Apastil Nani Sturka 2:27 - DAWAN BÎLA AISKA

²⁷ Man lika yang sulki ba pruan nani bâra ba pliska ra ban swima apia; dukiam dadaukra holikira ba wîna tara sin sukwi luaia adarka yama apia.

Apastil Nani Sturka 2:27 ပူးပေါင်းရင်းမြစ်များ

Lawana Nani 116:3

Prura kiwka nani ba, kutbi kir ai brin, prura pâtka nani sin ai alkan, prura pâtka sibrin bara wîni latwanka ai alkan.

Lawana Nani 16:10

Man bui yang ba pruan tasbaya ra ai swima apia; man uplikam kasak aihwa ba, tasba untika kum ra lulki swima apia.

Lawana Nani 49:15

Sakuna yang Gâdki bui prura karnika ba wina dakbi ai sâkbia, kan yang ba witin wal ai brih wabia bamna.

Lawana Nani 86:13

¡Lamtwanka lâka yang ra brisma ba tara pali sa! ¡Raiti bilara kaia kapri ba wina pri ai sakram!

Lawana Nani 89:19

Aima wala ra diara aihka kaikram ba aisaram, bara nampakan kasakkira nani ra wiram: “Yang upliki tila wina kupia karnakira kum bâk saki briri purara bukri bara hilp munri.

Jona 2:6

Tihuka tara pali mununhtara ai rungkram; baha kat yang daira walri, silak watla ra ban bâra kaia ai mangkram ba. Sakuna man, Dawan, yang Gâdki, prura wina swaki ai sakram.

Matiu 11:23

Bara man, Kapernaum tawanka, ¿kasbrika purara ba kat mai sunan kabia lukisma? Man lika hil pauta tihuka kat mai lulkan kabia. Kan man nani tilamra sain aihka nani daukan baku Sodoma tawanka ra daukan kaka, baha tawanka naiwa kat ban bâra kaia kan.

Mark 1:24

—Jisas Nasaret wina, ¿dîa muni yang nani tilira dimisma? ¿Yang nani ra rau ai sauhkaia balram ki? Yang lika man ra pain mai kaikisna. Man sika Gâd Holikira pali sma.

Luk 1:35

Pana insal ba bila: —Spirit Holikira ba man puramra balbia, bara Gâd Laih Purara ba karnika kasbrika baku mamdiskbia. Baha mita, man wina tukta holikira aisubi takaia ba lika Gâd Luhpia mâkan kabia.

Luk 16:23

“Pruan nani tasbaya ra waitna yuyakira ba pât tara wahwi kan ba ra, ai nakra bukan ba ra, laih pali ra kaikan Ebraham ba Lasarus wal kata.

Luk 24:44

Ningkara, witin bila: —Dîa yang ra takan ba tânka sika sut mai wîri, kau man nani wal katna ba ra: Baha ba sut aimakaia kan, yang dukira dîa Moses lâka ra ulban ba, prapit nani Ulbanka ra ba, bara Pura Sunra Lawana nani ra sin.

Luk 4:34

¡Jisas Nasaret wina, ban wan swis! ¿Dîa kan wan tilara dimisma? ¿Man ba wan sauhkaia aulma ki? Yang mai kakaira pali sna. Man ba Holikira Gâd wina ba sika.

Jan 11:39

Jisas bila: —Man nani walpa ba sâks. Marta, Lasarus pruan ba lakrika bila: —Dawan, nanara pat kîa saura takisa baku sa, kan Lasarus ba pat pruan yu walhwal brisa.

Apastil Nani Sturka 2:26

Baha mita yang kupi ba lilia pali takan, bara twisi sin mahka lilia ni aiwanisa, bara yang wîni tara ba wihka bîla kaiki kabia.

Apastil Nani Sturka 2:28

Man mita sin raya kaia ra waia yabalka nani sut pain pali ai marikram, baha purkara man mamwanra lilia ai daukma.’

Apastil Nani Sturka 2:31

Baku bamna, Debit lika kan wina witin ra kaiki baku, Misaya pruan wina bubia ba dukiara naku aisin: ‘Witin sulka ba pruan nani pliska ra ban swibia apia, bara ai wîna tara ba sin swika sukwi lubia apia.’

Apastil Nani Sturka 3:14

Baha uplika holikira bara kasakkira ba pri sakaia makabaia ba watlika ra, man nani upla saurakira pali kum ni pri sâkbia makabatma.

Apastil Nani Sturka 4:27

“Kasak, naha tawanka ra sika, Herod bara Pontius Pailat wal bara Ju apia nani ba sin, bara Israel luhpia nani aikuki asla aidruban, man nampakan holikira Jisas ba mapara, witin ba man mita Kraist mangkram ba.

1 Korint 15:52

wan nakra klipan kumi ra, trumpit binka ba walbia. Trumpit ba inbia, bara pruan nani ba bukan kabia, bara kli prubia apia; bamna yawan na aihka wan lakan kabia.

1 Korint 15:55

Prura, ¿pura luaia karnika bri katma ba anira sa? Prura, ¿yang nani sairka paskaia karnika anira sa ki?”

1 Jan 2:20

Sakuna Kraist mita man nani ra Spirit Holikira maikan sa, bara baha mita man nani sut diara tânka kaikaia lâka brisma.

Param Marikanka 1:18

Yang sika raya sna. Âu, yang pruri kata, sakuna nanara lika ban kaia ra raya sna. Prura king aimaki tasbaya kîka ba brisna.

Param Marikanka 20:13

Kabu ba mita ai pruanka nani yan. Prura ba mita bara pruan nani pliska ba sin pruan nani bahara nani kan ba yaban; bara sut lâka daukan kan, kumi bani dîa daukan kan ba kat.

Param Marikanka 3:7

“Filadelfia sertska insalka ra sin ulbi wis: ‘Naku wisa witinka holi bara kasakkira ba, king Debit kî mihta bri ba; witin dur ba kwâkuya ba ra, upla kumi mita sin sip prakras; bara witin prakuya ba ra, upla kumi mita sin sip kwâkras ba: