Apastil Nani Sturka 18:6 - DAWAN BÎLA AISKA

⁶ Sakuna witin nani mahka pali bûi, witin mapara swira bîla nani aisin. Bara Pal ai kwalka singbi sain kum yan, nahki witin nani tila wina taki auya ba, bara sin win: —Man nani tanis tiwma kaka, baha lika man nani pali pâtkam sa, yang laila purara baha pâtka âpu sa. Bamna naiwa na wina yang lika Ju apia nani tilara auna.

Apastil Nani Sturka 18:6 ပူးပေါင်းရင်းမြစ်များ

2 Samuil 1:16

Debit bui witin ra win: —Prura pâtka ba man lamla ra sa, pâtkira sma damra ba man bui param aisi sakisma, Dawan bui bâk sakan kingka ba man bui ikram bamna.

1 King Nani 2:33

Baha nani tâlia ba Joab purara kauhan sa, ai kiamka nani purara sin ban kaia ra; ban sakuna Debit bara ai kiamka nani purara bara ai king iwaika purara sin Dawan wina ban kaia ra kupia kumi lâka bâra kabia.

Nihimaya 5:13

Baha aisin ningkara, yang prâika ba singbri, bara wîri: “Naku Gâd mita man nani wamtla ba wina singbi mai sâkbia bara warkkam ba wina sin singbi mai sakan kabia, ani waitnika naha lâka daukaia swer takan ba kulkras kabia kaka, naku singbi diara âpu mai daukbia.” Bara upla sut ba mita win: “Baku kabia.” Bara witin nani Dawan ra mayunan. Bara upla sut dîa aisin ba kat daukan,

Isikiel 18:13

lalah upla ra lin munisa lukan tâski wal bara kau pura praki kulkaia dukiara; baha waitnika ba raya kabia apia. Baha ningkara naha dukia nani sut daukan ba, yang yamni kaikras na ba, rawaia apia, pruan kabia; bara witin klauna ai pâtka kabia ai prurika ba.

Isikiel 33:4

Upla kum walbia trumpit puhban ba bara baha ba kulkras sa, bara waihla nani ba, balbia bara ikbia, witin ai pruanka pâtka ba, klauna takisa;

Isikiel 33:6

Sakuna aihwawakra ba kaikuya, suldiar nani ai waihla ba aula bara trumpit ba puhbras kaka, kaina manis upla nani ra maisa pakaia, bara waihla nani ba balbia bara upla nani ra ikbia kaka, naha na pruan kabia ai saurka ba tâwan; kuna yang aihwawakra ra makabamna baha pruanka nani dukiara.’

Libait Lâka 20:9

“Ya ya ai papika ra bara ai yaptika ra bîla saura wibia ba, ikaia lâka ra lakan kabia. Witin yakan ai pâtka ba twilkbia.

Matiu 10:14

Bara utla kum ra, apia kaka tawan kum ra pain mai briras bara mai walras kaka, baha tawanka wina taks, bara tasba yuya minam ra ba siauhbi sâks.

Matiu 21:41

Witin nani bila: —Baha waitnika saura nani ra umpira kaikras pali sut ikbia, bara nasla ba wark tatakra wala nani mihta ra mangkbia, bara baha nani lika dâkaia piua ra ai nasla mana ba witin ra yabia.

Matiu 21:43

Baha mita, man nani ra mai wisna, Gâd king aimaki lâka ba man nani mihtam wina dakbi, upla nani king tasbaya mâ saki nani ra yaban kabia.

Matiu 22:10

Alba nani ba yabal nani ra taki wan, bara upla sakan ba sut asla daukan, upla saura nani bara yamni nani sin; bara baku watla ba upla baman banhki takan.

Matiu 27:25

Bara upla sut mita pana win: —¡Yang nani, bara luhpi nani sin witin pruanka ba dukiara pâtkira taki banhwisna!

Matiu 8:11

Man nani ra sin mai wisni: Upla ailal lalma wina bara muna wina sin balbia, bara Gâd king aimaki ba lâka ra plun piaia iwi banhbia, Ebraham, Aisak bara Jekob wal aikuki;

Luk 22:65

Bara diara wala uya witin mapara aisi, swira dauki kata.

Luk 9:5

Ani pliska kra wantkam apia takbia kaka, baha tawanka ba wina taks, tasba yuya minam nani ra alkan ba sin siauhbi sâks, baha ba lika witin nani mapara witnis kum baku kabia.

Apastil Nani Sturka 13:51

Bamna apastil nani mita ai mina ra tasba yuya nani alkan ba siauhbi sakan, baha uplika nani mapara witnis kaia ba dukiara. Ningkara witin nani Iconio ra wan.

Apastil Nani Sturka 26:11

Aima ailal sin witin nani ra klala yâri, ai kasak lukanka ba swibia wisi. Naha dauki kapri Ju nani priaska watla bani ra. Witin nani mapara sin kupi baiki ban nina bliki rausauhki kapri, plis tringsar nani ra sin.

Apastil Nani Sturka 26:20

Bamna yang pas Damaskus ra sturi yamni ba smalkri, ningkara Jerusalem ra, Judia tasbaya aiska ra, bara Ju apia nani sut ra sin. Witin nani ra wîri ai saurka ba swi si Dawan ra tawbia, ai kupia lakan warkka tânka ba sin marikbia.

Apastil Nani Sturka 28:28

Man nani kaiki bas, nahki naiwa wina naha swaki sakan lâka na Gâd mita prisant baku yabisa Ju apia nani ra, bara baha nani mita lika pain walbia.

Roman 3:29

¿Dîa Gâd ba Ju nani baman Gâdka sa ki? ¿Ju apia uplika nani dukia sin apia? Latan sa nisan nani sut Gâdka sa.

1 Timoti 5:22

Dawan warkka ba daukaia dukiara, ban pat pali mihtam upla kumi purara sin kahpara. Upla wala nani saurka ba man aikuki asla bripara; wînam ba sunu bri bas.

2 Timoti 2:25

bara witin mapara nani ba ra, kupia swapni brih wapni daukbia. Baku ban kra Gâd mita baha nani ra yaka ai kupia lakbia, bara kasak tânka ba kakaira taki banhbia.

1 Pita 4:14

Kraist tâwan saura pali mai wibia kaka, man nani liliam bas; kan Gâd Spiritka pranakira ba man nani puramra bal iwi bahara takaskisa.

1 Pita 4:4

Nanara idan ba man nani bui witin nani ra baha taniska lâka kan uya dauki ai yula kahbras sma bamna, aihka lukisa, bara ba mita ninamra saura aisisa.