Apastil Nani Sturka 16:14 - DAWAN BÎLA AISKA

¹⁴ Witin nani wina kumi ba nina Lidia, Tiatira tawanka wina, kwala painkira mapla balianta wauhi âiatkra kan. Mairka ba Gâd ra mayuni kan, bara witin sin bâra wali kata; Dawan mita ai kupia ba ilingkan, Pal dîa aisi ba aman pali walaia.

Apastil Nani Sturka 16:14 ပူးပေါင်းရင်းမြစ်များ

Lawana Nani 110:3

Uplikam nani ba man ra maikisa man pura luma yua ba. Il holi nani ba purara, lalma kahbi kan diwas laya iwi ba baku, yu bani kau wahma taki kama.

Yamni Kulki Lawana 5:4

Laitwankira waitna, ai mihta kum dur prakaika unta lupia bâk dingkan, ¡bara baha mita kupi ba turban kan!

Aiseya 50:5

Dawan ba yang kiaima aikan tânka param walaia, bara yang mapara babura apia kapri bara nini sin laki yaras kapri.

Luk 24:45

Bamna Ulbanka nani tânka ba yan brin,

Jan 12:20

Yua tara ba luaia dukiara upla nani Jerusalem ra aidrubi balan Gâd ra ai pura suni mayunaia, bara baha nani tilara Grik nani sin bâra kan.

Apastil Nani Sturka 10:2

Witin lika ai watla uplika aikuki Gâd ra sibrin luki mayuni kan. Witin sin lalah uya yaban Ju uplika umpira nani ra hilp munaia, ban sin Gâd ra ai pura suni kan.

Apastil Nani Sturka 11:21

Dawan karnika ba witin nani purara kan, bamna upla manis ai lukanka almuk nani ba swi si, Dawan ra ni kasak lukan.

Apastil Nani Sturka 13:43

Ju nani priaska watla ra asla takan ba tnata alkan, Ju ailal bara Ju takan uplika ailal sin, Pal Bernabé wal nina blikan. Bara apastil nani mita smalki kupia kraukan, nahki witin nani ban kasak kaia sa Gâd latwanka lâka ra.

Apastil Nani Sturka 13:50

Bara Ju nani mita baha tawanka ra tâ bri waitnika nani ra, bara tara kulkan mairka nani ba sut wal aisin. Bara witin nani sut buan Pal bara Bernabé wal mapara rausauhkaia, bara kuntri ba wina sin kangbaia.

Apastil Nani Sturka 16:40

Witin nani silak wina takan, bara Lidia watla ra wih diman. Ningkara wan muihni nani ba kaikan, bara baha nani ra tâ baiki muni, baha wina mahka wan.

Apastil Nani Sturka 18:7

Witin Ju nani priaska watla wina taki waitna kumi watla ra wan, waitnika nina ba Taitus Justo kata. Witin ba Gâd ra ai pura suni mayuni kan, ai watla ba bri kan Ju nani priaska watla tnaya ra.

Apastil Nani Sturka 8:27

Pilip mahka ridi taki wan. Witin auya kan ba ra, yabal ra Etiopía kuntrika wina waitna kum wal prawan. Witin ba sin yunok kata, Etiopía kwinka Candace suliarka nani wihtka tara kum kan. Witin sin Etiopía kwinka ba lalahka main kakaira kan, bara witin na Jerusalem ra balan Gâd ra ai pura sunaia.

Roman 9:16

Baku bamna, upla dîa brin dauki ba, apia kaka daukaia trai muni ba lika apia sa, sakuna Gâd mita yamni kaikbia lika.

Pilipai 2:13

kan Gâd mita sika man nani ra brinka yamni nani ba maikisa, bara baku kat daukaia sin hilpka maikisa, ai kupia lâka yamni ba kat.

Param Marikanka 1:11

bara yang ra ai win: “Dîa dîa kaikma ba sut wauhtaya kum ra uls, bara 7 serts Asia ra ba ra blîks, baha ba naha nani sa: Epesus, Esmirna, Pergamum, Tiatira, Sardes, Filadelfia, bara Leodisia.”

Param Marikanka 3:20

Kaiks, yang dur ra kingbisna; ya yang bîli baikra wali dur ba kwâkbia kaka, ai watla ra dimi witin wal plun pimna.

Param Marikanka 3:7

“Filadelfia sertska insalka ra sin ulbi wis: ‘Naku wisa witinka holi bara kasakkira ba, king Debit kî mihta bri ba; witin dur ba kwâkuya ba ra, upla kumi mita sin sip prakras; bara witin prakuya ba ra, upla kumi mita sin sip kwâkras ba: