Apastil Nani Sturka 17:6 - DAWAN BÎLA AISKA

⁶ Witin nani bahara sakras kan bamna, Jasón bara wan muihni tila nani alki raski, tawan wihtka nani mawanra bri si muni, bara ai tâ baiki winan: —Naha waitnika nani mita sika tasba aiska na makupisa, ban naha kat sin balan,

Apastil Nani Sturka 17:6 ပူးပေါင်းရင်းမြစ်များ

Emus 7:10

Amasías, Betel ra prîs aimaki kan ba, Israel kingka Jeroboam ra maisa paki wisa: “Israel tasbaya aiska ra, Emus king tara ba mampara warbanka nani daukisa; upla nani lukanka ba sut saura takisa, bara ban ai kainara aisi auya.

Matiu 24:14

Bara naha king lâka sturka yamni na tasba aiska ra smalkan kabia, kuntri sut baha ba pain kaikbia dukiara; bâra lika tnata ba aimakbia.

Luk 23:5

Sakuna witin nani ai tâ baiki pali aisin: —Witin ai smalkanka ni Judia aiska ba kupia warbi munisa, Galili ba wina ban naha pali kat sin baku daukisa.

Apastil Nani Sturka 1:15

Baha yua nani kum ra, Pita lika wan muihni nani lilapas kat buan. Upla nani asla bâra kan ba lika 120 baku kan. Witin bila baha nani ra:

Apastil Nani Sturka 17:10

Tihmia pat iwan, wan muihni nani mita Pal bara Silas wal Berea ra blikan wan. Witin nani nan Berea ra diman ba ra, Ju nani priaska watla ra wih diman.

Apastil Nani Sturka 17:14

Wan muihni nani mita aihni pali Pal ba kabu un ra blikan wan. Silas bara Timoti wal lika Berea ra takaskan.

Apastil Nani Sturka 17:31

Gâd yu kumi mangkan sa, naha tasba aiska na lâka wapni kat daukaia, waitna kumi witin bâk sakan ba mita. Naha dukiara tânka aiska wan marikan sa, Jisas pruan wina bukan bamna.”

Apastil Nani Sturka 17:5

Sakuna Ju nani kasak lukras kan ba mita ai kupia baikan, bara waitna saura nani bahki baman yabal ra kirhbi tauki nani ba, asla paiwi, upla nani kupia turban. Witin nani mita Jasón watla ra pliki wan, Pal bara Silas wal bâra kaka, saki upla nani mihta ra mangkaia.

Apastil Nani Sturka 24:5

Naha waitnika lika uya saura pali kan yang nani sakri, Ju nani sut tasba aiska ra ba kupia turbisa, witin na sin Nasarin nani tâ uplika kumi sa.

Apastil Nani Sturka 28:22

Sakuna yang nani lika man wina wirâ walaia want sna, man lukankam tânka ba dîa sapa, kan yang nani sin kaikisna plis ailal ra mampara aisisa, baha lâka raya man brisma ba dukiara.