Apastil Nani Sturka 20:19 - DAWAN BÎLA AISKA

¹⁹ Piua bani, bawikira man nani tilamra Dawan warkka dauki kapri, naikra laya saki, traika kaikan manis tilara, Ju nani mita sin ai alki ai munaia luki kan ba tilara.

Apastil Nani Sturka 20:19 ပူးပေါင်းရင်းမြစ်များ

Kolosi 3:24

Bamna, man nani pat kaikisma, Dawan mita prapatika maiki ba maikbia. Kan man nani Kraist dukia daukisma, sim kasak Dawankam pali baku.

2 Korint 2:4

Bara baha wauhkataya man nani ra ulbri ba ra, uya kupi ra trabil bri kapri, bara sari ai daukan ban sin ini katna; sakuna sari bri kama wisi lika ulbras katna, kuna kaikma man nani ra latwan mai kaikisna ba lika tara pali sa.

Roman 12:11

Man nani wark karna taks, sringwaskira nani kapara. Kupiam aiska wal Dawan dukia dauki bas.

Apastil Nani Sturka 20:3

Bahara kati yumhpa takaskan. Ningkara witin duri tara ra aimaki Siria ra waia pat ridi kan, sakuna kaikan nahki Ju nani witin ba alkaia ridi takan kan. Bamna kli ai kupia laki, sauhkak ni impaki, Macedonia bâk luan.

2 Korint 7:5

Macedonia ra yang nani wari ba wina piua kumi sin ris briras pali, sakuna plis bani wina trabil wan alkan; upla aikuki unsabri bara kupi ra sin sibrin nani lukri.

Jirimaya 13:17

Man nani naha walras kama kaka, yukuwan ra ini kamna praut lâka brisma ba tâwan; naikra nani wina laya ba plapi kabia, kan silak ra bri auya sa Dawan sîpka daknika ba.

Jems 1:2

Muihki nani, man nani traika kaikanka nani wina trabil sât sât brima ba ra, lilia kaia sma.

Pilipai 3:18

Naha dukia na man nani ra pat aima manis mai wîri, bara nanara naikra laya saki kli mai wisni: upla ailal bâra sa, witin nani Kraist dusa prihni ba wal ai waihla brih iwisa,

Epesus 6:7

Kupiam aiska kira witin nani warkka ba dauks, Dawan warkka dauki baku, bara upla ra baku lika apia.

Galesha 1:10

Yang plikras upla mita yamni ai kaikbia, sakuna Gâd mita yamni ai kaikbia. ¡Yang na upla nani mita pain ai kaikbia plikisna kaka, yang kau Kraist albika kamna apia!

2 Korint 3:5

Yang nani karniki ni diara daukaia sip sna ba mita lika apia sika; sakuna, Gâd ba mita sika yang nani diara sut daukaia sip sna ba.

Apastil Nani Sturka 20:31

Bamna aman kaiks, kupiam sin krauki bas, mani yumhpa, kakna bara tihmia, naikra laya saki man nani kumi bani ra mai smalki kupiam kraukatna ba.

2 Pita 1:1

Yang Saiman, Pita, Jisas Kraist dukia dadaukrika bara apastilka sna. Naha wauhkataya man nani ra mai ulbisna, man nani kasak lukan lâka manakira ba alki bri banhram sa, yang nani brisna baku, kan wan Gâdka bara wan Sasakra Jisas Kraist ba, kasakkira sa bamna.

1 Pita 1:6

Naha dukiara man nani lilia brisma, ban kra aitani kabia, piu wiria pan traika kaikanka ailal pâtka brima.

1 Tesalonaika 1:9

Witin nani pali aisisa yang nani mita wih mai kaikri bara nahki pain pali ai briram ba, bara nahki sin aidul nani ba swi si Gâd nina blikram ba, Gâd rayakira bara kasakkira ba dukia daukaia dukiara.

Roman 1:9

Bamna Gâd, yang kupi aiska ni witin warkka daukisna bara ai Luhpia sturka yamni sin aisisna ba, witin ba witnis sa nahki puri sunra bani ra man nani ra lukisna ba,

Roman 1:1

Yang Pal, Jisas Kraist dukia dadaukra sna, Gâd ai paiwan witin ai apastil kaia bara Gâd bui witin swaki wan saki sturka ba upla nani ra smalkaia.

Apastil Nani Sturka 27:23

Naha tihmia luan ra, Gâd ra yang bui witin ra mayuni dukia daukri ba mita insal kum yang ra blikan.

Apastil Nani Sturka 17:13

Sakuna Tesalonaika ra Ju nani bâra banhwi kan ba walan, nahki Pal Dawan bîla ba Berea ra sin wih smalkisa, bamna bahara sin witin nani wih upla nani kupia turban.

Jan 12:26

Bamna upla kumi yang duki daukaia want sa kaka, witin nini blikaia sa; bara anira sna pliska ba ra, yang duki dadaukra ba sin bâra kabia. Bamna upla kumi yang duki daukisa kaka, Aisiki mita prana daukbia.

Luk 19:41

Witin pat Jerusalem lamara balan, bamna tawanka ba kaiki, Jisas baha pura mata ini,

Jirimaya 9:1

¡Aitani lukaina naikra nani ba lî kârma kum baku kata, naikra laya ba tingni lî aubi ba baku kaia, bamna kakna ra bara tihmia ra ini kaia yang upliki nani pruan ba pura mata!

Lawana Nani 119:136

Naikra laya ba, tingni laya nani baku plapisa, upla nani man lâmka ban brin daukras bamna.

Param Marikanka 7:15

Baha mita Gâd king iwaika mawanra buisa, bara ai tempelka ra kakna bara tihmia ai dukia daukisa. Witinka king iwaika ra iwi ba witin nani tilara ban takaski ai kaina kahbia.

2 Timoti 1:4

Namkra laya nani sakram ba sin yang ban lukisna, bara yang bui man ba mai kaikan pali ai daukisa, bara baku mika uya lilia takamna.

Apastil Nani Sturka 17:5

Sakuna Ju nani kasak lukras kan ba mita ai kupia baikan, bara waitna saura nani bahki baman yabal ra kirhbi tauki nani ba, asla paiwi, upla nani kupia turban. Witin nani mita Jasón watla ra pliki wan, Pal bara Silas wal bâra kaka, saki upla nani mihta ra mangkaia.

Apastil Nani Sturka 21:27

Pat wik kum tnata ba alkuya kan ba ra, Asia tasbaya wina Ju tila nani bâra kan ba kaikan Pal tempel ra kan, bara baha nani upla nani ra maisa kapi turbi, Pal ba prak alkan.