Apastil Nani Sturka 2:10 - DAWAN BÎLA AISKA

¹⁰ Frigia, Panfilia, Idsip, Cirene kuntrika tasbaya lama wina, baha purkara Rom wina sin upla nani nâra sa;

Apastil Nani Sturka 2:10 ပူးပေါင်းရင်းမြစ်များ

Blasi Sturka 12:10

Sakuna baha tasbaya aiska ra plun wahwan tara bâra kan, bamna Ebram Idsip ra wan plun tiwan piua ba baman bahara luaia, witin iwan ba tasbaya ra plun âpu kan ba mita.

Ester 8:17

Bara tasba bani ra, tawan nani bani ra king adarka brin ba ra, Ju nani bani lilia tara brih banhwan ai âuyapah kira ni, pata tara dauki kira ai lilia brih banhwan. Bara baha tasbaika uplika nani ailal pali ba sin Ju nani taki kata, kan Ju nani uplika nani ra sibrin tara bri kan ba mita.

Jirimaya 46:9

“¡Aras nani ba yas taki wabia! ¡Wagin nani ba yas plapbia! ¡Aiklaklabra nani ba mahka wapbia: suldiar nani Etiopía wina Libia wina, ai kaina kahbaika nani dimisa; Lidia wina suldiar nani, pantamangka lalulkra nani ba!

Jirimaya 9:26

Idsip uplika nani, Juda, Edom, Amón, Moab uplika nani sin, bara upla iwras tasbaya nani ra iwi ba sin, witin nani ai tâwa irbisa. Sakuna baha uplika nani sut Israel luhpia nani ba sin, kupia lukanka nani ba lika idan baman sa.”

Isikiel 30:5

Baku sin kauhan kabia war ra, Etiopía bara Libia suldiarka nani ba, Lidia wina, Arabia aiska wina, Cub wina bara tawan wala nani ba wina sin; bara kuntri wala nani aikuki asla takan ba sin.

Daniel 11:43

Ai yuyaka nani ba sut pali brih wan kabia, gul, silbar bara Idsip ra diara manakira nani ba sut; ningkara Libia bara Etiopía wal piua ba sin aimakbia.

Oseas 11:1

“Israel luhpia nani ba kau tuktan kan ba ra, yang bui witin ra latwan kaiki katna; witin, yang luhpi waitna sa, Idsip ra kan yang winri.

Sakaraya 8:20

Dawan, karnika sut bri ba, naha aisisa: “Tawan tara nani ra iwi uplika nani ba sin balaia sa.

Sakaraya 8:23

Bara baha yua ra, Ju apia nisanka nani ba tila wina, upla matawalsip bal Ju uplika kum prâka ra alki bara wibia: ‘¡Yang nani sin man wal wan ai daukisa, kan yang nani walri, Dawan ba man nani wal sa!’ ”

Matiu 2:15

Witin nani bahara ban takaskan Herod pruan ba kat. Baha ba baku takan, Dawan bui prapit aisin ba aimakaia kan ba mita: “Idsip wina yang Luhpi winri.”

Matiu 23:15

“¡Lâ Smasmalkra nani bara parisi nani, kuninkira nani, man nani mampara alai pali kabia! Man nani kabu nani bara kuntri nani sin aiska impakisma upla kum Ju lâka ra lakaia dukiara; bara lakram ba ra, baha uplika ba aima wâl prais man nani purkamra kau saura daukisma, hilp pauta ra waia dukiara.

Matiu 27:32

Witin nani taki auya kan ba ra, Cirene wina waitnika kum wal prawan, nina ba Saiman; bara witin ra taibi munan Jisas dusa prihni ba twilkaia.

Mark 15:21

Cirene wina waitna kum nina Saiman, Alejandro bara Rufo wal aisika, insla wina aula kan; bara bâk luan, taibi munan Jisas dusa prihni ba twilkaia.

Apastil Nani Sturka 11:20

Sakuna lalukra nani tila Chipre bara Cirene wina kan ba mita Antíoco tawanka ra wan, bahara Dawan Jisas swaki wan saki sturka ba Ju apia nani ra smalkan.

Apastil Nani Sturka 13:1

Antíoco ra serts bâra kan ba ra, prapit nani bara smasmalkra nani sin bâra kan. Baha nani sika Bernabé, Simian, nina wala Taya Siksa mâki kan ba, Lucio Cirene wina ba, Manahem, witinka Galili kuntrika wihtka, Herod wal pâwan ba, bara Saulo sin.

Apastil Nani Sturka 13:13

Pal ai uplika wala nani ba aikuki Pafos wina duri ra aimaki, ban laki Perge ra balan, Panfilia tasbaya ra; sakuna Jan lika witin nani wina dakwi taki kli Jerusalem ra wan.

