Apastil Nani Sturka 16:19 - DAWAN BÎLA AISKA

¹⁹ Sakuna tukta mairin dawanka nani kaikan, nanara witin nani sip kli witin bâk lalah sâkbia apia, bamna Pal bara Silas wal ra alki lilia dauki taukaia pliska ra bri si, wihta nani mihta ra mangkan.

Apastil Nani Sturka 16:19 ပူးပေါင်းရင်းမြစ်များ

Daniel 6:12

Ningkara witin nani king ra wan lâ mangkan ba dukiara aisaia, bara aisi banhwan: —King, man lâ kumi dauki wan maisa pakram, bara baha lâka ba naku daukan sa: ani uplika naha yu 30 na ai gâdka ra sapa, yaura sapa ai pura sunbia ba, king ra lika apia, baha uplika ba layan nani watla ra lulkan kabia. ¿Baha ba kasak sa apia? King ba bui pana win: —Âu, baku pali sa, bara baha lâka ba daukan kaia sa, Media bara Persia wal lâka ba kat, lâka ba lakan kabia apia.

Matiu 24:9

“Bara upla nani mita mai alki rau mai sauhkaia mai mangkbia, bara mai ikbia, bara upla sut mita yang tâiwan misbara mai kaikbia.

Mark 13:9

“Sakuna man nani aman kaiks. Witin nani wihta nani mihta ra mai mangkbia, bara Ju nani priaska watla nani ra mai wipan kabia. Man nani lika yang tâiwan wihta nani, king nani mawanra sin mai brih wabia, bara yang witniski baha nani mawanra sin aisama.

Apastil Nani Sturka 14:19

Bara tila Ju nani aidrubi balan Antíoco wina, Iconio wina sin. Witin nani lika upla nani ra maisa kapi muni, Pal ra walpa ni saban. Witin nani luki banhwan Pal ba pruan kan, bamna tawan ba wina raski sakan.

Apastil Nani Sturka 14:5

Ju nani bara Ju apia nani ba wihta nani aikuki lâ daukan, apastil nani ra rausauhkaia bara walpa ni sin sabaia.

Apastil Nani Sturka 15:22

Bamna apastil nani bara tâ uplika nani, bara serts aiska ba wilin takan, witin nani ai tila wina upla tila nani saki Antíoco kat blikaia, Pal bara Bernabé aikuki. Witin nani sakan ba lika Judas, nina wala Bernabé mâki ba, wala Silas, witinka waitna pain aihwa kulkan ba wan muihni nani tilara.

Apastil Nani Sturka 15:26

Witin wâl sika ai rayaka ba trabil ra ban dingkan wan Dawan Jisas Kraist tâwan.

Apastil Nani Sturka 15:40

Pal lika Silas ba bâk saki brin, wan muihni nani mita witin nani ba Dawan latwanka lâka mihta ra mangkan, ningkara witin nani mahka impakan.

Apastil Nani Sturka 16:16

Yu kumi yang nani pura sunaia pliska ra taki auna kan ba ra, tukta mairin kum wal prawi banhri; witin sukia, diara kaikaia piritka bri kata. Witin alba kan, bara diara kaikaia warkka dauki ba wina ai dawanka nani ba lalah uya pali saki yabi kan.

Apastil Nani Sturka 16:20

Witin nani mita Pal Silas wal ba Rom wihtka nani mawanra bri si, naku aisin: —Naha waitnika nani Ju nani sa, bara wan tawanka ra bal trabil bukisa.

Apastil Nani Sturka 16:25

Sakuna tihmia wâl bakriki ra, Pal bara Silas wal ai pura suni Gâd ra lawana aiwani kan, bamna upla nani silak ra kan ba witin nani ra wali kan.

Apastil Nani Sturka 16:29

Bara silak watla main kakaira ba lamp kum makabi, witin ban plapi diman, sibrin mita ai wîna sut tatatwi kan, bamna Pal bara Silas wal mina kat kauhan.

Apastil Nani Sturka 17:6

Witin nani bahara sakras kan bamna, Jasón bara wan muihni tila nani alki raski, tawan wihtka nani mawanra bri si muni, bara ai tâ baiki winan: —Naha waitnika nani mita sika tasba aiska na makupisa, ban naha kat sin balan,

Apastil Nani Sturka 21:30

Tawan aiska ba kupia turban pali takan, bara upla nani sut plapi aidrubi balan. Bara Pal ba alki raski, tempel ba wina sakan. Baha pali piua ra upla dur nani sut ba prakan.

Apastil Nani Sturka 8:3

Bara Saulo lika kau ban serts ra rausauhki kan; witin utla bani ra dimi tauki kan, waitna, apia kaka mairin kra sâkbia kaka, raski saki silak ra mangkaia dukiara.

Apastil Nani Sturka 9:16

Yang mita witin ra marikamna nahki pât nani uya yang dukira wahwaia ba.”

2 Korint 6:5

Baku bamna, wan wipi banhwan sa, silak ra sin wan mangkan; upla nani bin dauki wan munan, wark karna wankan taki banhri; yang nani sip sans aikras yapaia, bara plun kasak wahwi banhri.

Pilipai 1:30

Man nani ba, yang wal baku sim aiklabanka ra banhwisma. Man nani pat kaikram nahki aiklabatna ba, bara nanara kau nahki aiklabisna sturka ba walisma.

1 Tesalonaika 2:2

Man nani pain kaikisma, yang nani na pat kanra Pilipai tawanka ra nahki saura ai wisata bara nahki sin rau ai sauhkata ba, Tesalonaika ra balras katna ba ra. Baku ai muni banhwan, ban sakuna, Gâd mita yang nani ra hilp ai munan ai sturka yamni ba sibrin âpu mai smalki banhwamna dukiara, aiklabanka karna tilara.

1 Timoti 6:10

Kan lalah ra latwan kaikaia ba sika saurka sât sât plamaika ba. Upla tila nani ba baha brin pali dauki tâka mita, kasak lukan lâka wina tnaya ra tawi banhwan sa, bara witin ai rayaka nani ba, pât nani taki banhwan sa.

Jems 2:6

Sakuna man nani lika umpira nani ra swira daukisma; ban sakuna, lalahkira nani ba sika man nani ra taibi mai bri ba, ¿bara wihta nani mawanra raski mai brih wi ba?