Apastil Nani Sturka 18:12 - DAWAN BÎLA AISKA

¹² Sakuna baha yua nani ra, Galio ba Acaya wihtka tara aimaki kan piua, Ju nani sut asla taki Pal mapara buan, bara lâ watla ra bri si,

Apastil Nani Sturka 18:12 ပူးပေါင်းရင်းမြစ်များ

Matiu 27:19

Pailat lâ daukaika pliska ra iwi kan ba ra, ai maya ai bîla bliki, naku win: “Baha waitnika kasakkira ba tilara dimpara, witin pâtka mita na tihmia yang yaprisauhkan saura pali kum kaikri bamna.”

Jan 19:13

Pailat naha walan ba ra, Jisas ba yan saki brih balan; bamna Pailat lâ iwaika ra iwan, Hibru bîla ra Gabatá wi ba pliska ra, baha tânka lika Walpakira.

Apastil Nani Sturka 13:12

Bara wihta ba naha diara kaikan ba ra, kasak lukan, Dawan tânka smalkan ba dukiara sin tâ iwan kan bamna.

Apastil Nani Sturka 13:50

Bara Ju nani mita baha tawanka ra tâ bri waitnika nani ra, bara tara kulkan mairka nani ba sut wal aisin. Bara witin nani sut buan Pal bara Bernabé wal mapara rausauhkaia, bara kuntri ba wina sin kangbaia.

Apastil Nani Sturka 13:7

Witin lika baha kî dakura wihtka tara kan Sergio Paulo; baha waitna ba sinskira kata. Bara wihta ba mita Bernabé bara Saulo wal ra paiwan, witin Dawan bîla walaia want kan bamna.

Apastil Nani Sturka 13:8

Sakuna baha sukia Grik bîla ra Elimas mâki kan ba mita baha wihtka ba ra wi kan, Bernabé bara Saúl wal mita dîa smalkbia ba kasak lukaia apia.

Apastil Nani Sturka 14:19

Bara tila Ju nani aidrubi balan Antíoco wina, Iconio wina sin. Witin nani lika upla nani ra maisa kapi muni, Pal ra walpa ni saban. Witin nani luki banhwan Pal ba pruan kan, bamna tawan ba wina raski sakan.

Apastil Nani Sturka 14:2

Sakuna tila Ju nani kasak lukras kan ba mita, Ju apia nani ra maisa pakan, wan muihni nani mapara saura lukaia.

Apastil Nani Sturka 17:13

Sakuna Tesalonaika ra Ju nani bâra banhwi kan ba walan, nahki Pal Dawan bîla ba Berea ra sin wih smalkisa, bamna bahara sin witin nani wih upla nani kupia turban.

Apastil Nani Sturka 17:5

Sakuna Ju nani kasak lukras kan ba mita ai kupia baikan, bara waitna saura nani bahki baman yabal ra kirhbi tauki nani ba, asla paiwi, upla nani kupia turban. Witin nani mita Jasón watla ra pliki wan, Pal bara Silas wal bâra kaka, saki upla nani mihta ra mangkaia.

Apastil Nani Sturka 18:11

Baku bamna Pal lika Korint ra mani kumi pura bakriki takaski, baha nani ra Gâd sturka smalki kan.

Apastil Nani Sturka 18:27

Bamna Apolos ba Acaya kuntrika ra luaia win ba ra, Epesus ra lalukra nani mita witin hilpka ra wauhkataya kum ulbi Acaya muihni nani ra bliki win, Apolos ba pain bribia. witin Acaya ra wan ba ra, baha nani Gâd kupia latwanka tara mita kasak luki kan nani ba hilpka pali aimakan.

Apastil Nani Sturka 19:21

Naha diara nani ningkara, Pal brin daukan Macedonia bara Acaya ba wih kaikaia, bara baha wina ban Jerusalem ra waia. Witin sin aisi kan, Jerusalem ra wabia ningkara, Rom ra sin waia.

Apastil Nani Sturka 25:10

Pal bila: —Yang Rom kingka lâka daukaika pliska mawanra buisni, baha mita nahara lâika ba daukaia sa. Man sin pain kaikisma yang na Ju nani lâka mapara diara saura kumi sin daukras.

Roman 15:26

Kan Macedonia wina bara Acaya uplika nani sin lukan lalah sakaia, bara wan muihni umpira nani Jerusalem ra bâra banhwi ba nani ra blikaia.

Roman 16:5

Laikula wis wan muihni nani Priscila bara Áquila wal watla ra bal asla taki banhwi ba sut ra. Laikula wis upliki laitwankira Epéneto ra, witin sika Acaya ra pas upla Kraist ra kasak lukan ba.

1 Korint 16:15

Estéfanas ai watla uplika wal tânka ba kaikisma; witin nani sika Acaya tasbaya ra pas upla nani kristian takan ba, bara witin nani ai wîna aiska ni Gâd uplika nani dukia daukisa.

2 Korint 1:1

Yang Pal, Gâd kupia lâka ba mita Jisas Kraist apastilka kum sna, wan muihni Timoti wal, Gâd sertska Korint tawanka tara ra banhwi ba sut ra bara Acaya tasbaya aiska ra, Gâd uplika nani bâra ba sut ra sin ulbisna.

2 Korint 11:10

Kasak daira walisna, Kraist kasakka tânka ba yang ra sa, bamna baha âuyapah lâka yang brisna ba Acaya tasbaya aiska ra upla âpu sa ai dakbaia.

2 Korint 11:26

Yang impakanka ailal briri bara baha piua nani ra trabil manis wal sin prawri, awala nani ra, âimplikra nani wal trabil briri bara kuntrika uplika nani tilara, bara Ju apia nani tilara sin. Baku sin trabil nani wal prawri tawan nani ra, twi ra, kabu ra, bara ban sin muihki kuninkira nani tilara.

2 Korint 9:2

kan man nani kupiam wilin ba tânka param kaikisna. Baha dukiara kupi aiska ni Macedonia tasbaya aiska ra aisisna, nahki man nani Acaya uplika nani ba, mani luan wina ridi pali banhwisma hilp munaia; bara Macedonia uplika nani aihkika prais man nani ra mai kaiki karna taki buan.

1 Tesalonaika 2:14

Muihki nani, Gâd sertska nani Judia ra takan ba baku, man nani ra sim sât mai takan, Kraist Jisas tânka nani ba. Man nani ba kuntrikam uplika nani mita ninam bliki rau mai sauhkan, witin nani ra ai kuntrika uplika Ju nani mita nina bliki, rausauhkan ba baku.

1 Tesalonaika 2:16

Ju apia nani ba ra sin yang nani aisaia lukri, witin nani sin swaki sakan kaia mata, sakuna witin nani bui yang nani ai swin aisaras. Bara baku natka ra witin nani saura daukan ba kau tara daukan. Sakuna nanara lâs kat, klala saura pali ba Gâd wina witin nani purara balan sa.

Jems 2:6

Sakuna man nani lika umpira nani ra swira daukisma; ban sakuna, lalahkira nani ba sika man nani ra taibi mai bri ba, ¿bara wihta nani mawanra raski mai brih wi ba?