Apastil Nani Sturka 18:24 - DAWAN BÎLA AISKA

²⁴ Baha piua ra Epesus ra Ju waitna kum balan, ai nina Apolos. Witin ba Alejandría tawanka wina bara smasmalkra sin painkira kan, Ulbanka nani tânka sin kasak kaiki kan.

Apastil Nani Sturka 18:24 ပူးပေါင်းရင်းမြစ်များ

Taitus 3:13

Zenas layar waitna ba, bara Apolos ba sin, man sip muni hilp muns, ai impakanka ba ban alki banhwi kabia dukiara, diara sut yabi, bara witin nani diara kumi sin luha kabia apia.

1 Korint 4:6

Muihki nani, man nani painkam dukiara naha dukia sut na mai wisna, Apolos wih yang wal praki. Yang nani daukri ba baku daukma wisi naha na aisisna, bara baku mika lan taki kama diara nani ulban ba, pura lui kau kainamra waia apia. Man nani wina kumi sin upla kumi tâwan aimayuni bara wala ra bahki kulkaia lika apia sa.

1 Korint 16:12

Bara wan muihni Apolos ra kasak makabi kapri, wan muihni nani aikuki man nani ra bal mai kaikbia, sakuna nanara lika balaia apia win; sakuna witin sans bribia ba ra, balbia.

1 Korint 1:12

Tânka mai wisna ba lika, man nani kumi bani diara aihka aisisma; kum kum bila wisa: “Yang lika Pal uplika sna”; wala bila: “Yang lika Apolos uplika”; wala bila: “Yang lika Pita uplika”; bara wala bila: “Yang lika Kraist uplika sna.”

Apastil Nani Sturka 6:9

Prias watla uplika nani tila, nina alba kan pri takan nani mâki ba, Cirene wina nani ba sin, Alejandría wina bara Cilicia tasbaya wina bara Asia kuntrika wina nani ba sin, witin nani mahka Stiben wal blahwi kan.

Kolosi 3:16

Kraist smalkanka ba, man nani kupiam nani ra aiska pali banhwan kabia. Sins lâka sut ni pana pana smalki kupiam krauki banhwi bas. Pura Sunra Lawana nani, mayunra lawana nani bara lawana holikira nani ba sin, kupiam aiska Gâd ra tingki wih aiwani bas.

2 Korint 10:10

Upla nani wisa, yang wauhkitaya nani ba lika wirha bara karna pali sa, kuna wîni tara mapa ra wîk bara bîlas baku sturi sip pain aisaras sna.

Apastil Nani Sturka 27:6

Bahara suldiar nani kiaptinka ba duri tara kum wal prawan Alejandría wina mahka Italia ra waia kan. Bamna baha duri tara ra wan mangkan mahka impakaia.

Apastil Nani Sturka 7:22

Baha mita Moses ra Idsip sinska lâka nani sut ba smalkan kata, bamna witin lika sinskira bara diara daukaia sin karnika bri kan.

Luk 24:19

Pana witin bila: —¿Dîa takan ki? Witin nani bila: —Jisas Nasaret wina ba dukiara sika, witin lika prapit karnakira kata, diara daukaia mapa ra bara aisaia mapa ra sin, Gâd mawanra bara upla nani mawanra sin.

Matiu 13:52

Baku bamna, Jisas bila: —Lâ Smasmalkra kum kasbrika purara ba kingka aimaki ba lâka tânka ba pain lan takuya ba ra, kiaptin kum baku sa; witinka ai yuyaka nani wina diara raya nani bara almuk nani sin sakaia ba pain kaikisa.

Aiseya 3:3

kapitang ba, tara kulkan uplika ba, lâ tânka smasmalkra ba, sinskira aihwa diara dauki ba, âuya mâira aisika ba sut âpu daukbia;

Esdras 7:12

“King Artajerjes bui Esdras ra lakula daukisa, prîs smasmalkra Gâd kasbrika purara bâra ba lâka kakaira ba.

Esdras 7:6

Dawan, Israel Gâdka Moses ra lâ yan smalkan lâka ba, Esdras ba kakaira pali kan, baha smasmalkrika ba Dawan wina karnika yabi kan, baha mita witin diara nani king Artajerjes ra makaban ba sut yan. Baku natka ra Esdras ba Babilon wina kli tawi balan

Impakan Sturka 4:10

Sakuna Moses pana win: —¡Ay, Dawan! Yang sip bîli pain aisaras sna, yang trabilki na lika nahwala bara naiwa wina lika apia sika, sakuna patitara wina yang sip pain aisaras ban sna, sturi aisisna bani twisi ba alkisa.

Apastil Nani Sturka 18:28

Bara witin Ju nani mapara aisi ba param pali saki upla nani mawan kat aisi kan. Apolos kasak aisi kan ba mita, Ju nani mita sip diara wiras kan, witin Ulbanka nani wina saki Jisas ba sika Misaya sa aisi kan bamna.

Apastil Nani Sturka 18:19

Witin nani Epesus tawanka ra wan ba ra, Pal mita Priscila bara Áquila ba swi si, Ju nani priaska watla ra wan, bara Ju nani bahara bal asla taki kan nani ra aisi kan.

Apastil Nani Sturka 18:21

Bamna witin nani ra lakula dauki si, win: “Dawan hilpka ra yang kli bal, man nani mai kaikamna.” Bara witin duri tara ra aimaki, mahka takan Epesus wina.

Apastil Nani Sturka 19:1

Apolos ba Korint ra kan ba ra, Pal lika laih il nani tasbaya nani bâk impaki ban Epesus kat balan. Bahara kristian tila nani wal prawan.