Apastil Nani Sturka 2:4 - DAWAN BÎLA AISKA

⁴ Kumi bani ba Spirit Holikira ni aibanhwan, bara mahka bîla sât wala nani ra aisin, Spirit mita yan aisan ba kat.

Apastil Nani Sturka 2:4 ပူးပေါင်းရင်းမြစ်များ

2 Samuil 23:2

“Dawan Spiritka ba yang bîli bâk aisisa; ai bîla aisinka ba yang twisi ra sa.

Aiseya 28:11

Bamna aitani, witin nani ra un briras kabia kaka, bîla tringsar ra blaki aisinka baku kabia Gâd mita naha uplika nani ra baku aisabia.

Aiseya 59:21

Bara Dawan aisisa: “Yang lâika daukisa man nani wal yang karniki bara smalkanki, man nani bîlam ra mangkri ba, man bîlam wina taki wabia apia; man luhpiam nani bîla wina sin apia, man luhpiam nani bara luhpia nani bîla wina sin apia ban kaia ra.”

Jirimaya 6:11

Dawan, yang na man lawankam ni ai banhkram ba mita puri luan sa, kau alki takaskaia sip apia sni.” Dawan bui ai win: “Wahma nani yabal ra tauki ba purara laiks, tiara daknika nani ba purara laiks. Maya waitna nani bara maya mairin nani ba silak ra brih wabia, dama pali nani ba sin brih wabia.

Isikiel 3:11

Was, uplikam nani ra tasba wala ra brih wan bâra ba kaiks, witin nani man ra walbia sapa bara walras kabia sin, witin nani ra wis: ‘Naha Dawan aisisa.’ ”

Miqueas 3:8

Ban sakuna, yang maipara lika, Dawan spiritka mita karnika ni ai banhkisa, kasakka lâka tânka kaikaia karnika aikisa; bara kupi lukanka karnika ba sin, Israel, Dawan mapara bûi ba tânka param wiaia, ai saurka nani ba sin, ai mawanra kabia.

Matiu 10:19

Sakuna wihta nani mihta ra mai mangkbia ba ra, dîa aisaia bara nahki aisaia sma ba dukiara lika uya lukpara; kan aisaia piua aimakbia ba ra, Gâd mita maikbia diara aisaia sma ba.

Mark 16:17

Bara kasak luki nani ra naha sainka nani ai yula kahbia: yang nini mâki pirit saura nani kangbi sâkbia; bîla raya nani sin aisabia;

Luk 1:15

Luhpiam waitna ba lika Dawan mawanra tara pali kabia. Witin wain dibia apia, laya saura sâtka kumi sin apia, bara witin kau aisubi takras piua ba wina, Spirit Holikira ni aibanhwan kabia.

Luk 1:41

Baku mika, Elisabet Meri ai lakula nan daukan ba ra, ai biara ra ai luhpia ba pulan, witin sin Spirit Holikira ni aibanhwan.

Luk 1:67

Ai aisika Sakaraya ba Spirit Holikira ni aibanhwan, bara Gâd diara aisaia yan ba, naku aisin:

Luk 12:12

kan mahka aisaia kama ba ra, Spirit Holikira mita mai smalkbia dîa wiaia kama ba.”

Luk 21:15

kan yang mita dîa aisaia sma bîla nani bara sinska lâka ba sin maikamni, bamna waihlam nani kumi sin baha mapara bubia apia, aisabia sin apia.

Luk 4:1

Jisas Spirit Holikira ni aibanhwi, Jordan awala wina kli tawi balan ba ra, Spirit Holikira mita upla iwras tasbaya ra brih wan.

Jan 14:26

Sakuna Spirit Holikira Aisa mita yang nini ra luki blîkbia ba lika, man nani ra hilp mai munaia bara maisam nihkaia dukiara, bara witinka mita diara sut mai smalkbia, bara dîa dîa mai wîri ba sut kupiam kraukbia.

Jan 20:22

Jisas mita disaipil nani sut ra ai wingka puhbi, naku win: —Man nani Spirit Holikira ba bris.

Apastil Nani Sturka 1:5

Kasak mai wisni: Jan lika upla ra lî ni baman tahbi dauki kan, ban sakuna, kainamra kau yu kulki man sa, man nani lika Spirit Holikira ni tahbi mai daukan kabia.

Apastil Nani Sturka 1:8

Sakuna man nani puramra Spirit Holikira balbia ba ra karnika brima, bara yang dukira witnis nani kama Jerusalem ra, Judia tawanka aiska ra, Sameria ra, ban wan tasba wala ra kau laihura ba kat sin.

Apastil Nani Sturka 10:46

Witin nani walan, baha nani bîla sât wala nani aisi, Gâd ra sin mayuni kan.

Apastil Nani Sturka 10:47

Baku bamna, Pita aisin: —¿Upla sip kabia ki naha nani tahbi daukaia ba wina takaskaia, witin nani pat Spirit Holikira brin na yawan baku?

Apastil Nani Sturka 11:15

Yang mahka aisari ba ra, Spirit Holikira witin nani sut purara bal iwan, sim tâ pali piua ra yang nani purira bal iwata ba baku.

Apastil Nani Sturka 11:24

Bernabé lika waitna kum pain kata, witin Spirit Holikira ni bara kasak lukan lâka ni sin aibanhwan kan. Baha mita witin mita upla manis Dawan ra bri balan.

Apastil Nani Sturka 13:52

Sakuna lalukra nani Antíoco ra banhwi kan ba lilia pali kan, Spirit Holikira ni sin aibanhwan kan.

Apastil Nani Sturka 13:9

Bamna Saulo, nina wala Pal wi ba, Spirit Holikira ni aibanhwan, bara witin mita sukia ba kat aman kaiki,

Apastil Nani Sturka 15:8

Bara Gâd, witinka upla kupia pain kaiki ba bui naha diara na wan marikan sa, nahki Ju apia nani ra sin want ba, bara Spirit Holikira baha nani ra yaban, sim yawan ra wankan ba baku.

Apastil Nani Sturka 19:6

Pal ai mihta baha nani purara kahban ba ra, sut purara Spirit Holikira bal iwan. Bara mahka witin nani bîla sât sât aisin, Dawan sturka sin aisi kan, Gâd wina yan bamna.

Apastil Nani Sturka 2:11

baha nani wina tila nani ba Ju nisanka pali, bara wala nani Ju takan nani ba sin. Creta, Arabia wina sin upla nani nâra sa, sakuna ban yawan wan bîla pali kat baha nani aisin yawan walisa, nahki Gâd mita diara aihka tara daukan nani ba dukiara.

Apastil Nani Sturka 2:3

Bara pauta klauhan twisa nani baku latan takan, bara witin nani sut purara iwan.

Apastil Nani Sturka 4:31

Ai pura suni takaskan ba ra, witin nani asla taki bâra kan pliska ba nikban; bamna witin nani sut Spirit Holikira ni banhkan kan, bara sibrin âpu Gâd sturka yamni ba aisin.

Apastil Nani Sturka 4:8

Bamna Pita ba Spirit Holikira ni aibanhwan, bara baha nani ra naku win: —Man nani lika naha uplika nani wihtka nani sma ba, bara almukka nani sin:

Apastil Nani Sturka 6:3

Bahamna, man nani tilam wina waitna pain 7 pliki sâks, sins lâka aitani bri nani ba, bara Spirit Holikira ni sin aibanhwan kaka; baha nani ra naha warkka na yas daukbia.

Apastil Nani Sturka 6:5

Naha diara na dukiara upla nani sut aitani lukan, bara witin nani mita Stiben ba ai tila wina pliki sakan. Witin lika waitna kumi kasak lukan lâka ni, Spirit Holikira ni sin banhwan kan. Bara Pilip, Prócoro, Nicanor, Timón, Pármenas, bara Nikolas Antíoco wina, witinka kaina piua ra Ju lâka kakulkra kan ba.

Apastil Nani Sturka 6:8

Stiben lika waitna kumi Gâd karnika bara yamnika ni aibanhwan kan. Witin lika diara aihka nani bara sain nani sin dauki kata upla nani tilara.

Apastil Nani Sturka 7:55

Sakuna Stiben, Spirit Holikira ni banhwan kan, kasbrika purara kaikan, bara Gâd prana ba kaikan, Jisas sin kaikan ai aisa mihta aihkika tani ra bûi kan.

Apastil Nani Sturka 8:17

Bamna Pita bara Jan wal mita baha nani purara ai mihta nani kahban, bara Spirit Holikira brin.

