Apastil Nani Sturka 17:23 - DAWAN BÎLA AISKA

²³ Kan yang naha tawanka ra wapi tauki kapri, man nani puram sunisma ba pliska nani ra sin, bara altar kum kaikri; bahara bîla nani ulban kan ba lika naku kata: ‘Gâd kum ra kaikras ba.’ Bamna pain sa, baha Gâdka man nani kaikras kuna puram suni mayunisma ba, baha pali Gâdka dukiara sika yang aisisna ba.

Apastil Nani Sturka 17:23 ပူးပေါင်းရင်းမြစ်များ

Lawana Nani 50:21

Man nani naha sut daukram, sakuna yang sâp kapri; ba mita kupiam ra lukram yang lika man wal baku sna. Sakuna yang bui man mamwan kat damhra kwahkaisna, dîa daukram klala maiki wapni daukaisna.

Aiseya 45:4

Duki dadaukra Jekob latwanka lâka ba dukiara, bara Israel sin yang bâk sakri ba, ninam kat mâki mai winri; bara ninam wala sin mâkri man ra mai kulkaia, man ba ai kakaira apia sma sakuna.

Matiu 15:9

Yang ra mayunra aikbia ba bahki kabia, ai smalkanka nani ba upla lâka atia sa bamna.’

Jan 17:25

Aisa kasakkira, tasba uplika nani ba lika man ra mai kaikras, sakuna yang mita lika mai kakaira sna, bamna naha nani sin ai dara walisa man mita ai blikram sa.

Jan 17:3

Bamna raya ban kaia lâka ba lika, mai kakaira takaia, Gâd kumi baman kasakkira sma ba, bara Jisas Kraist ra sin kakaira takaia, witinka man mita blikram ba.

Jan 4:22

Man nani Sameria uplika nani ba, yaura puram suni mayunisma sapa sin kaikras; sakuna yang nani lika kaikisna, yaura puri suni mayunisna ba, swaki sakan lâka ba Ju nani wina aula bamna.

Jan 8:54

Jisas pana win: —Yang yakan maiyunra daukisna kaka, baha maiyunra ba lika bahki sa. Sakuna Aisiki mita maiyunisa, man nani mita witin ra Gâd wisma ba.

Apastil Nani Sturka 17:30

Gâd lika patitara piua ra upla nani diara tânka kaikras kan ba mapara ai nakra prakan kan. Sakuna naiwa yua ra lika plis bani ra upla nani iwi ba sut ra param wisa, ai saurka nani ba wina ai kupia lakaia sa.

Roman 1:28

Witin nani Gâd kakaira takaia want apia sa bamna, Gâd mita witin nani ba ai lukanka saura nani ba kat lulki swin, swika baha nani dîa daukaia apia kan ba kat daukbia dukiara.

1 Korint 1:21

Gâd ba ai sinska lâka mita, tasba uplika nani ai sinska lâka ni witin ra kakaira taki banhbia ba want apia kan. Sakuna, Gâd yamni lukan, ai bîla ba ni kasak luki nani ba swaki sakaia, bîla na upla wala nani mapa ra sins âpu tânka baku kabia sakuna.

1 Korint 8:5

Bamna, kasbrika purara kra, tasba ra kra, gâd nani wi ba bâra kabia kra, bara baha tânka ra gâd ailal, dawan nani sin ailal bâra sa;

Epesus 2:12

Baha piua man nani ba Kraist luha katma, Israel nisanka wina laihura kapram, bara Gâd bui Israel nisanka wal lâ nani bara pramis daukan ba sin kakaira apia katma. Naha tasba ra diara kumi sin kainamra bîla kaikras, Gâd sin luha iwi nani katma.

2 Tesalonaika 2:4

Naha sika waihla kum, diara sut Gâd nina bri ba mapara bûi ba, baku sin pura suni mayunaia tânka bri ba mapara buisa. Bara ban sin Gâd tempelka ra dimi iwisa, Gâd kan baku, bara witin pali ba Gâd wisa.

1 Timoti 1:17

Baha mita, ¡ban kaia ra yawan prana bara mayunra yabi kap; ban kaia Kingka ra, witin sip pruras ba, sip wan nakra ni kaikras ba, bara Gâd kumi baman ba! Baku kabia.

1 Jan 5:20

Yawan sin pain kaikisa Gâd Luhpia ba balan, bara witin ba sins lâka wankan, kasak Gâd pali ba kakaira takbia dukiara. Yawan baha Gâdka kasakkira ba wal asla iwisa, wibia kaka, ai Luhpia Jisas Kraist wal. Naha sika kasak Gâd pali ba, bara raya ban kaia lâka.