Apastil Nani Sturka 16:16 - DAWAN BÎLA AISKA

¹⁶ Yu kumi yang nani pura sunaia pliska ra taki auna kan ba ra, tukta mairin kum wal prawi banhri; witin sukia, diara kaikaia piritka bri kata. Witin alba kan, bara diara kaikaia warkka dauki ba wina ai dawanka nani ba lalah uya pali saki yabi kan.

Apastil Nani Sturka 16:16 ပူးပေါင်းရင်းမြစ်များ

2 King Nani 21:6

Baha purkara, ai luhpia waitna nani pauta ra angkan sakripais daukaia wisi, bara pirit bahki nani ra, smaya kakaira nani ra, pirit saura warkka dauki bara sukia lâka nani sin bukan. Saura pali Dawan nakra ra daukan, baha sât saurka nani dauki kan ba mita Dawan kupia sauhki kan.

1 Kronikas 10:13

Bamna baku Saúl ai saurka ba mita pruan, kan witin saura daukan bara Dawan lâ yan ba kulkras, sukia kumi ra ni wih wal aisin,

Aiseya 8:19

Âu, upla nani bui man nani ra mai wibia sika: “Sukia nani ra wals, yapi kakaira nani ra sin makabi wals, pusbi aisi nani ra bâra aisi ba. ¿Upla nani ba ai gâdka nani ra makabi walaia apia sa ki, pruan nani bara walaia raya nani ba dukiara dîa aisabia ba,

Libait Lâka 19:31

“Pirit saura wal aisi, yapi kaiki uplika ra man nani wapara, witin wal aisi tâski takmara sîa. Yang sika man nani Dawan Gâdkam.

Libait Lâka 20:27

“Waitna kum, apia kaka mairin kum yapi kaikaia piritka wal aisisa kaka, yu wala dîa takaia ba aisisa kaka, baha nani ba walpa ni sabi ikaia sa bara ai pâtka ba twilkbia.”

Libait Lâka 20:6

Upla kum pirit saura wal aisi yapi kaiki uplika nina bliki saura taki ba, yang baha uplika ba mapara kamna, bamna tawan wina bara ai uplika nani tila wina sakamna.

Apastil Nani Sturka 16:13

Ris yua kum ra, yang nani tawan ba wina lata tani ra taki wari, awala un ra. Upla nani ai natka kan, bahara wih ai pura sunaia. Bamna yang nani mahka iwi, mairin nani bahara bal asla takan nani ra Dawan sturka yamni ba smalki banhri.

Apastil Nani Sturka 16:18

Yu ailal baku dauki kan. Ban piua kum kat Pal kupia sauhkan, bara tawi baha piritka saura tukta mairin ra kan ba ra win: —Jisas Kraist nina ra yang mai wisna, witin ba wina taks. Bara baha minitka ra pirit saura witin ba swin.

Apastil Nani Sturka 16:19

Sakuna tukta mairin dawanka nani kaikan, nanara witin nani sip kli witin bâk lalah sâkbia apia, bamna Pal bara Silas wal ra alki lilia dauki taukaia pliska ra bri si, wihta nani mihta ra mangkan.

Apastil Nani Sturka 19:24

Baha takan ba lika waitna kumi nina Demetrio, silbar warkka dadaukra ba mita. Naha waitna mita silbar ni gâd bahki Diana tempelka lilka lupia dauki wauhi atki kan, bara witin wal wark taki nani ba lalah manis saki kan.

Galesha 5:20

aidul nani ra mayunaia, sukia warkka daukaia. Upla ra misbara kaikaia, tar baiwan lâka, bara nina tâwan lawaia nani. Diara bahki dukiara wan kupia baikaia, bara wan kupia lâka baman pliki daukaia, dakwi takaia lâka, bara dakni sât sât paskaia sin.

1 Timoti 6:10

Kan lalah ra latwan kaikaia ba sika saurka sât sât plamaika ba. Upla tila nani ba baha brin pali dauki tâka mita, kasak lukan lâka wina tnaya ra tawi banhwan sa, bara witin ai rayaka nani ba, pât nani taki banhwan sa.

2 Timoti 3:8

Bara Janes, Jambrés wal, witinka nani sukia nani kan ba, Moses mapara buan ba baku, baha uplika nani sin kasak tânka mapara bûi banhwisa. Baha uplika nani sinska ba aihka saura takan sa, bara kasak lukan lâka mapa ra witin nani pain aihwa apia sa.

2 Pita 2:3

Lalah ra uya want ba mita, kunin smalkanka ni kasak pali mai smalkbia; kuna witin nani ra pât ra lulki swiaia ba lika ai bîla kaikisa, kan witin nani ba pat piua wihka luan wina pât ra lakan sa bamna.

1 Samuil 28:3

Baha piua ra Samuil pat pruan kan, bara Israel luhpia nani sut pat ini luan kan, pruan ba pura mata; baha ningkara ai tawanka Ramá ra bikan, witin aisuban tasbaya ra. Bara Saúl bui diara kakaira nani, upla pruan piritka wal aisi uplika nani kan ba sut ai tasbaya wina kangbi sakan.

1 Samuil 28:7

Baha mita Saúl wihta tara nani ra adar yan: —Upla pruan wal aisi ba mairka kum pliki was, bara yang wih witin wal aisi diara tânka kum plikaia sna. Wihta tara nani ba win: —Endor ra mairin kumi bâra sa, witin lika upla pruan nani wal aisisa.