Apastil Nani Sturka 16:34 - DAWAN BÎLA AISKA

³⁴ Ningkara, witin nani ba ai watla ra bri si plun dakakan. Bara witin ai watla uplika sut aikuki lilia pali kan, nahki witin nani Dawan ra kasak lukaia lâka alkan ba dukiara.

Apastil Nani Sturka 16:34 ပူးပေါင်းရင်းမြစ်များ

Aiseya 55:12

“Man nani lilia pali baha wina taki wama, bara kupia kumi lâka wal, man nani tasbayam ra kli tawi balma. Il nani bara kiuhsi nani sin, man nani mamwanra lawana aiwanbia, bara twi ra dus nani ba sin sut ai mihta pruki lilia daukbia.

Aiseya 61:10

¡Yang Dawan ra nahki lilia sna! Gâdki ra kupi lilia ni banhwan sa, witin swaki sakan lâka bri ba yang ra aikan bamna, ¡pura luan lâka ni ai srukan! Yang na wahma kum ai maya briaia ai kraunka bapan ba baku sna, apia kaka tiara kum ai maya briaia gul ni skahkan ba baku sna.

Luk 15:32

Sakuna nanara lika pain sa yawan lilia tara daukaia, kan muihkam pruan kata ba kli rawan sa; witin tiwan kan ba, kli yawan sakan sa.’

Luk 19:6

Bara Sakius aihni bal iwan, liliakira Jisas ba brin.

Luk 5:29

Baha ningkara, Libai ba Jisas dukiara ai watla ra lilia tara kum daukan. Rom ra blikaia, lal mana saki manis bara upla wala nani uya sin witin nani aikuki tibil ra iwi kata.

Apastil Nani Sturka 11:14

bara witin mita mai wibia nahki sip kama swaki mai sakan kaia, man bara wamtla uplika aiska.’

Apastil Nani Sturka 16:15

Witin lika ai watla uplika nani sut ba wal tahbi daukan. Ningkara yang nani ra makaban: —Yang na kasak Dawan ra tawri lukisma kaka, man nani bal waitla ra dimi takasks. Bamna witin taibi ai munan takaskaia.

Apastil Nani Sturka 16:35

Titan ra wihta nani mita suldiar nani blikan, silak watla main kakaira ra maisa pakbia Pal bara Silas wal ba lanhkaia.

Apastil Nani Sturka 2:46

Yu bani witin nani tempel ra asla taki kan, bara utla bani ra asla taki, liliakira ai kupia kumi lâka ra ai pata pi kan.

Apastil Nani Sturka 8:39

Witin nani lî wina ulan ba ra, Dawan Spiritka mita Pilip ba brih wan, bara waitnika witin ra kli kaikras kan; sakuna witin ai âuyapah ai yabalka ra impakan.

Roman 15:13

Bamna Gâd bui man nani ra bîla kaikaia lâka maiki ba, lilia bara kupia kumi lâka ni mai banhkbia, kan man nani sika witin ra kasak lukisma ba, bara bîla kaikanka sin uya maikbia Spirit Holikira karnika ba mita.

Roman 5:11

Bara naha baman lika apia, kuna wan Dawan Jisas Kraist ba mita yawan lika Gâd ra lilia pali sa, kan Kraist ba mita yawan na Gâd wal kupia kumi wan daukan sa bamna.

Roman 5:2

Kasak lukan ba mita Kraist bâk yawan lika Gâd lamara balan, ai yamnika briaia dukiara. Bara naha yamnika sika yawan bapi na, bara lilia sa naika Gâd prana ba wan dukia briaia ba mita.

Galesha 5:22

Sakuna Spirit ai warkka dauki ba lika: latwan kaikaia, lilia kaia, kupia kaia lâka, kupia alki takaski kaia, latwan lâka bri kaia, kupia yamni kaia, kasakka lâka briaia,

Pilipai 4:17

Yang diara briaia baman lukisna dukiara lika apia; yang want sna ba lika man nani briaia sma ba kau pura lui bri kama Gâd mawanra.

Pilipai 4:4

Man nani piu bani ra, Dawan ra liliam bas. Yang kli wisni: ¡Liliam banhwi bas!

Pilimon 1:7

Bamna man latwankam lâka ba mita, uya lilia bara karnakira ai daukram, bara man tânkam mita, muihki laitwankira, kristian ailal maisa nihkram sa.

1 Jan 3:18

Luhpi lupia nani, wan latwanka lâka ba lika wan bîla ni aisi ba baman kaia apia sa, sakuna latwan lâka kasak pali ba sika, upla ra diara kum dauki mariki ba.