Apastil Nani Sturka 2:23 - DAWAN BÎLA AISKA

²³ Blasi piua wina Gâd mita ai Luhpia ba ridi dauki dîa takaia kan ba pain kaiki si, man nani mihtam ra mangkan ba ra, witin ba silak ra mangkram, baha ningkara upla watawikira nani mihta ra mangki bri si dus prihni ra sabi ikram.

Apastil Nani Sturka 2:23 ပူးပေါင်းရင်းမြစ်များ

Blasi Sturka 50:20

Man nani bui yang ra saura ai munaia luki daukram, sakuna Gâd lika man nani lukankam saura ba wina diara yamni ra lakan ba naiwa man nani kaikisma. Yang na upla ailal rayaka ba swaki sakaia ai mangkan.

Lawana Nani 76:10

Bara upla kupia baiwanka nani baman mayunra ra lakisma; witin nani ai waihla pali nani ba sin kraunkam takisa.

Aiseya 37:26

¿Man aima kumi sin walras kapram ki, yang, Dawan mita naha dukia nani sut daukri kan ba? Patitara yua nani ba wina pat daukaia luki kapri bara nanara yang mita baha ba daukri sa; baha mita sika man bui tawan karnakira pali kutbanka tara nani daukan ba sin, sauhki âpu daukisma.

Daniel 4:35

Witin ai mawanra upla nani sut tasba purara iwi ba lika bahki pali sa. Witin diara daukisa, ai kupia lâka ba kat, kasbrika purara ba wina naha tasba aiska ra sin. Upla âpu sa ai karnika ba mapara buaia, sip makabi walras sa dîa muni baku daukisa.’

Matiu 20:19

Ju apia nani mihta ra mangkbia witin swira daukaia mata, prukbia bara dus prihni ra sabia; sakuna yu yumhpa ra, pruan wina kli bukan kabia.

Matiu 26:24

Upla Luhpia Waitna ba, Ulbanka nani ra dîa ulban ba yabalka bâk waia sa, ¡sakuna waihla mihta ra mangki ba uplika ba mapara lika saura pali kabia! Kau aitani kaia kan baha uplika ba aisubi takras kan kaka.

Matiu 27:35

Pat dus prihni ra saban ningkara, suldiar nani ba dais pulan Jisas kwalka ba yui dauki briaia dukiara.

Mark 15:24

Baha ningkara dus prihni ra saban. Suldiar nani ba mita Jisas kwalka ba yui briaia wisi, dais pulan, witin nani kumi bani dîa briaia sapa kaikaia.

Luk 22:22

bamna Upla Luhpia Waitna auya witin ra mairikan yabalka ba bâk. ¡Sakuna waihli mihta ra ai mangkuya waitnika ba mapara lika alai pali kabia!

Luk 22:37

Kan man nani ra mai wisni Ulbanka nani naha aisi ba sut yang ra ban aimakaia sa: ‘Witin ba watawikira nani tilara kulkan sa.’ Bamna dîa dîa yang dukira ulban ba, aimakaia sa.

Luk 23:33

Witin nani Lalkamhka mâki ba tasbaya ra balan ba ra, Jisas ba dus prihni ra saban, saura dadaukra wâl ba sin: kumi ba aihkika tani ra, wala ba smihka tani ra.

Luk 24:20

Wan prîska tara nani bara wihta nani mita sin witin ba pruaia pâtka ra lakan, bamna witin nani bui Jisas ba dus prihni ra saban.

Jan 19:18

Bahara witin nani mita Jisas ba dus prihni ra saban, bara âimplikra wâl kan ba sin, kumi Jisas mihta aihkika tani ra bara wala ba smihka tani ra.

Jan 19:24

Suldiar nani ba pana pana aisin: —Yawan kwalka na kalkbiara; sakuna kaisa lat lulki kaikaia, kwalka na yaura tawbia sapa. Baku sika Ulbanka ra dîa aisi ba aimakan: “Witin nani bui yang kwailka pali ba purara lat puli, yui bri banhwan.” Bamna baku suldiar nani mita daukan.

Apastil Nani Sturka 13:27

Bamna baha nani Jerusalem ra iwi kan ba, ai wihtka nani sut aikuki Jisas ba ya sapa tânka briras kan, bara prapit nani wauhkataya wina ris yua bani Ju nani priaska watla aisi kaiki banhwi kan ba sin tânka briras kan. Baku mika Jisas pât ra lulki banhwan ba ra, prapit nani dîa aisin ba tnata alkan.

Apastil Nani Sturka 15:18

Dawan naku wisa, witinka naha diara nani ban patitara piua ba wina swin ba kaikan.’

Apastil Nani Sturka 2:36

“Israel nisanka ba sut naha diara na dukiara pain ai dara walaia sa: Baha sim Jisaska man nani dus ra sabi ikram ba, Gâd mita witin ba Dawan bara Misaya sin mangkan sa.”

Apastil Nani Sturka 3:18

Kuna baku natka bâk baman Gâd sip kan, witin ai prapitka nani bâk Misaya ba pât wauhbia dukiara aisin ba, tnata alkaia.

Apastil Nani Sturka 4:28

Baku mika witin nani sut daukan, dîa man patitara piua ra lâ mangkram kata ba, diara nani takaia kan ba kat.

Apastil Nani Sturka 5:28

—Yang nani bui man nani ra adar maikri, baha waitnika nina mâki kli smalkaia apia, ban sakuna, kaiks dîa daukisma ba. Man nani smalkankam ni Jerusalem aiska banhkram sa, bara sin trai kaikisma baha waitna pruan ba dukiara yang nani na pâtkira ai daukaia.

Apastil Nani Sturka 5:30

Wan damika nani Gâdka mita Jisas ba pruan wina kli bukan, witinka ra sika man nani dus prihni kum ra pami ikram ba.

Apastil Nani Sturka 7:52

¿Man nani damikam nani ani prapitka ra nani ra lika saura munras kan ki? Damikam nani mita ikan, baha nani baha kasakkira balaia dukiara aisi banhwi kan ba ra. Witinka ba balan ba ra, man nani waihlam saki upla mihta ra mangki, ikram.

Roman 2:12

bamna baha nani Moses lâka alki briras ban saura dauki banhwi ba, baha lâka âpu kira pât ra tawbia; bara baha nani Moses lâka bri sakuna saura dauki banhwi ba, baha sim lâka ba ni lâka aisi daukan kabia.

Roman 4:17

Ulbanka ra aisi ba baku: “Man ba nisan ailal aisika mai daukri.” Bamna baha Gâd ra sika Ebraham kasak lukan ba, pruan nani ra rayaka yabi Gâdka ba bara diara kau âpu ba sin yan bal taki ba.

1 Tesalonaika 2:15

Naha Ju nani sika Dawan Jisas ba ikan, patitara ai prapitka nani ra ikan ba baku; bara yang nani ra sin kangbi ai sakan. Witin nani ba dîa Gâd want ba kat daukras bara upla sut mapara bûi banhwisa.

1 Pita 1:2

Man nani ba Gâd Aisa mita bâk mai sakan sa patitara wina, dîa daukaia lukan ba kat. Spirit bâk man nani ba upla holikira nani mai daukan sa; witin ra ai bîla wali daukma dukiara, bara Jisas Kraist tâlia mita klin mai daukbia dukiara sin. Bamna, man nani ba yamnika nani bara kupia kumi lâka manis pali bri kama.

1 Pita 1:20

Kraist lika Gâd mita kau tasba paskras kan wina naha dukia mata bâk saki brin kata; kuna naha piua nani tnata ra, witin latan takan man nani painkam ba dukiara.

1 Pita 2:8

Bara naha wala na sin: “Walpa tara kum, walpa kum ra sika ai mina prukbia.” Kan witin nani ai mina prukisa, sturi yamni bîla wali daukras ba mita, Gâd kupia lâka kat witin nani ra baku takaia kan.

Judas 1:4

Bamna upla tila nani, kunin lâka ni tilara diman sa. Baha nani ulbanka ra pat maisa pakan sa, pât ban kaia ba ai dukia bribia. Baha nani lika upla saura nani sa, witin nani lika Gâd umpira kaikanka lâka ba brih, kunin lâka ra laki wan Dawanka kumi ba, Jisas Kraist ra kulkaia apia wisa.

Param Marikanka 13:8

Tasba paskan piua wina, Sîp Luhpia ikan ba raya kaia wauhkataya ba ra nina ulbras uplika nani tasba ra ba baha nani baman, baha daiwra saura ra mayunbia.