Apastil Nani Sturka 2:25 - DAWAN BÎLA AISKA

²⁵ King Debit mita Jisas dukiara naku aisin: ‘Yang piua bani maiwanra Dawan ba kaiki katna. Witin sin yang laimara sa, bamna diara kumi sin trabil ai munbia apia.

Apastil Nani Sturka 2:25 ပူးပေါင်းရင်းမြစ်များ

Lawana Nani 109:31

Kan witin mita upla umpira ba tâwan aisi swaki sakisa, bara wala nani mapara aisi ba pât ra dingkisa.

Lawana Nani 110:5

Dawan ba man mihtam aihkika ra bâra sa; ai kupia sauhkanka yua ra, king nani ba sauhki tikbia;

Lawana Nani 21:7

King, man lika Dawan ra luki tniwisma bamna, kauhras ban kama; ¡Laih Purara iwi ba, kupia latwanka bara kasak lukisma ba mita!

Lawana Nani 30:6

Yang na karna sna daihra wali kapri, bara lukri: “Upla âpu sa yang ra ai batakaia.”

Lawana Nani 62:2

Witin baman swaki ai sakisa bara kaini kahbisa. Yang kauhamna apia, kan witin ba yukuwaiki sa.

Lawana Nani 62:6

Gâd wina baman swaki ai sakan lâka aikisa, witin ai swika kauhamna apia, kan witin sika yang yukuwaiki ba.

Lawana Nani 73:23

Ban sakuna, man wal ban tauki kapri. Man bui yang mihti aihkika ra ai alkram,

Aiseya 41:13

Kan yang, Dawankam, yang sika man Gâdkam, yang sika man mihtam aihkika ra tâm baikisna ba, bara mai wîri sa: ‘Si bripara, yang hilp mai munisna.’ ”

Luk 1:6

Witin nani wâlsut Gâd mawanra upla kasakkira kan, Dawan lâka nani bara ai adarka nani sut ba bîla wali dauki kan; baha mita upla kumi sin witin nani ra diara aihka kumi sin sip sakras kan.

Jan 16:32

Bamna awarka ba aula bara baha awarka ba lika nanara pali, man nani aihka aihka mai yakaban kabia, bamna yang na yakan ai swi banhbia. Sakuna yakan apia sna, kan Aisa ba yang wal sa.

Apastil Nani Sturka 2:26

Baha mita yang kupi ba lilia pali takan, bara twisi sin mahka lilia ni aiwanisa, bara yang wîni tara ba wihka bîla kaiki kabia.