Apastil Nani Sturka 15:11 - DAWAN BÎLA AISKA

¹¹ Sip apia pali. Kan yawan nani kasak lukisa, swaki wan sakan lâka bri na lika, Dawan Jisas kupia latwanka ba mita, bara baku sin Ju apia nani ba mapara sin.

Apastil Nani Sturka 15:11 ပူးပေါင်းရင်းမြစ်များ

Roman 3:24

Kuna Gâd ai latwanka tara ba mita, ban mana âpu kira baha nani ba kasakkira kulkan sa, kan Kraist Jisas bâk upla sut swaki sakan sa.

Roman 5:15

Bamna Adam swakwanka ba sip apia sa, Gâd prisant wanki dukia ba wal prakaia. Upla kum swakwanka ba mita upla ailal pruan; sakuna swaki sakan lâka Gâd mita mana âpu wanki ba upla kumi bâk, naha sika Jisas Kraist, baha ba lika kau tara pali sa bara upla ailal mapa ra sin hilp kum.

Roman 6:23

Saurka ba mita mana baku wanki ba lika prura, sakuna Gâd wina prisantka ba lika, raya ban kaia lâka Kraist Jisas wan Dawan wal asla.

1 Korint 16:23

Dawan Jisas Kraist mita man nani ra yamni mai munbia.

2 Korint 8:9

Man nani lika wan Dawan Jisas Kraist latwanka lâka tânka ba pat kaikisma. Witin lika yuyakira pali kan, kuna man nani ra latwan mai kaikan ba mita witin umpira pali takan, bara witin umpira takan man nani yuyakira kama ba dukiara.

Galesha 1:6

Yang lika man nani dukiamra uya aihka pali lukisna, kan man nani lika swaki sakan lâka smalkanka sât wala kum wali, pat pali Gâd ba swisma bamna; bara Gâd sika Kraist latwanka ra luki man nani mai paiwan ba.

Galesha 2:16

Ban sakuna, yawan pain kaiki, Moses lâka wan wi ba kat dauki mita baman Gâd mawanra sip kasakkira wan kulkras sa, Jisas Kraist ra kasak luki ba mita lika. Baha mita, yang nani sin Jisas Kraist ra kasak luki banhri, naha kasak lukan lâka mita kasakkira ai kulkan kaia dukiara, lâ mita dîa ai wi ba kat dauki banhri ba mita lika apia. Kan lâ bîla wali dauki ba dukiara baman upla kumi sin, Gâd mawanra kasakkira kulkan kabia apia.

Taitus 2:11

Kan Gâd ai kupia yamni tânka ba wan marikan sa, bara upla sut ra swaki sakan lâka brih balisa.

Param Marikanka 5:9

Witin nani naha lawana raya na aiwani kan: “Man lika wauhkataya ba briaia bara sîl nani ba krikaia sin aitani sip sma. Kan man lika mai ikan kata, bara tâliam ni yang nani na Gâd luhpia nani wisi wan atkram, taya sâtka bani wina, bîla sât aisi ba wina, nisan sâtka bani wina sin.