Apastil Nani Sturka 2:45 - DAWAN BÎLA AISKA

⁴⁵ Ai tasbaya nani bri kan ba, dîa dîa wala nani sin bri kan kaka, baha sut pali wauhi atkan, bara lalahka ba ai walka nani diara âpu umpira ba wal aikuki yui bri kan.

Apastil Nani Sturka 2:45 ပူးပေါင်းရင်းမြစ်များ

Lawana Nani 112:9

Umpira nani tilara diara yuisa ai kasak lâka ba ban sa, ai lal buki ai kulkanka lâka ba wal.

Sins Lâka 19:17

Diara luha uplika ra diara lin muni ba, witin Dawan ra lin munisa; bara Dawan wina witin ra ai mana ba kli aibapbia.

Matiu 19:21

Jisas pana witin ra win: —Man kasak pali takan mai daukisa kaka, was bara dîa dîa brisma ba atki upla umpira nani ra yas, bara baku lika kasbrika purara yuya nani bri kama; baha ningkara bal, bara nini blîks.

Luk 16:9

“Yang mai wisna, upla wal uplikam kaia dukiara man nani naha tasba yuya saura nani ba yus muns, baku mika yuyakam nani ba sut âpu takbia, upla kra sip kabia ban kaia ra ai watla ra mai bri kaia.

Luk 18:22

Jisas naha walan ba ra, witin bila: —Kau diara kumi man daukaia sma: diara brisma ba sut wauhi atks, bara upla umpira nani ra yas; baku lika man kasbrika purara yuyakam ba bri kama; bara ningkara bal, nini blîks.

Luk 19:8

Bara Sakius ai mina ra bûi, Dawan ra win: —Kaiks, Dawan, dîa brisna ba wina bakriki prais umpira nani ra yabisna; bara upla dukia kunin muni implikri kaka, kau aima walhwal prais yabaisna.

Apastil Nani Sturka 11:29

Bara lalukra nani Antíoco ra iwi ba sut wilin takan hilp kum blikaia, Judia ra wan muihni iwi banhwi ba nani ra, kumi bani sip kan ba kat.

Apastil Nani Sturka 4:34

Diara luha uplika kumi sin witin nani tilara âpu kata, kan baha nani tasba sapa, utla sapa bri kan ba sut wauhi atkan. Ningkara lalahka takan ba,

Apastil Nani Sturka 4:35

apastil nani mihta ra mangkan, bara baha lalahka ba yui brin, ya ya diara luha kan ba praiska kat.

2 Korint 9:1

Bamna kasak lukan lâka ra wan muihnika nani dukiara lalah sakan ba man nani ra yang ulbaia apia sna,

2 Korint 9:9

Bamna Ulbanka ba wisa: “Umpira nani ra mihta banhki pali yan, bara ai kasakka lâka nani ba ban kabia.”

1 Jan 3:17

Yuya bri uplika kum kra ai muihni kum diara want pali kan kaikisa, sakuna witin baha dukiara sari lukras kaka, ¿nahki sip kabia witin ai kupia ra Gâd ra latwan kaikan lâka ba bri kaia?