Apastil Nani Sturka 15:10 - DAWAN BÎLA AISKA

¹⁰ Bara nanara, ¿dîa kan man nani lika Gâd diara daukan ba mapara aihka lukisma, ban naha lalukra nani ra yarka karban wirha twilkaia munisma, baha karbanka yawan bara wan damika nani sin sip twilkras kan ba?

Apastil Nani Sturka 15:10 ပူးပေါင်းရင်းမြစ်များ

Impakan Sturka 17:2

Upla nani ba kli Moses ra ini aisin: —Yang nani lî diaia aik. Moses pana win: —¿Man nani dîa muni yang ra inisma? ¿Dîa muni Gâd traika kaikisma?

Aiseya 7:12

Bara Ahaz pana win: “Sain kum kaikaia makabamna apia, Dawan ra traika kaikamna apia.”

Matiu 23:4

Witin nani karban wirha nani wilki, upla nani pahpaya ra sunisa, bara baha twilkaia ba karna pali sa, sakuna witin nani lika ai mihta sirpi kumi ni sin kangban daukras.

Matiu 4:7

Jisas bila witin ra: —Ulbanka ra sin wisa: ‘Man bui Dawan Gâdkam ra traika kaikpara.’

Apastil Nani Sturka 5:9

Pita bila: —¿Dîa kan man mayam wal lâmka dauki Dawan Spiritka ra traika kaikisma? Kaiks, mayam bri si bikan wahmika nani ba lata wina dimi aula, bara man sin mai brih taki wabia.

Galesha 4:9

Sakuna nanara Gâd kakaira takram na ra, apia kaka kau param wiaia, Gâd sin man nani mai kakaira takan na ra, ¿nahki baha karnika swapni bara umpira nani kata ba ra kli tawi alkma, baha nani albika kli takaia wisi?

Galesha 5:1

Bamna yawan pri kabia wisi, Kraist mita pri wan sakan. Baku bamna baha pri lâka ba kat ban bapi bûi bas, bara kli sin alba lâka twilkaika ra kapara.

Hibru Nani 3:9

Bahara man nani damikam nani mita traiki kaikan, 40 mani yang diara nani daukri ba, witin nani kaikan sakuna.

Hibru Nani 9:9

Naha dukia sut na lika naha piua nani dukiara lilka kum baku sa. Tânka ba lika wisa, bahara prisant nani bara sakripais nani sin Gâd ra yabi ba, baha nani ai pura suni mayuni kupia nani ba sip kasak aihwa daukras sa.