Apastil Nani Sturka 15:3 - DAWAN BÎLA AISKA

³ Antíoco sertska uplika nani mita witin nani ba blikan, bara ai impakanka ba brin. Bara ban Fenicia bara Sameria tasbaya nani bâk maisa paki wan, nahki Ju apia nani ai lukanka almuk nani ba lulki si, Dawan nina blikan ba tânka. Wan muihni nani naha sturka walan ba ra, uya lilia pali takan.

Apastil Nani Sturka 15:3 ပူးပေါင်းရင်းမြစ်များ

Luk 15:32

Sakuna nanara lika pain sa yawan lilia tara daukaia, kan muihkam pruan kata ba kli rawan sa; witin tiwan kan ba, kli yawan sakan sa.’

Apastil Nani Sturka 1:15

Baha yua nani kum ra, Pita lika wan muihni nani lilapas kat buan. Upla nani asla bâra kan ba lika 120 baku kan. Witin bila baha nani ra:

Apastil Nani Sturka 13:48

Ju apia nani ba naha walan ba ra, lilia pali takan, bara mahka aisin Dawan bîla ba pain pali sa. Bara baha nani sut raya ban kaia lâka briaia kan nani ba, kasak lukan.

Apastil Nani Sturka 13:52

Sakuna lalukra nani Antíoco ra banhwi kan ba lilia pali kan, Spirit Holikira ni sin aibanhwan kan.

Apastil Nani Sturka 14:27

Witin nani Antíoco ra balan ba ra, serts uplika nani sut asla paiwan, bara baha nani ra win, dîa dîa Dawan bui witin nani ra daukan ba, bara nahki Gâd mita Ju apia nani ra sin yabalka ba sakan kasak lukaia dukiara.

Apastil Nani Sturka 15:1

Baha piua ra tila upla nani Judia wina Antíoco ra balan. Baha nani mita wan muihni nani ra naku smalkan: swaki sakan lâka ba briaia kaka, Aisa sainka ba ai wîna ra briaia, Moses lâ yan ba kat.

Apastil Nani Sturka 15:12

Bamna upla nani ba sut sâp taki wali kan, bara Pal, Bernabé wal ai sturka ba mahka aisin, nahki Gâd bui witin nani bâk sain nani, wark aihka nani sin daukan ba Ju apia nani tilara.

Apastil Nani Sturka 15:22

Bamna apastil nani bara tâ uplika nani, bara serts aiska ba wilin takan, witin nani ai tila wina upla tila nani saki Antíoco kat blikaia, Pal bara Bernabé aikuki. Witin nani sakan ba lika Judas, nina wala Bernabé mâki ba, wala Silas, witinka waitna pain aihwa kulkan ba wan muihni nani tilara.

Apastil Nani Sturka 15:32

Judas bara Silas wal sin sip pali kan Dawan wina kupia kraukanka pain brin ba baha nani ra yaia, bamna ai bîla nani aisi wan muihni nani ra maisa nihkan, kupia sin uya tâ baikan.

Apastil Nani Sturka 15:4

Pal bara Bernabé wal Jerusalem ra balan ba ra, serts ba bui bara baku sin apastil nani ba mita, bara tâ uplika nani ba mita sut sin pain brin. Baha nani ra sin witin nani mita maisa pakan dîa dîa Dawan bui witin nani wal daukan ba.

Apastil Nani Sturka 17:15

Baha nani Pal yula kahbi auya kan ba, ban Atenas tawanka kat wan. Witin nani mahka kli ai bîla tawan ba ra, Pal mita win Timoti bara Silas wal ra wibia aihni trai kaiki witin ra balbia.

Apastil Nani Sturka 20:38

Witin nani sut sari pali kata, kan witin win ai mawan kli kaikbia apia. Ningkara, witin nani sut Pal ba duri tara ra bri si mangkan.

Apastil Nani Sturka 21:5

Sakuna wik kum ba luan ningkara, yang nani mahka taki impakri. Lalukra nani sut ai maya mairin nani, ai luhpia nani aikuki yang nani yuli kahbi tawan ba wina takan, bara auhya ra luli kriki, puri suni banhri.

Apastil Nani Sturka 28:15

Rom ra wan muihni nani pat yang nani sturki walan kan, bahamna witin nani ba yang nani maipa ra balan, Apio Forum pliska kum nina, Utla Yumhpa wi ba kat. Pal baha nani kaikan ba ra, Dawan ra tingki win bara ai kupia aimakan.

Apastil Nani Sturka 8:14

Apastil nani Jerusalem ra banhwi kan ba walan, nahki Sameria uplika nani sin sturi yamni ba brin, bamna bahara Pita bara Jan wal blikan.

Roman 15:24

yang lukisna Ispail kuntrika ra waia impakamna, man nani mai kaikaia, bara aikuki lilia aitani bribia ba ningkara, man nani yabalki daukma Ispail kuntrika ra waia.

1 Korint 16:11

Baha mita, man nani wina kumi sin witin ba bahki kulkbiara. Sakuna, witin ba hilp muns, ai impakanka ra ai kupia kumi lâka wal ban yang ra balbia; kan witin wan muihni wala nani wal balbia ba, yang bîla kaikisna.

1 Korint 16:6

Ban kra man nani aikuki piu wiria takaskamna baku sa, ban kra lî piua aiska ba nahara luamni, bamna baha ningkara anira impakaia kamna ba ra man nani sip kama hilp ai munaia.

2 Korint 1:16

Macedonia ra lui wamna ba ra man nani mai kaikamna luki kapri, bara baha wina kli balamna taim sin kli mai kaikamna. Baku lika man nani sip kaia kapram hilp ai muni Judia ra ai blikrika waia.

Taitus 3:13

Zenas layar waitna ba, bara Apolos ba sin, man sip muni hilp muns, ai impakanka ba ban alki banhwi kabia dukiara, diara sut yabi, bara witin nani diara kumi sin luha kabia apia.