Sakuna lalukra nani tila Chipre bara Cirene wina kan ba mita Antíoco tawanka ra wan, bahara Dawan Jisas swaki wan saki sturka ba Ju apia nani ra smalkan.
Naha diara na dukiara, Pal Bernabé wal baha uplika nani aikuki kasak blahwan. Ningkara, Pal bara Bernabé, bara upla tila nani sin sakan Jerusalem ra waia, apastil nani bara serts tâ uplika nani aikuki, naha tânka na dukiara aisi kaikaia.
Baku sin witin nani ai tilara Libait kum kata nina Josep, witin ba Chipre kî dakura ra aisuban kan, bara apastil nani mita nina wala laki yan, Bernabé, (tânka ba “Maisa Nanihkra luhpia”).
Baha yua nani ra, kristian nani ba kau ailal taki kan, bara Grik bîla aisi uplika nani mita Hibru bîla aisi uplika nani mapara brukwi aisi kan. Witin nani aisin, yu bani plun yui ba ra, ai piarkika nani ra aitani main kaikras.
Aristarco, yang wal silak ra ba, man nani ra ai lakula blikisa, Bernabé tubankika Mark ba sin. Witin dukiara dîa mai smalkatna ba, man nani kaikisma: Man nani mai kaikaia wabia kaka, pain bri bas.
Yawan sut watawi uya daukisa; bara ya ai bîla aisi ba wal watawi kumi sin daukras kaka, baha ba upla wapni sa; witin ai wîna tara aiska ra sin alki takaskaia sip sa.