Apastil Nani Sturka 19:9 - DAWAN BÎLA AISKA

⁹ Sakuna tila nani ai kupia karna daukan, kasak sin lukan daukras kan, kau ni upla nani mawanra sturi yamni ba mapara saura ni aisin. Bara Pal baha nani swi si, kristian nani ba Tirano skulka watla ra brih wan; bahara witin yu bani aisi kan.

Apastil Nani Sturka 19:9 ပူးပေါင်းရင်းမြစ်များ

2 King Nani 17:14

Ban sakuna, witin nani ai kupia ba karna pali daukan, kaina piua ra ai damika nani daukan ba baku, bara sin witin nani Dawan ai Gâd ra kasak lukras kan.

2 Kronikas 30:8

Baku bamna, man nani kiamam karna kapara, damikam nani kan baku; mihtam buks Dawan ra kli lâ nani ba raya daukaia dukiara, bara bal Dawan wal aisaia watla ra, witin holikira ban sa piu bani. Dawan Gâdkam dukia dauks bara witin ai kupia lawanka ba takaskbia man nani wina.

2 Kronikas 36:16

Sakuna Gâd blikan uplika nani ra lawaska kikan, maisa papakra nani ra sin kulkras kan, prapit nani ra lawaska kikan, Dawan kupia baiwanka balan kat ai uplika nani mapara, bara diara wala daukaia âpu kan.

Nihimaya 9:29

Bara man bui witin nani ra kupia kraukram, lâmka bîla wali kli man ra tawbia wiram, ani uplika lâmka ba alki daukbia kaka, witin nani raya kabia, ban sakuna witin nani ai kupia karna pali kan, bara man adarkam nani ba wali daukras pali takan, ban sin man lâ wapni yaram ba mapara saura daukan.

Lawana Nani 95:8

“Man nani kupiam karna daukpara, Meribá ra baku; baha yua Masá twi ra takan ba baku,

Sins Lâka 8:34

Yamni pali sa yang ra wali uplika ba, yu bani aihwaki kaikisa, waitla durka ra nani ra.

Aiseya 8:14

Bara witin ba man nani minam alkaika baku kabia; baha walpaya ra sika man nani minam prukma, baha mita Israel kingka tasbaya wâl ba batakbia; wan mina alkaika baku kabia, Jerusalem uplika nani baha kiwka ra mina alki kauhbia.

Jirimaya 19:15

“Karnika sut bri Dawanka, Israel Gâdka ba, aisisa: ‘Naha tawanka tara ra yang klala yabia aisari ba daukaia, tawan nani witin ai lamara nani ba sut blikaisna klala yabia, kan witin nani lal karna takan yang aisari ba wali daukras kan bamna.’ ”

Jirimaya 7:26

Sakuna man nani bui yang bîli wali daukaia apia wiram, uni sin kahbras, almukkam nani ba wal man nani kau kiamam karna takan.

Matiu 15:14

Baha nani ba swis, witin nani ba nakras bara nakras wala nani ba tâ brisa. Bara nakras kum nakras wala tâ brisa kaka, wâlsut unta kum ra kauhbia.

Matiu 16:4

Naha uplika watawikira nani kasakka lâka briras ba, sain aihka kum makabisa; sakuna witin nani ra sain kumi sin marikbia apia, sakuna Jona sainka ba baman lika.” Bara Jisas baha nani swi si, mahka wan.

Matiu 26:55

Bara Jisas bui uplika nani ra win: —¿Yang na âimplikra kapri kan baku, man nani sord bara dus nani brih bal takram ki? Yu bani man nani tilamra tempel ra iwi smalki kapri, bara ai alki ai priskras katma.

Jan 12:40

“Gâd mita baha uplika nani ba nakras bara kupia karna daukan, ai nakra nani ni kaikbiara sîa, bara ai sinska ni tânka bribiara, bara witin nani tawi yang ra balka rakamnara sîa.”

Apastil Nani Sturka 11:26

Witin nani bahara serts uplika nani ba wal takaskan mani kum, ban upla nani ra sin smalki kan. Bamna Antíoco ra sika pas lalukra nani nina kristian nani mâkan ba.

Apastil Nani Sturka 14:4

Bara tawan uplika nani ba dakni wâl ra takan, kumi ba Ju nani hilpka taki kan, bara wala ba lika apastil nani hilpka.

Apastil Nani Sturka 17:4

Bamna tila Ju nani kasak lukan, bamna Pal bara Silas aikuki asla takan, Grik uplika nani ailal Gâd ra kasak luki nani kan ba sin, bara tara kulkan mairka nani sin uya.

Apastil Nani Sturka 19:23

Baha piua ra bin tara turban kum takan, sturi yamni dukiara.

