Apastil Nani Sturka 16:20 - DAWAN BÎLA AISKA

²⁰ Witin nani mita Pal Silas wal ba Rom wihtka nani mawanra bri si, naku aisin: —Naha waitnika nani Ju nani sa, bara wan tawanka ra bal trabil bukisa.

Apastil Nani Sturka 16:20 ပူးပေါင်းရင်းမြစ်များ

Jirimaya 38:4

Bara wihta tara nani ba wih king ra win: —Naha waitnika na ikaia sa, witin aisi ba mita suldiar nani tawan ra nâra ba lukanka, upla nani sut lukanka ba swapni daukisa. Waitnika na upla nani tâ baikaia daukras, sakuna saura munaia baman aisisa.

Matiu 2:3

King Herod naha walan, witin bara Jerusalem uplika nani aiska kira sin sibrin takan.

Apastil Nani Sturka 16:19

Sakuna tukta mairin dawanka nani kaikan, nanara witin nani sip kli witin bâk lalah sâkbia apia, bamna Pal bara Silas wal ra alki lilia dauki taukaia pliska ra bri si, wihta nani mihta ra mangkan.

Apastil Nani Sturka 16:21

Witin nani wan smalki ba natka yawan sip alki daukbia apia, kan Rom uplika nani sna.

Apastil Nani Sturka 18:2

Bahara witin Ju waitna kum wal prawan, ai nina Áquila kata; witin ba Ponto tasbaya ra aisubi takan. Áquila lika ai maya wal bisi pali Italia kuntrika wina balan kata, kan king Claudio mita Ju nani sut Rom tawanka wina kangbi sakan kan bamna, witin nani sin baha wina takan. Bara Pal wan witin nani ba kaikaia.

Apastil Nani Sturka 19:34

Sakuna upla nani ba kaikan kan nahki witin ba Ju kan, bamna witin nani sut ai bîla baikra karna pali wini banhwi kan, awar wâl prais: “¡Tara sika Diana Epesus nani tilara ba!”

Apastil Nani Sturka 28:22

Sakuna yang nani lika man wina wirâ walaia want sna, man lukankam tânka ba dîa sapa, kan yang nani sin kaikisna plis ailal ra mampara aisisa, baha lâka raya man brisma ba dukiara.

Roman 12:2

Bamna kli naha tasba lâka tânka ba kat iwi kapara; sakuna lukankam pali ba lakma, bara baku mika rayakam aiska ba tâwan kabia. Baha mita sip kama Gâd kupia lâka pali ba tânka briaia, baha tânka ba lika dîa pain ba, Gâd yamni kaiki ba, bara witin wapni kaiki ba lukma.

Jems 4:4

¡Alai upla sip kasak lukras sma nani ba! ¿Man nani kaikras sma ki, tasba ra latwan kaikaia lâka ba lika, Gâd wal waihla takaia lâka ba? Ya ya tasba ra latwan kaikisa kaka, Gâd wal waihla takisa.