Apastil Nani Sturka 15:20 - DAWAN BÎLA AISKA

²⁰ Aitani kabia yawan baha nani ra ulbi maisa pakaia, aidul ra sakripais daukan pata sâtka kumi sin pibia apia, baha tâski bamna. Bara upla kumi marit takras kira ai maya briaia apia sa, daiwan katwi pruan nani wîna ba pibia apia, tâlia sin apia.

Apastil Nani Sturka 15:20 ပူးပေါင်းရင်းမြစ်များ

Blasi Sturka 35:2

Jekob ai taya nani sut witin wal tauki nani ba ra win: —Tringsar gâdka nani sut man nani brisma ba, man nani tilam wina saki lulks, bara aihtabi taki kwala wala dims.

Blasi Sturka 9:4

Sakuna wîna tala bri nani ba, man nani pima apia, kan tala ba sika upla rayaka sa bamna.

Impakan Sturka 20:23

Man nani lika gâd bahki nani dauki bripara gul bara silbar ni paski, bahara kaiki yang ra baku man nani mayunpara.

Isikiel 33:25

Baku bamna, wis: ‘Dawan ba naku wisa: Man nani wîna tala wal pisma, aidul ra mayunisma, upla ikisma, ¿bara lukisma kuntri dawanka kaia?

Isikiel 4:14

Bara yang bui witin ra wîri: “Sakuna, Dawan, yang rayaki aiska ra plun tâski nani piras katna. Aima kumi sin daiwan yakan pruan nani wîna piras katna, apia kaka daiwan wail nani mita ikan sin piras katna. Aima kumi sin wîna tâski nani pih kaikras sna.”

Daniel 1:8

Sakuna Daniel lukan king pata dauki ba wina pi, wainka dauki ba sin di tâski takaia apia, bara Aspenaz makaban witin ra taibi munaia apia, king pata bara wainka ba wina piaia bara diaia.

Libait Lâka 18:6

“Waitna kum sin ai taya mairin ba, ai mairka bribia apia. Yang sika Dawan.

Libait Lâka 19:26

“Wîna ba tâlia ba wal ban pipara. “Yapi smaya kaikaia bara yu wala dîa takaia ba wiaia warkka daukpara.

Libait Lâka 3:17

“Naha lâka daukan na, aisika nani ba tawi ai luhpia nani ra smalki ban kabia, ai piua sut ra. Ani anira man nani wih iwma ba ra, man nani daiwan tâlia bara batanka ba pipara.”

Kulki Kaikanka 25:2

Mairka nani ba mita witin nani ra paiwan ai gâdka nani ra sakripais dauki yaban piua ra. Bara Israel luhpia nani ba sin baha pata ba pih, Moab uplika nani gâdka ra bawi ai pura suni mayuni banhwi kan.

Apastil Nani Sturka 15:29

daiwan wîna aidul nani ra sakripais daukan ba lika pipara, tâlia ba sin apia, daiwan nani langki ikan wîna ba sin apia, bara upla kumi marit takras kaka ai maya ba briaia apia sa. Naha diara nani alki brima kaka, man nani pain daukisma. Bara yamni wama.”

Apastil Nani Sturka 21:25

Sakuna Ju apia nani kasak lukan lâka alkan ba dukiara lika yang na lâ daukri ba pat ulbri sa: gâd bahki nani ra sakripais daukan wîna ba piaia apia, tala sin apia, daiwan katwi pruan wîna ba sin piaia apia, bara upla kum marit takras kaka ai maya ba briaia apia sa.

1 Korint 5:11

Yang wiaia lukri tânka ba lika naha: upla kum wan muihni wisa, sakuna tâski lâka daukisa, gridikira sa, aidul nani ra ai pura suni mayunisa, upla dusa kakuhbra sa, rum dadira sa, âimplikra kaka sin, witin wal taukpara. Bahmuna uplika wal iwi plun sin piaia apia sma.

1 Korint 6:13

Upla wala kum bila wibia: “Plun ba wan biara dukia sa, bara wan biara ba plun dukia.” Kasak, sakuna Gâd mita dukia wâlsut ba sauhki tikbia. Upla wîna tara ba tâski lâka daukaia dukiara lika apia sa, sakuna Dawan dukia mika; bara Dawan ba wan wîna tara dukia sa.

1 Korint 6:18

Baku bamna, tâski lâka wina man nani plaps. Saurka wala nani upla tila dauki ba, ai wîna tara lata tani ra daukisa; sakuna ai maya briras tâski lâka dauki uplika ba, ai wîna tara mapara saura daukisa.

1 Korint 6:9

¿Man nani kaikras sma ki, taniskira nani ba, Gâd king aimaki ba lâka ra ai dukia bribia apia? ¡Baku bamna, man nani aimawahkpara! Kan ai maya takras tâski lâka dauki ba, aidul nani ra ai pura suni mayuni banhwi ba, marit lâka sasauhkra nani ba, waitna nani ai tahkia wal tâski lâka dauki nani ba, âimplikra nani ba, gridikira nani ba, bla tatakra nani ba, upla dusa kakuhbra nani ba, upla dukia dadakbra nani ba sut sin, Gâd king aimaki ba lâka ra ai dukia bribia apia.

1 Korint 7:2

sakuna rug lâka bâra ba mita, waitna bani ai maya mairin bri kaia sa, bara mairin bani sin ai maya waitna bri kaia.

