Apastil Nani Sturka 19:17 - DAWAN BÎLA AISKA

¹⁷ Baha sut Epesus ra iwi nani kan ba walan, Ju nani, Ju apia nani sin, bara witin nani sibrin pali takan, bara Dawan Jisas nina ba tara pali mayunan.

Apastil Nani Sturka 19:17 ပူးပေါင်းရင်းမြစ်များ

2 Tesalonaika 1:12

Bara naku mika, wan Dawan Jisas Kraist nina ba man nani mita prana daukbia, bara witin mita sin prana maikbia, wan Gâdka bara Dawan Jisas Kraist yamnika ba mita.

2 Tesalonaika 3:1

Tnata ra, muihki nani, yang nani maita puram suni bas, Dawan sturka yamni ba aihni pali plis plis ra wabia, bara baha ba yamni kulki bribia, man nani tilamra takan ba baku.

Pilipai 1:20

Kan yang kasak lukisna Gâd bui yang ra ai swibia apia saura ra waia, sakuna kasak luki aisi kamna, bamna nanara bara piu bani ra sin, Kraist mayunaia tânka ba yang wîni ra kau pali upla nani mita kaikbia, raya kamna bara pruri kamna kra sin.

Apastil Nani Sturka 13:12

Bara wihta ba naha diara kaikan ba ra, kasak lukan, Dawan tânka smalkan ba dukiara sin tâ iwan kan bamna.

Apastil Nani Sturka 5:11

Serts uplika nani bara ya ya sin baha sturka walan ba, sut sibrin pali takan.

Apastil Nani Sturka 5:5

Ananías naha walan ba ra, tasba ra kauhi pruan; bara upla sut baha sturka walan ba sibrin pali takan.

Apastil Nani Sturka 18:19

Witin nani Epesus tawanka ra wan ba ra, Pal mita Priscila bara Áquila ba swi si, Ju nani priaska watla ra wan, bara Ju nani bahara bal asla taki kan nani ra aisi kan.

Apastil Nani Sturka 5:13

Witin nani ai tilara upla wala kumi sin bal dimras kan, ban sakuna upla nani sut mita yamni kulki kan.

Apastil Nani Sturka 2:43

Bara upla nani sut tâ iwan pali taki kata, kan apastil nani ba wark aihka nani uya, sain nani sin manis dauki kan bamna.

Luk 7:16

Upla sut naha diara kaikan ba ra, sibrin taki, mahka Gâd ra mayuni, win: —Prapit kum bal takan. Baku sin aisi kan: —Gâd balan ai uplika nani ra hilp munaia.

Luk 1:65

Baha mita, ai watla lamara iwi uplika nani tâ iwan pali takan, bara naha sturka na ban sin Judia ilka kuntrika aiska ra brih wan.

Lawana Nani 64:9

Bara upla sut Gâd ra kulkbia, baku sin upla sut aisi kabia dîa daukan ba bara tânka bribia, witin dîa daukan ba.

2 Samuil 6:9

Sakuna baha pali yua Debit sibrin tara daukan Dawan lamara, bara ai bîla baikra bukan: “¡Nahki kau lukaia, Dawan lâka auhbaia watla ba wan kanra brih waia!”

1 Samuil 6:20

Bamna Bet-semes uplika nani aisin: “¿Ya sip sa naha sât Dawan holikira na mapara buaia? ¿Yawan wina takbia ba ra, witin yaura wabia?”

Libait Lâka 10:3

Baha ningkara Moses naku win Eran ra: —Naha sika Gâd mai wiaia ai win kan ba, naku win ba ra: ‘Yang laimara aula ba uplika nani ra marikamni holiki lâka ba, bara Israel luhpia nani sut ra yang praina ba marikamni.’ Bara Eran diara aisaras sâp kan.

Apastil Nani Sturka 18:21

Bamna witin nani ra lakula dauki si, win: “Dawan hilpka ra yang kli bal, man nani mai kaikamna.” Bara witin duri tara ra aimaki, mahka takan Epesus wina.

Apastil Nani Sturka 19:1

Apolos ba Korint ra kan ba ra, Pal lika laih il nani tasbaya nani bâk impaki ban Epesus kat balan. Bahara kristian tila nani wal prawan.

Apastil Nani Sturka 19:16

Pirit saura bri kan waitnika bui witin nani ra pâli alkan, bara ai karnika aiska ni dingki alkan. Bara ban baha nani pura luan, saura pali sin munan, bamna utla ba wina kwala sin âpu kasak insauhkan kira ban taki plapi banhwan.

Apastil Nani Sturka 19:18

Baku sin kasak lukan nani ba ailal bal ai dahra sakan, saurka nani piua luan ra daukan ba sut pali.