Apastil Nani Sturka 17:17 - DAWAN BÎLA AISKA

¹⁷ Baha mita witin mita Ju nani priaska watla ra Ju nani ra bara Gâd ra luki mayuni uplika nani ra sin aisi kan. Ban pulaia pliska ra sin upla nani wal prawi ba bani ra aisi kan.

Apastil Nani Sturka 17:17 ပူးပေါင်းရင်းမြစ်များ

Sins Lâka 8:34

Yamni pali sa yang ra wali uplika ba, yu bani aihwaki kaikisa, waitla durka ra nani ra.

Jirimaya 6:11

Dawan, yang na man lawankam ni ai banhkram ba mita puri luan sa, kau alki takaskaia sip apia sni.” Dawan bui ai win: “Wahma nani yabal ra tauki ba purara laiks, tiara daknika nani ba purara laiks. Maya waitna nani bara maya mairin nani ba silak ra brih wabia, dama pali nani ba sin brih wabia.

Mark 16:15

Witin nani ra sin win: “Man nani tasba aiska ra was, bara sturka yamni ba upla sut ra aisi smalks.

Luk 12:3

Baku bamna, dîa dîa tihmia ra aisaram ba, kakna ingnika ra walan kabia; bara utla ra dur praki dîa dîa yukuwi aisaram ba, utla nani bahna wina karna wini aisin kabia.

Apastil Nani Sturka 10:2

Witin lika ai watla uplika aikuki Gâd ra sibrin luki mayuni kan. Witin sin lalah uya yaban Ju uplika umpira nani ra hilp munaia, ban sin Gâd ra ai pura suni kan.

Apastil Nani Sturka 13:16

Bara Pal buan, ai mihta ni sain munan sâp takbia. Bara witin bila: —Israel waitnika nani bara man nani bui Gâd ra sibrin luki banhwisma ba, naha na wals.

Apastil Nani Sturka 13:43

Ju nani priaska watla ra asla takan ba tnata alkan, Ju ailal bara Ju takan uplika ailal sin, Pal Bernabé wal nina blikan. Bara apastil nani mita smalki kupia kraukan, nahki witin nani ban kasak kaia sa Gâd latwanka lâka ra.

Apastil Nani Sturka 13:50

Bara Ju nani mita baha tawanka ra tâ bri waitnika nani ra, bara tara kulkan mairka nani ba sut wal aisin. Bara witin nani sut buan Pal bara Bernabé wal mapara rausauhkaia, bara kuntri ba wina sin kangbaia.

Apastil Nani Sturka 8:2

Waitna kasakkira nani mita Stiben wîna tara ba raiti ra bri si bikan, kasak sin sari taki banhwan.

Apastil Nani Sturka 9:20

Ningkara Saulo lika mahka prias watla nani ra smalkan. Witin aisin Jisas ba kasak Gâd Luhpia sa.

2 Timoti 3:2

Upla nani ba klauna ai dukiara baman luki kabia, lalah ra latwan kaikbia, kakalra kabia bara sin diara lalihkra kabia, Gâd mapara aisi kabia, ai aisika bîla walras kabia, tingkikas kabia bara serts ra rispik âpu kabia.

2 Timoti 3:5

Gâd ra lukaia lâka ba pain talia kulki nani kabia, sakuna ai daukanka ba ni lika apia, kristian lâka kasak karnika ba daukbia apia. Bahmuna uplika wal man lika diara âpu bas.