1 Korint 8:1

Bara nanara, aidul nani ra sakripais dauki yan pata ba tânka aisisni. Kasak sa baha aisi ba: yawan sut tânka brisa; baha tânka kaikaia lâka ba wan munisa yawan na tara sa, sakuna latwan lâka mita lika spirit tani wankan pâwisa.

2 Korint 12:21

Sibri sna kli balamna ba ra, Gâdki mita man nani dukiamra ai munka swiri takamna, bara ai munka upla manis dukiara inamna pat piua wihka saura daukisa sakuna tâski lâka ba sip swiras ba dukiara, waitna mairin wal marit âpu kira briaia lâka bara lâ saura lan takan ba dauki ban ba dukiara sin.

Galesha 5:19

Karna apia sa ya nani wan wîna tara brinka warkka saura nani nina bliki ba: marit takras kira upla ai maya briaia lâka ba, tâski lâka daukaia, brinka saura nani lihkaia,

Epesus 5:3

Man nani ba Gâd uplika sma ba mita, rug lâka ba nina mâkaia apia sma, tâski lâka wala nani kra, gridi lâka kabia sin apia.

Kli Smalkanka 12:16

Sakuna tâlia ba piaia apia sma, kuna lî baku tasba ra laiks.

Kli Smalkanka 14:21

“Man nani ba tawan uplika kum, yamni mai kulkan sa Dawan Gâd dukiara; daiwan pruan kaka, kumi sin man nani pipara, sakuna upla tringsar nani man tawankam ra iwi nani ba ra yabaia sip sma, witin lika piaia sip sa. Bara tringsar nani impaki ba ra sin atkaia sip sma. “Guts luhpia ai yapti tialka laya ra ba pipara.

Kli Smalkanka 15:23

Sakuna ai tâlia lika pipara, tâlia ba tasba ra lî baku laiks.

Kolosi 3:5

Baku bamna, naha tasba tânka nani man nani wînam ra bâra ba, yas prubia: upla kumi sin marit takras ni, ai maya briaia apia sa; diara tâski nani sin daukaia apia, kli sin ai brinka saura nani, bara rug lâka nani nina bliki taukaia apia sa, gridikira kaia sin apia sa. Kan baha diara nani daukaia ba lika, aidul nani ra wan pura sunaia tânka wal kumi sa.

1 Tesalonaika 4:3

Man nani wina Gâd diara want ba naha sika: witin ai dukia nani kama, bara ya marit takras kaka, ai maya briaia apia sa.

Hibru Nani 12:16

Man nani wina kumi sin marit apia kaka, ai maya bribiara, bara diara holikira ba sin bahki baku kulkbiara; kan Isau sika baku daukan ba, plun plit kum mana witin tawahkia kan lâka ba atkan wan.

Hibru Nani 13:4

Upla sut mita marit lâka ba pain pali kulki kabia, bara marit waitna nani ba ai maya mairin wal sunu kasak kaia sa. Marit takras si tâski lâka dauki nani ba bara marit lâka sasauhkra nani ba sin, Gâd mita lâka daukbia.

1 Pita 4:3

Kan piua nani ailal luan ra idan nani dîa daukan ba, sim dukia man nani dauki kapram, baku bamna saura daukaia laik taki ba ra iwi kapram, brinka saura nani ra, bla lâka ra bara pata pira binka nani ra, diranka kum ailal pali, bara aidul tâski nani ra sakahkram.

Param Marikanka 10:2

Ai mihta ra wauhkataya sirpi blakan kum ilingki bri kan; bara ai mina aihkika ba kabu purara mangkan, bara ai mina smihka ba lika sauhka purara bri kan.

Param Marikanka 10:8

Baha bîla baikra kasbrika pura wina aisi kan walri, yang ra kli aisin bara ai win: “Was, baha insalka kabu purara bara sauhka ra bûi ba mihta ra baha wauhkataya lupia ulbi karbi swin kan ba ilingki bri ba bris.”

Param Marikanka 2:14

Sakuna man mampara diara nani brisna: Pergamum ra Balaam smalkanka nina bliki ba tila nani bâra sa; Balaam mita sika Balac ra smalki win, Israel luhpia nani ra yaka saura daukbia, aidul nani ra sakripais daukan nani ba pih, bara rug lâka sin daukaia.

Param Marikanka 2:20

Sakuna mampara diara kum brisna: baha mairka Jezabel wi ba man mita ban brisma, bara witin wisa Gâd prapitka kum sa. Ai smalkanka ni duki dadaukra nani ra kunin munisa rug lâka daukbia wisi, bara aidul nani ra sakripais daukan dukia nani sin pibia wisa.

Param Marikanka 9:20

Bara upla wala nani baha pâtka saura nani mita ikras kan ba, ai kupia lakras, diara saura nani dauki kan ba sin swiras, lasa nani ra ai pura suni mayuni kan ba gul ni, silbar ni, gul ni, walpa ni, dus ni paskan nani ra ai pura suni mayuni kan ba sin swiras, baha nani sip aisaras bara sip kaikras, sip walras, sip sin wapras ba.

1 Samuil 14:32

bara ai waihla nani wina dukia nani dakban ba ban prak alkan, ai kupia âpu, sîp nani, bîp nani bara bîp luhpia nani ba alki nana dakbi wîna ba raya, tâlia wal ban pin.

1 Samuil 14:33

Sakuna tila upla Saúl ra wih win: —Upla nani ba Dawan mapara saura daukisa, wîna raya tala wal ban pîsa. Bara Saúl pana win: —¡Man nani lika upla pâtkas ra pât dadingkra nani sma! Walpa tara kum karbi na kat bri bal.