Apastil Nani Sturka 15:25 - DAWAN BÎLA AISKA

²⁵ Baha mita yang nani aitani luki banhri, yang nani tili na wina upla nani saki blikaia, man nani mai kaikaia, bamna wan muihni latwankira nani, Pal bara Bernabé wal baha nani ba blikuna.

Apastil Nani Sturka 15:25 ပူးပေါင်းရင်းမြစ်များ

Matiu 11:26

Âu, Aisa, kan man baku want kapram.

Apastil Nani Sturka 1:14

Piua bani witin nani sut, Jisas muihnika nani aikuki asla taki kan ai pura sunaia. Witin nani ai tilara Jisas yaptika Meri bara mairin wala nani sin bâra kata.

Apastil Nani Sturka 15:2

Naha diara na dukiara, Pal Bernabé wal baha uplika nani aikuki kasak blahwan. Ningkara, Pal bara Bernabé, bara upla tila nani sin sakan Jerusalem ra waia, apastil nani bara serts tâ uplika nani aikuki, naha tânka na dukiara aisi kaikaia.

Apastil Nani Sturka 15:22

Bamna apastil nani bara tâ uplika nani, bara serts aiska ba wilin takan, witin nani ai tila wina upla tila nani saki Antíoco kat blikaia, Pal bara Bernabé aikuki. Witin nani sakan ba lika Judas, nina wala Bernabé mâki ba, wala Silas, witinka waitna pain aihwa kulkan ba wan muihni nani tilara.

Apastil Nani Sturka 15:35

Pal bara Bernabé wal sin Antíoco ra ban takaskan. Upla wala nani aikuki, witin nani mita upla nani ra Dawan sturka yamni ba smalki, kupia krauki kan.

Apastil Nani Sturka 15:6

Apastil nani bara serts tâ uplika nani aikuki asla taki banhwan, baha lâka ba dukiara tânka plikaia.

Apastil Nani Sturka 2:1

Pentikus yua balan ba ra, lalukra nani sut plis kumi ra asla takan kan.

Apastil Nani Sturka 2:46

Yu bani witin nani tempel ra asla taki kan, bara utla bani ra asla taki, liliakira ai kupia kumi lâka ra ai pata pi kan.

Roman 16:12

Laikula wis Trifena ra bara Trifosa ra sin, witin nani Dawan warkka taki ba. Wan lakra Pérside ra laikula wis, witin uya pali Dawan warkka daukan.

1 Korint 1:10

Muihki nani, wan Dawan Jisas Kraist nina ra man nani ra makabisni: diara nani aisisma ba mapa ra aikuki kupia kumi asla taks, bara baku mika, man nani tilamra dakwi takan lâka nani âpu kabia; sut aikuki asla pali banhwi bas, kupiam lukanka kumi brih, bara dîa daukaia lukisma ba mapa ra sin kumi kaia.

Galesha 2:9

Baha mita, Jems, Pita bara Jan, naha nani na serts playka tara nani kulkan ba mita kaikan, Gâd naha warkka yamni na aikan, bara witin nani bui yang Bernabé wal ra ai mihta nani aiki mihti nani sihban. Naha daukan pana pana kupia kumi kaia tânka, bara aitani lukan yang nani na Ju apia uplika nani tilara wih wark taki kamna, bara witin nani lika Ju nani tilara wark taki kaia.

Epesus 6:21

Wan muihni latwankira Tíquico, witin lika Dawan warkka dadaukra painkira pali sa, bamna witin mita yang tâinka na bara dîa daukisna ba sut mai wibia.

Kolosi 4:7

Bamna wan muihni latwankira Tíquico, witinka lika wark dadaukra painkira kan, bara yang wal Dawan dukia daukan ba mita yang tâinka nani sut pali witin mita man nani ra mai wibia.

Kolosi 4:9

Witin ba wal wan muihni latwankira bara kasakkira Onésimo sin auya; witinka lika man nani tilam pali wina sa. Dîa dîa nahara taki ba sut witin nani mita mai wibia.

Pilimon 1:16

alba baku lika apia, kuna alba wal kau pain kulkan lâka ra, baha tânka lika, wan muihni latwankira baku lâka ra. Yang bui witin ra uya latwan kaikisna, kuna man pali bui lika kau latwan kaikaia sma, alba baku baman apia, kuna Dawan lâka ra wan muihni baku.

2 Pita 3:15

Bamna luki bas, wan Dawan yawan aikuki wihka bîla kaiki ba lika, yawan sut swaki wan sakaia dukiara sa. Baku sin wan muihni latwankira Pal sin man nani ra ulban sa, Gâd mita sins lâka yan ba tânka kat.