Apastil Nani Sturka 2:42 - DAWAN BÎLA AISKA

⁴² Baha uplika nani lika yu bani takaskras kira, apastil nani smalkanka nani wina diara lan taki kan, bara witin nani sin pana pana ai walka dukiara luki kan, ai pura sin suni banhwi kan, sut sin asla taki brit kriki pi kan.

Apastil Nani Sturka 2:42 ပူးပေါင်းရင်းမြစ်များ

Luk 24:30

Witin nani aikuki pat tibil ra iwi kan ba ra, witin ai mihta ra brit ba brih, yamni muni, kriki, witin nani ra yan.

Luk 24:35

Baha wina witin nani wâl mita win dîa yabal ra takan ba; Jisas brit krikan bara latan kaikan ba tânka sin wisata.

Apastil Nani Sturka 1:14

Piua bani witin nani sut, Jisas muihnika nani aikuki asla taki kan ai pura sunaia. Witin nani ai tilara Jisas yaptika Meri bara mairin wala nani sin bâra kata.

Apastil Nani Sturka 11:23

Bernabé bahara wan ba ra, kaikan nahki Gâd upla nani ra ai yamnika yaban ba, bamna witin lilia kan. Bara mahka upla nani ra smalkan ai kupia aiska ni Dawan ra kasak lukaia tânka.

Apastil Nani Sturka 14:22

Baha pliska nani ra kristian nani sut ra tâ baikan, ban sin smalki kupia kraukan kasak lukan lâka ra bapi bûi kabia, bara sin win Gâd king aimaki tasbaya ra dimaia kaka, pât nani wahwaia sa.

Apastil Nani Sturka 2:46

Yu bani witin nani tempel ra asla taki kan, bara utla bani ra asla taki, liliakira ai kupia kumi lâka ra ai pata pi kan.

Apastil Nani Sturka 20:11

Baha ningkara, Pal mita utla purara kli uli wih brit kriki pin. Witin kau ban smalki kan; bara titan kat witin mahka wan.

Apastil Nani Sturka 20:7

Wik yua pas pali ra, wan muihni nani asla takan brit krikaia; bahara Pal mita smalki kan. Witin yu wala ba mahka waia kan bamna, tihmia wâl bakriki kat ban aisi kan.

Apastil Nani Sturka 4:23

Pita Jan wal pri takan ba ningkara, witin nani ai pânika nani ra wih sut win, prîs tara nani bara almuk nani mita dîa witin nani ra win ba.

Apastil Nani Sturka 4:31

Ai pura suni takaskan ba ra, witin nani asla taki bâra kan pliska ba nikban; bamna witin nani sut Spirit Holikira ni banhkan kan, bara sibrin âpu Gâd sturka yamni ba aisin.

Apastil Nani Sturka 6:4

Yang nani lika takaskras ban puri suni kira, Dawan bîla ba upla ra smalki kamna.

Roman 12:12

Naika diara briaia sma ba dukiara liliam bas; pât wahwisma ba ra, kupiam alki takaski bri bas. Piu bani puram sunaia lâka ba swipara.

1 Korint 10:21

Man nani sip apia sma Dawan kapka wina diaia, bara pirit saura nani kapka wina sin diaia; bara Dawan tibilka wina piaia bara pirit saura nani tibilka wina piaia sin sip apia sma.

1 Korint 11:2

Muihki nani, man nani ra mamyunisni, piu bani yang ra kupiam krauki banhwisma ba mita, bara smalkanka nani maikatna ba kat alki banhwisma.

1 Korint 14:6

Baha mita, muihki nani, yang na man nani ra bal bîla sât aihka nani ra mai aisamna kaka, ¿dîa hilpka man nani brima ki? Hilp nani brima apia, ban kra Gâd mita diara kum yawan kaikbia dukiara mai aisuna kaka lika, diara tânka kaikan dahra kum mai wisna kaka, Gâd wina sturi kum brih aisuna kaka, wan kanra bîla kaikan lâka kum kabia.

Galesha 1:6

Yang lika man nani dukiamra uya aihka pali lukisna, kan man nani lika swaki sakan lâka smalkanka sât wala kum wali, pat pali Gâd ba swisma bamna; bara Gâd sika Kraist latwanka ra luki man nani mai paiwan ba.

Epesus 2:20

Man nani ba utla kumi baku apastil nani bara prapit nani playa bapan ba purara mai paskan sa, bamna Jisas Kraist pali sika baha playa bapan walpaya kau tara ba.

Epesus 6:18

Man nani puram sunisma ba swipara, piu bani Gâd ra bik taki makabi bas, Spirit man nani tâm briaia. Ridi bas, lukankam swapras kira bara Gâd uplika nani sut dukiara sin man nani puram suni kama.

Pilipai 1:5

kan pas yua wina naiwa kat, sturi yamni ba tâwan yawan asla wark takan sa.

Kolosi 1:23

Sakuna naha dukiara, man nani kasak lukan lâka ra ban bapi bûi kaia sma, playkam ba tihu bapi bri bara kainamra diara briaia dukiara, swaki sakan lâka smalkanka wina walram ba wina tnaya ra takaia apia. Kan naha smalkanka na lika tasba aiska ra smalkan sa, bara yang Pal pali mita sin smalkaia hilp munisni.

Kolosi 4:2

Piua bani puram suni ban bas, aihwaki Gâd ra tingki wi bas.

2 Timoti 3:14

Sakuna man lika dîa lan takram ba bara baha kat kasak lukisma ba ra, ban bapi bûi bas. Man pain kaikisma baha ya mita mai smalkan ba,

Hibru Nani 10:25

Yawan asla aidrubi lâka dauki ba swiaia apia sa, upla tila nani dauki ba baku. Baku daukaia watlika ra, yawan pana pana wan walka nani aikuki wan tâ baikaia sa, bara kau pali nanara Dawan yua ba pat baila kan kaiki ba.

Hibru Nani 10:39

Yawan lika ai ninara tawan bara sauhki tiki ba uplika nani apia sa. Sakuna, yawan na kasak lukan lâka brisa bara swaki sin wan sakan sa.

1 Jan 1:3

Bamna dîa yang nani kaikri bara walri ba, baha tânka man nani ra param saki aisisna, baha mita man nani lika yang nani wal asla kama, sim yang nani kasak pali Gâd Aisa bara ai Luhpia Jisas Kraist wal asla sna ba baku.

1 Jan 1:7

Sakuna yawan ingni ra takaskisa kaka, sim Gâd ingni ra ba baku, yawan lika pana pana wan walka wal asla pali sa, bara Gâd Luhpia Jisas Kraist tâlia mita, wan saurka nani sut wina klin wan sakan sa.

1 Jan 2:19

Witin nani ba lika yawan wan tila wina takan sakuna kasak pali mai wisna, baha nani ba yawan nani wina apia sa, kan yawan wina kata, witin nani yawan wal ban kaia kan. Sakuna baha ba baku ban takan, upla nani mita param kaikbia dukiara, baha nani ba kasak pali yawan wan tila na wina apia sa.

Judas 1:20

Sakuna muihki laitwankira nani, man nani lika kasak lukankam lâka holi ba kat ban bûi bas. Spirit Holikira karnika ra puram suni bas.