Apastil Nani Sturka 2:33 - DAWAN BÎLA AISKA

³³ Baku bamna, Gâd mita ai mihta aihkika ba ni witin ba purara pali bukan, bara Spirit Holikira witin ra yan, Aisa mita pramis munan kan ba. Bahamna, diara nani sut man nani walisma na bara kaikisma na sin, witin wina atia sa.

Apastil Nani Sturka 2:33 ပူးပေါင်းရင်းမြစ်များ

Apastil Nani Sturka 1:4

Witin kau apastil nani wal aikuki asla iwi kan piua ra, baha nani ra naku win: —Man nani Jerusalem wina taki anira wapara. Aisa mita ai Spiritka yaia pramis aisin dukiara yang mai wisatna ba, bîla kaiki bas.

Apastil Nani Sturka 5:31

Gâd mita witin ba purara buki ai mihta aihkika tani ra yan iwan. Witin ba sin Wihta Tara bara Sasakra sin mangkan, Israel nisanka ra piua yaia, ai kupia lakaia bara ai saurka nani ban swin tikan lâka briaia ba dukiara.

Apastil Nani Sturka 2:17

‘Gâd bila: Tnata yua nani ra naku daukamna: Yang Spiritki ba upla bani purara laikamni, bamna luhpiam waitna nani bara luhpiam mairin nani ba sin, yang witniski aisabia; wahma nani sin diara aihka kaikbia, almuk nani lika yaprisauhkan kaikbia.

Jan 14:26

Sakuna Spirit Holikira Aisa mita yang nini ra luki blîkbia ba lika, man nani ra hilp mai munaia bara maisam nihkaia dukiara, bara witinka mita diara sut mai smalkbia, bara dîa dîa mai wîri ba sut kupiam kraukbia.

Mark 16:19

Witin nani ra aisin ba ningkara, Dawan Jisas lika kasbrika purara bukan kan, bara mahka Gâd mihta aihkika ra iwan.

1 Pita 3:22

Bara witinka sika kasbrika purara uli Gâd lama pali ra iwi ba, bara insal nani, kasbrika purara karnika bri nani ba, bara karnika wala bri nani ba sut purara sin, witin wihta aimakisa.

Galesha 3:14

Naha na baku takan, Gâd mita Ebraham ra yamni munaia pramis munan ba, Kraist Jisas bâk Ju apia uplika nani ra yaia; bara baku yawan sut bribia kasak lukan lâka ba mita, baha Spiritka Holikira Gâd mita pramis munan ba.

Apastil Nani Sturka 10:45

Ju lalukra nani Pita wal balan kan ba tâ iwan, Spirit Holikira ba Ju apia uplika nani ra sin yabuya ba dukiara.

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Jan 14:16

Yang Aisa ra makabamna, witin bui man nani hilpkam bara maisam nihkaia dukiara wala kumi maikbia, baha sika kasak tânka Spiritka ba, witin ba man nani wal kabia ban kaia ra.

1 Pita 1:21

Kraist bâk Gâd ra kasak lukisma man nani, bara witinka sika pruan nani tila wina kli bukan bara prana sin yan; baku bamna, man nani kasak lukisma lâka ba kainamra diara bîla kaikisma ba sin Gâd ra kasak brisma.

Hibru Nani 10:12

Ban sakuna, Jisas Kraist ba wan saurka nani sakaia dukiara sakripais kumi dauki yan, baha ba ban kaia ra aitani sa, bara baha ningkara Gâd lama pali kat wih iwan.

Roman 5:5

Bara naha wihka bîla kaikaia lâka na mita, swira wan paskras sa, kan Gâd mita Spirit Holikira wankan ba bâk ai latwanka lâka ba wan kupia ra banhkan.

Aiseya 53:12

Baha mita Gâd bui witin ra pliska kum yabia upla tara nani tilara, karnikira nani ba aikuki tilara pura lubia, kan witin pruaia ai wîna ba yan, watawikira nani tilara kulkan kata, kan kasak pali sika upla manis upla saura ba witin twilkan upla saura nani tâwan ai pura sunan.

Lawana Nani 89:24

Laitwanka lâka bui kasakki lâka ba witin kulkbia, bara ai karnika ba pura praki yabamni.

Lawana Nani 89:19

Aima wala ra diara aihka kaikram ba aisaram, bara nampakan kasakkira nani ra wiram: “Yang upliki tila wina kupia karnakira kum bâk saki briri purara bukri bara hilp munri.

Taitus 3:6

Wan Sasakra Jisas Kraist bâk, Gâd Spirit Holikira aihwa pali ba wankan sa,

Epesus 4:8

Baha mita Ulbanka ba wisa: “Witin diara nani sut wal kau kasbrika pura ba kat ulan ba ra, priskan uplika nani ailal brih uli wan, bara upla nani ra sin prisant nani yan.”

Jan 17:5

Bamna Aisa, nanara aik baha mayunra kau tasba na âpu kan wina man wal kan ba.

Jan 15:26

“Sakuna witinka hilp mai munaia bara maisam nihkaia wisi balbia ba, kasak tânka Spiritka yang mita Aisa wina blikamna ba, witin lika yang dukira witnis aisabia.

Luk 24:49

Bara kaiks, yang bui man nani puramra blikamna Aisiki dîa pramis munan ba; ban sakuna, Jerusalem tawanka na ra takasks ani piua ra pura wina karnika brima ba kat.

Aiseya 52:13

Bara kaiks yang warkki dadaukra warkka ba, pain man takbia, purara sin bukan kabia, bara laih purara mangkan kabia.

Lawana Nani 118:16

Dawan karnika ba mayunan sa; ¡Dawan karnika ba mita pura luan lâka ba alkan sa!”

Epesus 1:13

Bara man nani sin, diara kasak sturka ba walram, bara swaki mai sakan lâka smalkanka ba, bara Kraist ra kasak lukram ba ra sin, witinka ra asla mai prakan bara sîl sin mai mangkan Gâd dukia nani kaia ba mata, witin pramis aisin Spiritka Holikira ba mita.

Hibru Nani 2:9

Sakuna yawan Jisas ba kaikisa, witinka Gâd mita piu wiria insal nani wina kau mâyara mangkan kan ba. Gâd ai latwanka mita want kan, Jisas ba upla sut dukiara prubia; bara nanara witin prura pâtka wahwan ba mita, prana kraunka ba bara pain kulkan lâka kraunka ba sin witin ra yaban sa.