakuna kasak pali mai wisna, baha nani ba yawan nani wina apia sa, kan yawan wina kata, witin nani yawan wal ban kaia kan. Sakuna baha ba baku ban takan, upla nani mita param kaikbia dukiara, baha nani ba kasak pali yawan wan tila na wina apia sa.

2 Jan 1:7

Kuninkira ailal naha tasba ra wataukisa, bara witin nani lika Jisas Kraist upla kasakkira naha tasba ra balan ba tânka param pali aisin ba bîla wali daukras sa. Ya baha baku ba sika kuninkira, bara Kraist mapara ba.

Param Marikanka 2:6

Ban sakuna, naha lika man hilpkam sa: Nikolaitan nani dauki ba man mita kaikan mai daukras, sim yang mita saura kaikisna ba baku.