Apastil Nani Sturka 2:44 - DAWAN BÎLA AISKA

⁴⁴ Baha uplika nani kasak lukan ba, sut lika kau asla pali takan, bara dîa witin nani ai tilara bri kan ba, sut bakahnu bri kan.

Apastil Nani Sturka 2:44 ပူးပေါင်းရင်းမြစ်များ

Apastil Nani Sturka 4:32

Lalukra daknika aiska ba lika ai kupia lukanka kumi baman brin kata, bamna upla kumi sin wiras kata dîa bri kan ba witin yakan ai dukia sa, sakuna diara nani sut ba witin nani sut ai dukia baku kulkan.

Apastil Nani Sturka 4:37

Naha waitnika mita tasba pîs kum bri kan ba wauhi atkan, bara lalahka takan ba apastil nani ra bri sal yan.

Apastil Nani Sturka 5:2

Ananías lalahka ba bakriki prais brin, bakriki wala ba baman apastil nani ra bri si yan; bara lalah aiska praiska ba ai maya mairin Safira ba sin kaikan.

Apastil Nani Sturka 5:4

Baha tasbaya kau wauhi atkras kapram piua ra man dukiam kan, nanara wauhi atkram na piua ra lalahka ba sin man dukiam sa. Bamna kaiks, ¿dîa muni baku daukaia kupiam ra lukram? Gâd ra sika man kunin munisma ba, upla ra lika apia.

2 Korint 8:9

Man nani lika wan Dawan Jisas Kraist latwanka lâka tânka ba pat kaikisma. Witin lika yuyakira pali kan, kuna man nani ra latwan mai kaikan ba mita witin umpira pali takan, bara witin umpira takan man nani yuyakira kama ba dukiara.