Apastil Nani Sturka 19:30

Pal naha nani tilara dimi aisaia want kan, sakuna kristian nani mita win dimbia apia.

Apastil Nani Sturka 20:31

Bamna aman kaiks, kupiam sin krauki bas, mani yumhpa, kakna bara tihmia, naikra laya saki man nani kumi bani ra mai smalki kupiam kraukatna ba.

Apastil Nani Sturka 22:4

Pas piua ra, yang sturi yamni wali uplika nani ra nina bliki rausauhkri, ban ikaia kat; waitna bara mairin nani sut alki priski silak ra mangkri.

Apastil Nani Sturka 24:21

Naha bîla dukiara kaka lika, witin nani tilara katna ba ra yang bîli baikra karna wini naku aisari ba: ‘Naiwa man nani lâ ra ai dingkram na lika, pruan nani kli buaia ba dukiara kasak lukisna ba tâwan sika.’

Apastil Nani Sturka 28:22

Sakuna yang nani lika man wina wirâ walaia want sna, man lukankam tânka ba dîa sapa, kan yang nani sin kaikisna plis ailal ra mampara aisisa, baha lâka raya man brisma ba dukiara.

Apastil Nani Sturka 7:51

“Sakuna —Stiben lika ban aisi wi kan— man nani lika piua bani kupiam karna brisma. Man nani kiamam nani bara kupiam sin brisma, sim baha nani Gâd kakaira apia uplika nani ba baku, piua bani Spirit Holikira mapara. Man nani lika damikam nani wal baku pali sma.

Apastil Nani Sturka 9:2

Bara lâ daukaia karnika wauhkataya nani makaban, witin baha ba wal Damaskus Ju nani priaska watla nani ra wih plikaia, baha nani sturi yamni nina bliki ba sut alki Jerusalem ra bri sal silak ra atia mangkaia, waitna nani sapa, mairin nani sapa.

Roman 11:7

¿Baku bamna, dîa? Israel luhpia nani pliki kan ba sip sakras kan, sakuna Gâd wahbi sakan nani ba lika sakan. Wala nani ba lika kupia karna daukan,

Roman 9:18

Baku bamna, yaura Gâd mita yamni kaikaia lukuya ba, witin mita yamni kaikisa, bara ya kupia karna daukaia lukuya ba, witin mita kupia karna daukisa.

1 Korint 16:9

Bahara yang maipa ra sans tara pain kum bâra sa, Dawan warkka pain pali daukaia dukiara, bara upla ailal baha mapara banhwi ba bâra sa.

1 Timoti 6:5

upla nani sinska aihka takan ba tilara sin blahwan bahki nani baman takisa, bara witin nani ba kasak tânka ba kakaira apia sa. Witin nani lukisa, Gâd ra luki kaia lâka ba bâk yuyakira nani takaia sip sa.

2 Timoti 1:15

Man kaikisma Asia tasbaya ra iwi nani ba sut ai swih plapan; baha nani tilara Figelo bara Hermógenes sin.

2 Timoti 3:5

Gâd ra lukaia lâka ba pain talia kulki nani kabia, sakuna ai daukanka ba ni lika apia, kristian lâka kasak karnika ba daukbia apia. Bahmuna uplika wal man lika diara âpu bas.

2 Timoti 4:2

sturi yamni ba smalki kama, bara ban uya smalki bas, piua yamni brisma, bara âpu kama sin. Upla nani kupia alki bas, lawi dauki bas, bara tâ baiki bas, bara wihka bîla kaikaia lâka aiska ni upla nani ra smalks.

Hibru Nani 3:13

Sakuna, man nani wina kumi sin saurka mita kunin munka bara ai kupia ba sin karna takbia apia, yu bani walkam nani aikuki pana pana tâm baiki bas, “naiwa yua” na kau dimi waras ba ra.

2 Pita 2:12

Bara naha uplika nani kupia lukra ba, sim daiwan wail aisubi takan ningkara, upla nani mita alki iki ba wal baku sa; witin nani diara sip tânka briras ai sinska lukra wal baman iwisa, diara tânka briras ba dukiara saura aisisa; bamna daiwan baku prubia,

2 Pita 2:2

Upla ailal witin nani daukanka saura nani ba nina blîkbia, bara witin nani tâka mita, kasakka lâka yabalka ba dukiara saura aisabia.

Judas 1:10

Sakuna naha uplika nani lika witin nani ai nakra kaikras ba dukiara saura aisisa; ai sinska ni dukia tânka pliki kaiki ba lika sim daiwan nani ai sinska âpu ni kaiki ba baku sa, bamna dukia nani yus muni ba lika, witin nani yakan âpu takaia dukiara sa.