Apastil Nani Sturka 15:9 - DAWAN BÎLA AISKA

⁹ Gâd mita yawan na Ju apia nani ba wal kau sât aihka lika wan kulkras sa, kan witin nani ai kasak lukan lâka ba mita ai kupia nani sin klin sakan sa.

Apastil Nani Sturka 15:9 ပူးပေါင်းရင်းမြစ်များ

Lawana Nani 51:10

Gâd, ¡yang ra kupi lukanka tâski âpu ba aik! ¡Bara spirit raya kum kasak ba sin aik!

Isikiel 47:22

Naha sika man nani briaia sma ba, bara tringsar nani man nani tilamra iwi nani ba bara luhpa bri nani ba Israel ra aisuban baku kulkaia sa. Israel kiamka tilara baiki saki bribia ba ra, witin nani ra sin ai dukia yaban kabia.

Apastil Nani Sturka 10:15

Bîla baikra kata ba kli aima wala ra aisin, naku walan: “Gâd mita diara klin daukan ba, man tâski wipara.”

Apastil Nani Sturka 10:28

Bara Pita bila: —Man nani pain kaikisma, Ju sertska ba lâ yaras sa, Ju uplika kum ba Ju apia uplika kum wal asla takaia, apia kaka watla ra kra dimaia. Sakuna Gâd mita ai marikan yang bui upla kumi ra saura, apia kaka tâski sin wimna apia.

Apastil Nani Sturka 10:34

Bara Pita mahka aisi, win: —Nanara kasak pali kaikisni, Gâd mapa ra upla sâtka kumi upla sât wala ba wal aihka apia sa,

Apastil Nani Sturka 11:12

Bara Spirit Holikira ba mita ai win, witin nani ba wal wamna takaskras pali. Bamna naha wan muihni nani 6 na sin yang wal wan. Yang nani sut Cornelio watla ra dimi banhri.

Apastil Nani Sturka 14:1

Iconio ra, Pal Bernabé wal Ju nani prias watla ra dimi, ai natka kan ba baku witin nani mahka upla smalkan, bara upla uya kasak lukan, Ju nani bara Ju apia nani sin.

Apastil Nani Sturka 14:27

Witin nani Antíoco ra balan ba ra, serts uplika nani sut asla paiwan, bara baha nani ra win, dîa dîa Dawan bui witin nani ra daukan ba, bara nahki Gâd mita Ju apia nani ra sin yabalka ba sakan kasak lukaia dukiara.

Roman 3:22

Jisas Kraist ra kasak luki ba mita, kasak lalukra nani sut ra Gâd bui kasakkira nani daukisa. Kan sât aihka natka âpu sa:

Roman 3:9

¿Bara dîa? ¿Yawan Ju nani na kau pain sa ki, Ju apia uplika nani ba wal? ¡Sip apia pali! Yawan mita pat winisa, Ju nani bara Ju apia uplika nani sut ba saurka karnika mununhtara sa.

Roman 9:24

Bamna Gâd mita wan paiwan, Ju nani tila ba wina baman apia, sakuna Ju apia nani tila ba wina sin.

1 Korint 1:2

Korint tawanka ra wan muihni nani, Gâd sertska uplika nani ba ra ulbisna, witinka nani Kraist Jisas wal asla ba mita Gâd uplika holi takan ba. Gâd bui man nani ba holikira nani kaia mai paiwan sa, ani anira wan Dawan Jisas Kraist nina mâki, witin ra wini uplika nani ba aikuki, witinka lika baha nani Dawanka bara yawan Dawanka sin ba.

1 Korint 7:18

Gâd mita Aisa sainka pat bri uplika kum paiwisa kaka, uplika ba baha Aisa sainka ba ban bri kaia sa; bara Gâd mita Aisa sainka briras uplika kum paiwbia kaka, uplika ba Aisa sainka mangkaia apia sa.

Galesha 3:28

Bamna nanara lika, Ju kaia, apia kaka Grik kaia, alba kaia, apia kaka pri kaia, apia kaka waitna kaia, mairin kaia tânka ba âpu sa; kan Kraist Jisas wal asla kaia lâka ba mita, man nani sut asla kumi sma.

Galesha 5:6

Bara yawan Kraist Jisas wal asla sa kaka, Aisa sainka bribia, apia kaka briras kabia sin, sut ba bahki sa. Kasak lukan lâka briaia ba lika kau pain sa, bara kasak lukanka lâka mita sika upla sut aikuki latwan iwaia tânka wanki ba.

Epesus 3:6

Naha sika diara yukukan ra kan ba: Swaki sakan lâka smalkanka bâk, Ju apia nani sin Ju nani wal baku, Gâd yamnika nani wina ai dukia bribia, kan sim wîna tara sirpika nani sa, bamna Gâd mita Kraist Jisas bâk, dîa pramis daukan ba wina sin ai dukia brisa.

Kolosi 3:11

Bara nanara kli Grik kaia, apia kaka Ju kaia ba tânka apia sa, Aisa sainka brin, Aisa sainka briras kaia, tringsar kaia, wail baku kaia, pri, apia kaka alba kaia, sakuna Kraist sika diara sut ba, bara witin lika diara sut ra bâra sa.

1 Pita 1:22

Nanara man nani, kasak tânka sturka ba bîla wali daukram ba mita, sulkam nani sunu daukram sa, wan muihni nani ra kasak pali kunin âpu latwan kaikaia dukiara. Baku bamna, pana pana walkam ra latwan kaikaia sma, kupiam aiska bara karnikam aiska ni sin.