Apastil Nani Sturka 20:2 - DAWAN BÎLA AISKA

² Baha pliska nani sut ra impaki wan muihni nani ra ai bîla smalki tâ baikan. Baha wina Grik ra wan.

Apastil Nani Sturka 20:2 ပူးပေါင်းရင်းမြစ်များ

Sakaraya 9:13

Kan war aiklabaiki pantamangka nani baku ba kulki brisma, baha ba Juda sa, bara Efraín ba trisbaiki mangkri sa. Saion, man wina sord kum paskaisna, bara uplikam nani ba lika, Grik tasbaya uplika nani mapara aiklabaia blikamni.”

Luk 3:18

Naku natka ni, bara kupia kraukanka sât wala uya ni, Jan mita upla nani ra sturi yamni ba smalki kan.

Apastil Nani Sturka 14:22

Baha pliska nani ra kristian nani sut ra tâ baikan, ban sin smalki kupia kraukan kasak lukan lâka ra bapi bûi kabia, bara sin win Gâd king aimaki tasbaya ra dimaia kaka, pât nani wahwaia sa.

Apastil Nani Sturka 15:41

Witin nani Siria bara Cilicia bâk lui wan kristian nani bâra ba tâ baiki.

Apastil Nani Sturka 16:12

Baha wina yang nani Pilipai ra wari; naha tawanka ra lika Rom uplika pali nani iwi kan ba, Macedonia tilara tawan kau tara kulkan kan ba. Bahara yang nani piua wiria takaski banhri.

Apastil Nani Sturka 17:1

Pal bara Silas wal impaki Anfípolis bara Apolonia bâk Tesalonaika tawanka ra balan. Bahara lika Ju nani priaska watla kum bâra kan.

Apastil Nani Sturka 17:10

Tihmia pat iwan, wan muihni nani mita Pal bara Silas wal Berea ra blikan wan. Witin nani nan Berea ra diman ba ra, Ju nani priaska watla ra wih diman.

Apastil Nani Sturka 2:40

Bara Pita lika naha bîla nani aisin na purara, kau kupia kraukanka ailal baha uplika nani ra yabi, naku smalki win: —¡Man nani naha uplika nani tiwan banhwi na tila wina bal taki, swaki sakan lâka ba alks!

Apastil Nani Sturka 20:1

Bin kata ba luan ba ra, Pal mita kristian nani ba paiwan kupia kraukanka nani yaia. Ningkara, witin baha nani lakula dauki si, mahka Macedonia ra wan.

Apastil Nani Sturka 20:11

Baha ningkara, Pal mita utla purara kli uli wih brit kriki pin. Witin kau ban smalki kan; bara titan kat witin mahka wan.

Apastil Nani Sturka 20:3

Bahara kati yumhpa takaskan. Ningkara witin duri tara ra aimaki Siria ra waia pat ridi kan, sakuna kaikan nahki Ju nani witin ba alkaia ridi takan kan. Bamna kli ai kupia laki, sauhkak ni impaki, Macedonia bâk luan.

1 Korint 4:19

sakuna, Dawan baku wibia kaka, pat pali bal man nani mai kaikamna. Bâra mika yang kaikamna prautkira nani ba dîa daukaia sip ba, bara aisi banhwi ba baman lika apia.

Kolosi 1:28

Yang nani Kraist dukiara smalkisna, upla nani sut ra kupia krauki smalki banhwisna sins tânka manis ra baku dauki Kraist ra kasak wapni brih waia dukiara.

1 Tesalonaika 2:11

Pain sin kaikisma, nahki man nani kumi bani ra, yang nani tâm baikri bara maisam nihkri ba, sim aisa kum mita ai luhpia nani ra maisa nihki ba baku.

1 Tesalonaika 2:3

Kan yang nani dîa aisi mai smalki katna ba lika swakwanka âpu kan; bara tâski lâka wal aisi smalkras katna, upla ra sin baha ni kunin munaia lukras kapri.

1 Tesalonaika 4:1

Nanara, muihki nani, Dawan Jisas nina ra man nani ra mamkabisna bara sin kupiam kraukisna: man nani iwankam natka yamni ra yu bani kau pâwi kama, baha sika yang nani wina lan takram ba Gâd kupia lâka daukaia dukiara, bara pat baku dauki banhwisma ba.