Apastil Nani Sturka 19:18 - DAWAN BÎLA AISKA

¹⁸ Baku sin kasak lukan nani ba ailal bal ai dahra sakan, saurka nani piua luan ra daukan ba sut pali.

Apastil Nani Sturka 19:18 ပူးပေါင်းရင်းမြစ်များ

Lawana Nani 32:5

Saurki daukri dahra, yang bui man ra param mai wîri; watawi daukri ba, man ra yukukras kupi wal lâ daukri ba, lâ krikanka daukri daihra ba sut man ra sakri, bara Dawan, man, pâtki nani ba sut ban swih tikram.

Sins Lâka 28:13

Ani uplika ai saurka nani pura biki ba, ai bisniska ba sip yamni takbia apia; sakuna baha nani ai dahra saki si mahka swi ba, saurka swih tikbia.

Jirimaya 3:13

Man watawi daukram ba daukri, wis, Dawan Gâdkam mapara babura takram ba; tringsar nani latwan kaiki plapi pliki waram ba, dus tara nani sut distiki ra waram, yang bîli walras adarki nani wîri ba daukras. Yang, Dawan, kasak aisisni.’ ”

Isikiel 16:63

Man kupiam kraukma, bara swiram lâka tara pali damra walma; bara bawan lâka sin baku man kli bîlam kwâkma apia; yang saurkam swih tikamna, diara nani daukram ba sut wina. Yang, Dawan, kasak aisisna.’ ”

Isikiel 36:31

Bara ai kupia krawbia ai iwanka saura nani ba, bara ai daukanka saura nani ba sin man nani dukiamra sin ai swira daukbia saurkam bara daukankam saura ba dukiara.

Libait Lâka 16:21

Eran ai mihta wal daiwra lal ba kat kahbi, Israel luhpia nani saura daukan dahra ba aisabia, witin nani Dawan mapara buan ba sin. Baku dauki natka ra guts ba lal purara baman, upla nani saurka ba sut kahbia. Ningkara upla kum ra wibia, bal gutska ba brih waia, upla ra iwras tasbaya ra bri si lanhkaia.

Libait Lâka 26:40

“Man nani saurkam daukram dukiara tânkam bri kama kuna, bara aisikam nani saura daukan ba sin, baku sin man nani lilia lâka âpu sma ba, yang maipara buram ba sin,

Matiu 3:6

bara ai saurka nani dahra saki banhwi kan nani ba, Jan mita Jordan awala ra tahbi dauki kan.

Apastil Nani Sturka 19:17

Baha sut Epesus ra iwi nani kan ba walan, Ju nani, Ju apia nani sin, bara witin nani sibrin pali takan, bara Dawan Jisas nina ba tara pali mayunan.

Apastil Nani Sturka 19:19

Sukia warkka lan takan uplika nani ailal sin ai wauhkataya nani bri sal, upla nani sut mawanra angkan. Baha wauhkataya nani atkan praiska ba kulkan silbar mâ 50,000 kata.

Roman 10:10

Bamna wan kupia ni kasak lukisa Gâd mita kasakkira wan kulkaia, bara wan bîla ni Jisas Kraist ba kakaira sa tânka ba param aisisa, swaki wan sakaia.

Jems 5:16

Baha mita, pana pana saurkam nani damhra sâks, bara pana pana dukiamra sin puram suni bas, bara baku lika rawma. Upla kasakkira pura sunra ba karnika tara brisa.

1 Jan 1:9

Sakuna Gâd ra wan saurka nani dahra sâkbia kaka, yawan sip sa kasak luki kaia, diara kasak ba witin daukbia; wan saurka nani sut swih tikbia, bara wan watawanka lâka sut ba wina sikbi klin wan sâkbia.