Apastil Nani Sturka 15:18 - DAWAN BÎLA AISKA

¹⁸ Dawan naku wisa, witinka naha diara nani ban patitara piua ba wina swin ba kaikan.’

Apastil Nani Sturka 15:18 ပူးပေါင်းရင်းမြစ်များ

Aiseya 44:7

¿Ya wala yang wal baku bâra sa? Witin aisi tânka param saki ai wibia. ¿Ya sip kan upla ra wiaia, blasi pali ra bâra kan ba, bara naika ra kli dîa takaia ba aisaia?

Aiseya 45:21

Man nani baku pana pana aisaia want sma kaka, aisi banhs dîa muni ba wis, pana pana makabi wals: ¿Ya mita blasi wina naha sturka na kaiki dahra aisan? ¿Kan pali piu ba wina sturka nani ba ya aisi kaia? ¿Yang Dawan aisi katna apia? Bara Gâd wala kum âpu sa yang wina tnaya ra. Yang tnaiya ra Gâd wala âpu sa pura lalura, swaki sasakra ba.

Emus 9:12

Baha mita Edom uplika nani kau swin kabia ba, nisan wala nani yang duki kulkan nani ba sut, Israel luhpia nani kli ai dukia bribia.” Dawan witin aisin ba, baku daukbia.

Sakaraya 14:7

Baha yua ba aihka pali kabia, Dawan baman baha tânka kaikisa. Baha piua ra kakna wih tihmia wal aihka aihka apia, kumi ra kabia, kan ingni ba tihmia ra ban ingwi kabia.

Kulki Kaikanka 23:19

Dawan ba lika upla baku apia sa: witin kunin aisaras, witin dîa lukan ba sip lakras sa. Witin dîa daukaia aisi ba daukisa. Pramis daukan kaka, witin ai pramiska daukaia win ba kat daukisa.

Matiu 13:35

Naha na baku prapit aisan ba bîla kat aimakbia dukiara sa: “Maprika lilka bâk aisamna; Gâd tasba na paskan piua wina diara nani yukuwan ra ba wimna.”

Matiu 25:34

Bara King ba ai aihkika ra nani ba ra wibia: ‘Bal, man nani, Aisiki mita yamni mai munan nani sma ba; king tasbaya na man nani dukiam wisi Gâd tasba paskan wina ridi dauki ban bri ba, bri banhs.

Apastil Nani Sturka 17:26

‘‘Waitna kumi wina baman witin bui nisan nani sut paskan, baha nani ba tasba aiska ra iwbia dukiara; bamna piua ba bara anira witin nani iwaia ba sin marikan sa,

Epesus 1:11

Bamna yawan Kraist wal asla takan ba mita, Gâd mita kaina piua wina bâk saki wan brin, diara witin yaia ba wina wan dukia bribia; bara naha sut na lika Gâd bui dîa daukaia lukan ba kat sika, dîa witin pain kaiki ba baman dauki ba.

Epesus 1:4

Tasba na kau paskras kan ba piua wina, Gâd pat Kraist ra wan praki bâk saki wan brin, witin ai mawanra kaia ai uplika takaia pâtkas kaia, ai latwanka lâka ba mita.

Epesus 3:9

Bara adar sin aikan upla sut yarka kaikbia, Gâd patitara piua wina diara yukuki bri kan ba dîa kata sapa, witinka sika diara nani sut paskan ba.

2 Tesalonaika 2:13

Muihki nani, Dawan mita latwan mai kaikan ba, yang nani lika piu bani man nani dukiamra Gâd ra tingki wiaia sna, kan patitara piua wina, Gâd mita bâk mai sakan sa, man nani pas sika swak takan lâka briaisma ba, Spirit Holikira karnika bâk Gâd uplika pali mai daukbia, bara kasak tânka ra kasak lukram ba mita sin.

1 Pita 1:20

Kraist lika Gâd mita kau tasba paskras kan wina naha dukia mata bâk saki brin kata; kuna naha piua nani tnata ra, witin latan takan man nani painkam ba dukiara.

Param Marikanka 13:8

Tasba paskan piua wina, Sîp Luhpia ikan ba raya kaia wauhkataya ba ra nina ulbras uplika nani tasba ra ba baha nani baman, baha daiwra saura ra mayunbia.

Param Marikanka 17:8

Bara daiwra saura kaikram ba lika pas piua raya iwi kan, sakuna nanara âpu sa; ban sakuna, witin ba tihu tara ba wina uli balbia ai pruanka tnata pali ba ra waia kainara. Tasba ra iwi uplika nani, tasba paskan wina kau ai nina nani raya kaia wauhkataya ra ulbi mangkras ba, daiwan saura na kaikbia ba ra, aihka pali lukbia. Kan baha ba kanra raya kata, bara nanara lika âpu sa, sakuna witin kli balbia.