Apastil Nani Sturka 13:43

Ju nani priaska watla ra asla takan ba tnata alkan, Ju ailal bara Ju takan uplika ailal sin, Pal Bernabé wal nina blikan. Bara apastil nani mita smalki kupia kraukan, nahki witin nani ban kasak kaia sa Gâd latwanka lâka ra.

Apastil Nani Sturka 14:24

Ningkara witin nani Pisidia kuntrika bâk impaki, Panfilia tasbaya ra balan.

Apastil Nani Sturka 15:38

Sakuna Pal mita baha wahma kli aikuki taukaia aitani lukras kan, witin kata sika Panfilia kuntrika ra witin nani ra swin; bara wark ra waras kan.

Apastil Nani Sturka 16:6

Spirit Holikira adar yaras kata Asia ra sturi yamni ba smalkaia. Bamna witin nani Frigia bara Galesha tasbaika bâk impaki,

Apastil Nani Sturka 17:21

Atenas uplika nani bara tringsar nani bahara iwi ba sut diara bahki nani ra ai piua nani tikras kan, sakuna diara raya kum kaka lika walaia laik kan bara aisaia sin.

Apastil Nani Sturka 18:2

Bahara witin Ju waitna kum wal prawan, ai nina Áquila kata; witin ba Ponto tasbaya ra aisubi takan. Áquila lika ai maya wal bisi pali Italia kuntrika wina balan kata, kan king Claudio mita Ju nani sut Rom tawanka wina kangbi sakan kan bamna, witin nani sin baha wina takan. Bara Pal wan witin nani ba kaikaia.

Apastil Nani Sturka 18:23

Bahara yu tila nani luan, ningkara kli taki impakan plis wala nani ra, Galesha ra bara Frigia ra sin; bahara iwi kristian nani sut tâ baiki kan.

Apastil Nani Sturka 2:11

baha nani wina tila nani ba Ju nisanka pali, bara wala nani Ju takan nani ba sin. Creta, Arabia wina sin upla nani nâra sa, sakuna ban yawan wan bîla pali kat baha nani aisin yawan walisa, nahki Gâd mita diara aihka tara daukan nani ba dukiara.

Apastil Nani Sturka 23:11

Tihmia wala ra, Dawan mita Pal ra bal win: “Pal, kupiam karna bri bas; Jerusalem ra, yang witniski aisaram ba baku, man Rom ra sin aisama.”

Apastil Nani Sturka 27:5

Cilicia bara Panfilia wal kabuka lui Licia tawanka kum ra bal banhri, nina ba Mira.

Apastil Nani Sturka 28:15

Rom ra wan muihni nani pat yang nani sturki walan kan, bahamna witin nani ba yang nani maipa ra balan, Apio Forum pliska kum nina, Utla Yumhpa wi ba kat. Pal baha nani kaikan ba ra, Dawan ra tingki win bara ai kupia aimakan.

Apastil Nani Sturka 6:5

Naha diara na dukiara upla nani sut aitani lukan, bara witin nani mita Stiben ba ai tila wina pliki sakan. Witin lika waitna kumi kasak lukan lâka ni, Spirit Holikira ni sin banhwan kan. Bara Pilip, Prócoro, Nicanor, Timón, Pármenas, bara Nikolas Antíoco wina, witinka kaina piua ra Ju lâka kakulkra kan ba.

Apastil Nani Sturka 6:9

Prias watla uplika nani tila, nina alba kan pri takan nani mâki ba, Cirene wina nani ba sin, Alejandría wina bara Cilicia tasbaya wina bara Asia kuntrika wina nani ba sin, witin nani mahka Stiben wal blahwi kan.

Roman 1:15

baku bamna, yang maipa ra ridi pali sna, swaki sakan lâka sturka ba Rom ra iwisma nani ra sin mai smalkaia.

Roman 1:7

Bahamna man nani Rom ra iwi banhwisma ba sut ra mai ulbisni, Gâd latwan kaiki mai paiwan ba, witin bui ai uplika holikira kaia dukiara. Gâd wan Aisa bara Dawan Jisas Kraist mita yamni mai munbia bara kupia kumi lâka sin maikbia.

2 Timoti 1:17

Sakuna, witin Rom ra kan ba ra, kasak ai plikan yang wal prawan ba kat.

Param Marikanka 11:8

Ai wîna tara nani pruan ba, wan Dawan dus prihni ra saban tawanka tara wakpaska nani ra prawi kabia. Baha nina ba pirit tânka mapa ra Sodoma mâkisa, Idsip sin.