Apastil Nani Sturka 18:18 - DAWAN BÎLA AISKA

¹⁸ Pal wan muihni nani wal yu ailal Korint ra takaskan. Ningkara, wan muihni nani ba lakula dauki si, Priscila bara Áquila aikuki duri tara ra aimaki Siria tasbaya ra wan. Witin kau duri tara ra aimakras kan ba ra, Cencreas ra wih ai tâwa irban, witin pramis kum daukan ba tnata alkaia.

Apastil Nani Sturka 18:18 ပူးပေါင်းရင်းမြစ်များ

Kulki Kaikanka 6:18

Bamna Nasariu ba tintka watla dimaika kat tâwa klakbia, bara tâwa nani ba brih baha kupia kumi daukaia prisantka mununhtara pauta klauhi ba ra amaia mangkbia.

Kulki Kaikanka 6:2

“Israel luhpia nani ra naku wis: Waitna sapa bara mairin sapa Nasariu takaia lukbia kaka, Dawan dukia kaia wisi,

Matiu 4:24

Siria tasbaya sut ra Jisas sturka walan, bara siknis sât sât bri nani, pirit saura bri nani, wîna tatatwi nani bara wakia lâwi pruan nani ba sin sut witin ra brih balan. Jisas mita sut rakan.

Mark 6:46

Bara sut blikan wan piua ra, il kumi ra wan ai pura sunaia.

Apastil Nani Sturka 1:15

Baha yua nani kum ra, Pita lika wan muihni nani lilapas kat buan. Upla nani asla bâra kan ba lika 120 baku kan. Witin bila baha nani ra:

Apastil Nani Sturka 15:23

Bara witin nani baha nani wal wauhkataya kum blikan, bahara naku ulban kan: “Yang nani apastil bara serts tâ uplika nani, bara wan muihni nani sut ba mita, Ju apia nani sma ba ra lakula mai blikisna, muihni nani lâka ra, man nani sut Antíoco ra iwisma ba, Siria ra, Cilicia tasbaya ra sin.

Apastil Nani Sturka 15:41

Witin nani Siria bara Cilicia bâk lui wan kristian nani bâra ba tâ baiki.

Apastil Nani Sturka 18:2

Bahara witin Ju waitna kum wal prawan, ai nina Áquila kata; witin ba Ponto tasbaya ra aisubi takan. Áquila lika ai maya wal bisi pali Italia kuntrika wina balan kata, kan king Claudio mita Ju nani sut Rom tawanka wina kangbi sakan kan bamna, witin nani sin baha wina takan. Bara Pal wan witin nani ba kaikaia.

Apastil Nani Sturka 18:26

Apolos lika ai lukanka aiska ni Ju nani priaska watla ra aisi kan. Sakuna Priscila bara Áquila wal baha walan ba ra, witin nani mita Apolos ba tnaya ra bri si, kau Dawan yabalka tânka param pali smalkan.

Apastil Nani Sturka 18:27

Bamna Apolos ba Acaya kuntrika ra luaia win ba ra, Epesus ra lalukra nani mita witin hilpka ra wauhkataya kum ulbi Acaya muihni nani ra bliki win, Apolos ba pain bribia. witin Acaya ra wan ba ra, baha nani Gâd kupia latwanka tara mita kasak luki kan nani ba hilpka pali aimakan.

Apastil Nani Sturka 21:23

Bamna pain kabia man naku daukma: Wan tilara waitna walhwal nâra sa, witin nani pramis kum daukaia brisa.

Apastil Nani Sturka 21:24

Man bui witin nani ba brih was, aikuki sin wih wînam klin dauks, dîa tikaia nani mana ba sin aibaps, bara ai tâwa irbaia sip kabia. Upla sut baha kaikbia bara ai dara walbia, man dukiamra diara walan ba lika kasak apia sa, sakuna lukbia man sin Moses lâka ba kulkisma.

Apastil Nani Sturka 21:3

Yang nani lui auna kan piua ra, Chipre kî dakura ba kaikri. Baha ba wan mihta smihka tani ra swi si, ban Siria kat impakan. Duri tara ba Tiro tawanka ra diara nani kwahki brih auya ba sunaia kan, bamna bahara yang nani dimi wari.

Roman 16:1

Bamna wan lakra Febe na man nani mihtam ra mangkisna, witin lika Cencreas sertska ra wark pain dauki kan.

1 Korint 9:20

Ju nani tilara sna piua Ju baku takisna, witin nani ba alkaia dukiara; wibia kaka, Moses lâka mununhtara iwi nani ba dukiara, yang na baha lâka mununhtara tawisna, witin nani ba win takaia dukiara, kasak pali baha lâka mununhtara apia sna sakuna.

Galesha 1:21

Naha ningkara, Siria bara Cilicia tasbaya nani ra wari.