Apastil Nani Sturka 17:25 - DAWAN BÎLA AISKA

²⁵ bara sin nit apia sa upla kum bui witin dukiara diara kum daukbia, kan witin bui sika yawan sut ra rayaka ba wankisa, baku sin pâsa bara diara wala nani ba.

Apastil Nani Sturka 17:25 ပူးပေါင်းရင်းမြစ်များ

Blasi Sturka 2:7

Bamna Dawan Gâd bui upla ba tasba yuya pali wina paskan, bara raya kaia payaska ba kakma unta nani ra puhbi dingkan. Baku sika upla ba ai rayaka mahka brin.

Job 12:10

Rayaka bri bani bara rayaka ba sut, ai mihta ra brisa.

Job 27:3

witin ba mita wingki puhbaia karnika ba aikbia,

Job 33:4

Gâd, karnika sut bri ba mita ai daukan, ai wingka yang ra ai puhban.

Job 34:14

Upla bani wina rayaka payaska ba sâkbia kaka,

Lawana Nani 16:2

Yang bui man ra mai wîri: “Man ba yang Dawanki sma, yang yamniki; diara kum sin âpu sa man wal prakaia ba.”

Aiseya 42:5

Dawan Gâd ba, kasbrika pura nani papaskra sa, witin sin baha nani slihbi saki ba; witin sika tasba ba paskan bara witinka ra sin pâwi ba, rayaka yabi bara wingka puhbra sin yabisa, upla nani iwi nani ra, ai dukia dadaukra ra wisa:

Aiseya 57:16

Upliki nani wal yang ban blahwi dahra aisi kamna apia, piu sut sin kupi baiki ban kamna apia; kan yang maiwanra spiritka nani sut ba dringwaia daukamna, bara lukanka sut swapni takbia.

Jirimaya 38:16

Sakuna king Sedequías yukuwan ra Jirimaya ra swer taki aisin: —Dawan ra luki yang bui man ra swer takisna, witin yawan ra wan rayaka wankisa, mai ikaia mai blikamna apia, baha nani mai ikaia luki ba mihta ra sin mai mangkamna apia.

Sakaraya 12:1

Naha bîla nani sika Dawan, Israel dukiara aisisa. Kasbrika purara paskan ba, tasba playka tara bapan ba, upla ra sin rayaka yan Dawanka ba, kasak aisisa:

Kulki Kaikanka 16:22

Sakuna Moses bara Eran wal bawan, ai mawan ba tasba kat bri si praki, bara win: —Ay, Gâd, man sika upla sut ra rayaka ba yabisma ba, ¿man kupiam sauhkaisma ki upla nani sut ra, upla kumi tâwan?

Kulki Kaikanka 27:16

—Dawan Gâd, man sika upla nani sut ra rayaka yabisma ba; bamna witin nani wihtka kum sâks, upla nani tâura aimaki brih waia,

Matiu 5:45

Baku mika kasbrika purara ba luhpia nani kama. Kan witin bui yu lapta ba yan ingwisa, saura nani bara pain nani purara; lî sin yan auhisa, kasakkira nani ra bara watawikira nani dukiara sin.

Matiu 9:13

Man nani was, bara Ulbanka ra naha tânka na lan taks: ‘Yang want sna man nani uplikam ra umpira kaikma, daiwan nani sakripais daukanka ba lika apia.’ Kan yang lika upla kasakkira nani ba paiwaia balras, sakuna saura dadaukra nani lika.

Apastil Nani Sturka 14:17

piua bani witin ba ya sapa tânka marikan, diara yamni dauki ba bâk: lî kasbrika purara ba wina wankisa, insla ra plun yan pâwisa, witin plun aitani wankisa yawan pih lilia kabia dukiara.

Apastil Nani Sturka 17:28

Kan yawan lika Gâd ra raya sa, aiawisa bara wan wingka puhbisa; baku sin tilam wina sinskira aisasara tila nani naku aisin: ‘Yang nani na sin Gâd taika sna.’

Roman 11:35

¿Ya pas Dawan ra yaban pana witin wina mana briaia?”

Kli Smalkanka 30:20

Dawan Gâdkam ra man nani latwan kaiki bas, bîla wali dauki kasak bas, kan man nani rayakam ba witin wina sa bamna. Bara mani ailal baha kuntrika ra iwma, damikam nani ra Dawan Ebraham ra, Aisak ra bara Jekob ra yabaia win ba.”

1 Timoti 6:17

Naha tasba ra yuya ailal bri nani ba ra smalki wis, witin nani kwalhwi kabiara, yuyaka nani kat kaiki ai kainara diara briaia sin luki banhbiara, baha nani ban lap tiwisa bamna. Sakuna, witin nani Gâd ra luki ai kainara diara briaia luki ban kan, witinka diara ailal wankisa, yawan lilia takbia dukiara.