Apastil Nani Sturka 9:17

Bamna Ananías wan Saulo bâra kan ba watla kat. Witin diman, bara ai mihta nani witin ra kahbi, win: —Muihni Saulo, man aulma kapram bara yabal ra Dawan Jisas wal prawram ba mita ai blikan man namkra kli yamni briaia, bara Spirit Holikira ni sin aibanhma dukiara.

Roman 15:13

Bamna Gâd bui man nani ra bîla kaikaia lâka maiki ba, lilia bara kupia kumi lâka ni mai banhkbia, kan man nani sika witin ra kasak lukisma ba, bara bîla kaikanka sin uya maikbia Spirit Holikira karnika ba mita.

1 Korint 12:10

Tila nani sain tara nani daukaia sinska yabisa, bara wala nani ra lika, Gâd wina sturi nani brih aisaia sinska. Wala nani ra Gâd mita sins yabisa, pirit kuninkira nani ba ani sapa bara Spirit kasakkira ba sin ani sapa kaikaia; wala nani bîla sât sât aisaia sinska brisa; bara kau pali wala nani ra lika, baha bîla nani ra dîa aisin ba tânka param aisaia sinska yabisa.

1 Korint 13:1

Yang na upla nani aisi ba bîla ra, bara insal nani bîla sin aisaia sip kamna sakuna, latwan lâka âpu sna kaka, aisinki ba lika drum prukan kli kli ini ba baku sa, pân taya prukan bin dauki ba baku.

1 Korint 13:8

Latwan lâka ba pruras ban raya iwisa. Piua kum balbia, bara Gâd wina bîla nani brin dahra aisabia apia, bîla aihka nani ra sin aisabia apia sa, diara tânka kaikaia lâka ba sin luha apia kabia.

1 Korint 14:18

Yang bui Gâd ra tingki wisna, man nani sut purkamra bîla sât aihka aisaia sip sna ba dukiara;

1 Korint 14:5

Yang brin ai dauki kabia, man nani sut ba bîla sât aihka aisaia sinska nani bri kama; sakuna kau pali brin ai dauki kabia Gâd wina sturi nani brih aisaia sip katma kaka. Kan Gâd wina sturi nani brih aisaia ba kau pain sa, bîla sât aihka aisaia ba wal, ban kra bîla sât aihka nani ra aisi dukia nani ba, tânka param saki aisabia kaka lika, serts uplika nani ba spirit tânka mapa ra pâwbia dukiara.

Epesus 3:19

Bahamna, puri sunisna baha latwanka lâka tânka ba man nani brima, baha tânka ba kau tihu sa tânka wala sut kaikan wan dauki ba wal, bara baha mita Gâd latwanka lâka ni aibanhwan pali kama.

Epesus 5:18

Bamna bla âpu bas, kan baha mita ban tanis tiwaia ra wan brih auya; sakuna Spirit Holikira ni aibanhwi bas.

Epesus 6:18

Man nani puram sunisma ba swipara, piu bani Gâd ra bik taki makabi bas, Spirit man nani tâm briaia. Ridi bas, lukankam swapras kira bara Gâd uplika nani sut dukiara sin man nani puram suni kama.

1 Pita 1:12

Sakuna Gâd mita baha prapitka nani ra latan marikan ai warkka ba; witin nani ai dukia lika apia kan, sakuna yawan wan dukia kan ba. Bamna nanara, naha sim dukia sika man nani ra maisam pakan ba. Sturi yamni bîla twatwilkra nani, witinka nani Spirit Holikira kasbrika pura wina blikan ba karnika ni aisan ba mita, naha kasakka sturka nani mai win sa. Naha dukia nani lika insal nani pali sin tânka ba kaikan daukisa.

2 Pita 1:21

Kan prapit nani lika, aima kumi sin upla lâka kat ai kupia wina diara saki aisaras kan. Sakuna, witin nani lika upla nani kan, bara Spirit Holikira mita tâ bri kan ba mita, Gâd wina diara brih aisi kata.

1 Samuil 1:14

bara witin ra win: —¿Man ahkia kat bla lâka ba swima ki? ¡Diaia lâka ba mahka swis!

1 Samuil 10:10

Baha ningkara, Saúl ai albika wal Guibeá ra wan, bara prapit nani dakni kum spirit diman ai mapa ra aula kan witin wal prawaia. Bara Gâd spiritka ba Saúl ra sin diman bara witin sin baha nani baku tilara mahka dahra aisin.