Apastil Nani Sturka 2:40 - DAWAN BÎLA AISKA

⁴⁰ Bara Pita lika naha bîla nani aisin na purara, kau kupia kraukanka ailal baha uplika nani ra yabi, naku smalki win: —¡Man nani naha uplika nani tiwan banhwi na tila wina bal taki, swaki sakan lâka ba alks!

Apastil Nani Sturka 2:40 ပူးပေါင်းရင်းမြစ်များ

Sins Lâka 9:6

Man nani tanis lâka ba swis, bara raya kama; upla sinskira nani baku man nani tauki bas.”

Jirimaya 51:45

Upliki nani, baha wina taki was, ¡kumi bani rayakam swaki sâks yang lawanki tara ba wina!

Matiu 12:34

¡Piuta kiamka nani! ¿Nahki sip sma ki diara pain nani aisaia, kan man nani pali saurakira sma ba? Kan wan bîla ni aisi ba lika wan kupia aibanhwan ba wina aula.

Matiu 16:4

Naha uplika watawikira nani kasakka lâka briras ba, sain aihka kum makabisa; sakuna witin nani ra sain kumi sin marikbia apia, sakuna Jona sainka ba baman lika.” Bara Jisas baha nani swi si, mahka wan.

Matiu 17:17

Bara Jisas naku aisan: —¡Man nani kasak lukras kiamka bara watawikira nani sma ba! ¿Ahkia kat yang na man nani wal kamna? ¿Ahkia kat yang kupi man nani wal ban alki takaski bri kamna ki? Tuktika waitna ba nahara bri bal.

Matiu 23:33

“¡Piuta nani! ¡Piuta saura nani kiamka! ¿Man nani nahki hil pauta pâtka ba wina swak takma ki?

Mark 8:38

Ya ya yang dukira, smalkanki yamni ba dukiara sin, naha piua uplika lukras bara saura nani na mawanra ai swira lukbia kaka, Upla Luhpia Waitna sna na sin, witin nani dukiara swiri lukamna, Aisiki prana ra insal holikira nani aikuki balamna piua ra.

Luk 16:28

bahara yang kau muihki matsip brisna, bara witin baha nani ra wih smalkbia, witin nani sin naha pât wahwan pliska ra balbiara sîa.’

Luk 21:36

Bamna man nani ridi bas, bara piu bani sin puram suni bas, bara baku mika sip kama naha diara nani takaia ba wina swakwaia, ban sin Upla Luhpia Waitna maiwanra kaia.”

Jan 21:25

Diara kau manis bâra sa Jisas daukan ba, bamna baha nani sut ba ulbaia kaka, kumi bani yang lukisna tasba aiska ra sip alkbia apia.

Apastil Nani Sturka 10:42

Bara yang nani ai blikan upla nani ra smalkaia, witnis sin aisaia, nahki Gâd mita naha Jisaska na raya nani bara pruan nani sut Wihtka mangkan sa.

Apastil Nani Sturka 15:32

Judas bara Silas wal sin sip pali kan Dawan wina kupia kraukanka pain brin ba baha nani ra yaia, bamna ai bîla nani aisi wan muihni nani ra maisa nihkan, kupia sin uya tâ baikan.

Apastil Nani Sturka 20:11

Baha ningkara, Pal mita utla purara kli uli wih brit kriki pin. Witin kau ban smalki kan; bara titan kat witin mahka wan.

Apastil Nani Sturka 20:2

Baha pliska nani sut ra impaki wan muihni nani ra ai bîla smalki tâ baikan. Baha wina Grik ra wan.

Apastil Nani Sturka 20:21

Ju nani ra bara Ju apia nani sut ra smalki kapri, ai saurka nani ba wina ai kupia lakbia Gâd mawanra, bara kasak lukbia Dawan Jisas ra.

Apastil Nani Sturka 20:24

Sakuna naha diara nani na mita lika kupi ra trabil ai munras. Yang pali rayaki sin bahki kulkisni, sakuna naha baman aitani lukamna: plapaia yabalka ba tnata kat liliakira plapamna kaka, bara baha warkka Dawan Jisas mita mihti ra mangkan ba tnata kat daukamna kaka, Gâd latwanka lâka sturka painkira upla nani ra witnis aisaia ba sin.

Apastil Nani Sturka 20:9

Windar kum ra wahma kum iwi kan, nina ba Eutico. Pal ai smalkanka yari daukan bamna, wahma ba yapan daukan bara mahka yapan. Uya karna yapi si utla yumhpa pura wina tasba kat kauhan; bara upla wih alki bukan ba ra, pat pruan kan.

Apastil Nani Sturka 28:23

Bamna yu kumi mangki yan, bara baha yua ra upla ailal pali balan Pal takaski kan ba watla ra. Titan wina tutni kat baha nani ra aisin Gâd King aimaki Lâka ba dukiara. Bara Pal baku Jisas tânka aisi baha nani ba kupia lakaia muni kan, Moses lâka wina, bara prapit nani Ulbanka ba wina sin.

Apastil Nani Sturka 4:36

Baku sin witin nani ai tilara Libait kum kata nina Josep, witin ba Chipre kî dakura ra aisuban kan, bara apastil nani mita nina wala laki yan, Bernabé, (tânka ba “Maisa Nanihkra luhpia”).

2 Korint 5:20

Baha mita yang nani ra Kraist ai blikan sturi yamni smasmalkra nani, baha lika Gâd bui man nani ra yang nani bâk mamkabisa. Bahamna, yang nani Kraist nina ra man nani ra mamkabisna, mahka Gâd wal kupia kumi takma.

2 Korint 6:17

Bamna witin bila sin: “Witin nani lilapaska ba wina dakwi taki bal taks, Dawan bila; diara tâski ba kangbi banhpara. Bâra mika yang mita mai brimna,

Galesha 5:3

Bara kli sin aisisna, ani uplika Aisa sainka ai wîna ra daukisa kaka, witin Moses lâka aiska daukaia sa.

Epesus 4:17

Bamna Dawan nina ra, yang naha na taibi pali mai wisna: man nani kli Dawan ra tawras uplika nani baku raya iwi kapara, kan baha nani lika gâdkas nani ba tânka kat baman taukisa,

Kli Smalkanka 32:5

“Upla saura bara kiamka warha, Gâd mapara buan nani ba sip ai luhpia nani takbia apia:

Pilipai 2:15

bara baku upla kumi sin man nani ra watawanka kum kra, apia kaka swakwanka kum sin sâkbia apia, kuna tâski âpu Gâd luhpia nani kama, upla saura nani bara tâskikira nani ba tilara. Man nani ba witin nani tilara slilma baku ingwaia sma naha tasbaya tilara,

1 Tesalonaika 2:11

Pain sin kaikisma, nahki man nani kumi bani ra, yang nani tâm baikri bara maisam nihkri ba, sim aisa kum mita ai luhpia nani ra maisa nihki ba baku.

1 Timoti 4:16

Man pali wînam ba kat aman kaiki bas, bara smalkankam ba sin, naha nani na ban dauki bas. Man naha na daukma kaka, wînam ba swaki sâkma, bara upla nani man ra wali banhwi ba sin baku takbia.

1 Pita 5:12

Silvano hilpka ni, witinka muihni kasakkira kum kulkisna ba, naha wauhkataya bîla prahni na mai ulbisna. Yang want sna man nani tâm baikaia bara witnis taki pali sin mai wisna: yamnika nani briram ba lika, Gâd latwanka tânka kasak ba sika. ¡Baha ba kat bapi bûi bas!