Apastil Nani Sturka 19:1 - DAWAN BÎLA AISKA

¹ Apolos ba Korint ra kan ba ra, Pal lika laih il nani tasbaya nani bâk impaki ban Epesus kat balan. Bahara kristian tila nani wal prawan.

Apastil Nani Sturka 19:1 ပူးပေါင်းရင်းမြစ်များ

Apastil Nani Sturka 18:1

Naha diara ningkara, Pal Atenas wina taki Korint tawanka ra wan.

Apastil Nani Sturka 18:8

Bara Crispo, Ju nani priaska watla wihtka ba, ai watla uplika sut aikuki Dawan ra kasak lukan. Korint uplika nani ailal pali sin Dawan sturka walan, bara kasak lukan ba sut tahbi daukan.

Apastil Nani Sturka 19:17

Baha sut Epesus ra iwi nani kan ba walan, Ju nani, Ju apia nani sin, bara witin nani sibrin pali takan, bara Dawan Jisas nina ba tara pali mayunan.

Apastil Nani Sturka 19:26

Ban sakuna, man nani pain kaikisma bara sin walisma, nahki naha waitnika Pal wi ba smalkisa, gâd nani upla ai mihta ni paskan ba lika bahki pali sa. Baku smalki ba mita upla manis kupia alkan, naha Epesus tawanka ra baman apia, sakuna Asia tasbaya aiska ra sin.

Apastil Nani Sturka 20:16

Baku daukan kan, Pal mita Asia ra kau takaskaia want apia kan bamna, Epesus ra sin wan daukras kan. Witin Jerusalem ra aihni pali wan dauki kan, Pentikus yua ba sip kaka bahara kaia want kan bamna.

Apastil Nani Sturka 20:18

Baha nani aidrubi balan ba ra, Pal win: “Man nani pain kaikisma, yang Asia ra nan balri yua wina nahki kapri ba.

Apastil Nani Sturka 21:29

Baku aisi banhwi kata, kan baha piua kainara witin nani Pal bara Trófimo, Epesus wina ba wal tawan bilara kan kaikan bamna, bara witin nani luki kan Pal bui baha waitnika tempel ra brih wan kan.

1 Korint 1:12

Tânka mai wisna ba lika, man nani kumi bani diara aihka aisisma; kum kum bila wisa: “Yang lika Pal uplika sna”; wala bila: “Yang lika Apolos uplika”; wala bila: “Yang lika Pita uplika”; bara wala bila: “Yang lika Kraist uplika sna.”

1 Korint 15:32

Upla lâka natka ra, Epesus ra yang daiwan kraskira nani aikuki aiklabri; ¿sakuna baha wal dîa win takri ki? Pruan nani kli buaia apia ba kasak kaka, yawan sip sa aisanka kum aisi ba baku wiaia: “Yawan plun pibia bara dibia, kan yauhka titan yawan prubia bamna.”

1 Korint 16:12

Bara wan muihni Apolos ra kasak makabi kapri, wan muihni nani aikuki man nani ra bal mai kaikbia, sakuna nanara lika balaia apia win; sakuna witin sans bribia ba ra, balbia.

1 Korint 16:8

Sakuna Epesus ra takaskamna, Pentikus yua ba kat.

1 Korint 4:6

Muihki nani, man nani painkam dukiara naha dukia sut na mai wisna, Apolos wih yang wal praki. Yang nani daukri ba baku daukma wisi naha na aisisna, bara baku mika lan taki kama diara nani ulban ba, pura lui kau kainamra waia apia. Man nani wina kumi sin upla kumi tâwan aimayuni bara wala ra bahki kulkaia lika apia sa.

Epesus 1:1

Yang Pal, Gâd kupia lâka ba mita Jisas Kraist apastilka kum sna, baha tânka ba lika, naha wauhkataya na ulbisna, Epesus tawanka ra Gâd uplika nani bara Kraist Jisas ra kasak luki nani ra.