Apastil Nani Sturka 19:8 - DAWAN BÎLA AISKA

⁸ Pal lika kati yumhpa pali Ju nani priaska watla ra impaki wih, ai kupia aiska ni smalki, bara aikuki sin aisi kan. Witin lika upla nani ba kupia lakaia muni kan, Gâd king aimaki lâka ba dukiara.

Apastil Nani Sturka 19:8 ပူးပေါင်းရင်းမြစ်များ

Apastil Nani Sturka 1:3

Jisas pruan wina buan ningkara, yu 40 witin apastil nani ra ai wîna param taki kan. Sain nani wal mariki kata nahki witin ba raya sa, bara Gâd king aimaki ba lâka dukiara sin aisi kan.

Apastil Nani Sturka 13:14

Witin nani Perge wina Antíoco tawanka ra balan, baha ba Pisidia kuntrika wal lamara sa. Bahara witin nani ris yua ra Ju nani priaska watla ra dimi iwan.

Apastil Nani Sturka 13:46

Bamna Pal bara Bernabé wal lika sibrin âpu aisi, win: —Aitani pali kan Gâd bîla na man nani ra pas mai smalkaia. Sakuna man nani mita alki briras, raya ban kaia lâka ba sin brin mai daukras sa kaka, yang nani lika Ju apia uplika nani ra mahka auna.

Apastil Nani Sturka 14:1

Iconio ra, Pal Bernabé wal Ju nani prias watla ra dimi, ai natka kan ba baku witin nani mahka upla smalkan, bara upla uya kasak lukan, Ju nani bara Ju apia nani sin.

Apastil Nani Sturka 17:17

Baha mita witin mita Ju nani priaska watla ra Ju nani ra bara Gâd ra luki mayuni uplika nani ra sin aisi kan. Ban pulaia pliska ra sin upla nani wal prawi ba bani ra aisi kan.

Apastil Nani Sturka 18:19

Witin nani Epesus tawanka ra wan ba ra, Pal mita Priscila bara Áquila ba swi si, Ju nani priaska watla ra wan, bara Ju nani bahara bal asla taki kan nani ra aisi kan.

Apastil Nani Sturka 18:26

Apolos lika ai lukanka aiska ni Ju nani priaska watla ra aisi kan. Sakuna Priscila bara Áquila wal baha walan ba ra, witin nani mita Apolos ba tnaya ra bri si, kau Dawan yabalka tânka param pali smalkan.

Apastil Nani Sturka 18:4

Ris yua bani Pal lika Ju nani priaska watla ra wan; bahara witin trai kaiki kan Ju nani bara Grik uplika nani sin kupia alkaia.

Apastil Nani Sturka 19:10

Baha ba dauki kan mani wâl prais, bara Asia tasbaya ra iwi nani ba sut Dawan Jisas sturka ba walan, Ju nani bara Ju apia nani sin.

Apastil Nani Sturka 19:7

Baha nani sut lika asla 12 waitna kan.

Apastil Nani Sturka 19:9

Sakuna tila nani ai kupia karna daukan, kasak sin lukan daukras kan, kau ni upla nani mawanra sturi yamni ba mapara saura ni aisin. Bara Pal baha nani swi si, kristian nani ba Tirano skulka watla ra brih wan; bahara witin yu bani aisi kan.

Apastil Nani Sturka 20:31

Bamna aman kaiks, kupiam sin krauki bas, mani yumhpa, kakna bara tihmia, naikra laya saki man nani kumi bani ra mai smalki kupiam kraukatna ba.

Apastil Nani Sturka 28:23

Bamna yu kumi mangki yan, bara baha yua ra upla ailal pali balan Pal takaski kan ba watla ra. Titan wina tutni kat baha nani ra aisin Gâd King aimaki Lâka ba dukiara. Bara Pal baku Jisas tânka aisi baha nani ba kupia lakaia muni kan, Moses lâka wina, bara prapit nani Ulbanka ba wina sin.

Judas 1:3

Muihki laitwankira nani, uya pali brin ai dauki kan, baha swaki sakan lâka yawan nani bri ba dukiara man nani ra ulbaia, sakuna nanara daira walisna naha ba daukaia sna, baku natka ra mamkabaia, man nani kasak lukankam ba dukiara aiklabi kama, baha lika aima kum yaban kata Gâd uplika nani ra.