Apastil Nani Sturka 15:1 - DAWAN BÎLA AISKA

¹ Baha piua ra tila upla nani Judia wina Antíoco ra balan. Baha nani mita wan muihni nani ra naku smalkan: swaki sakan lâka ba briaia kaka, Aisa sainka ba ai wîna ra briaia, Moses lâ yan ba kat.

Apastil Nani Sturka 15:1 ပူးပေါင်းရင်းမြစ်များ

Libait Lâka 12:3

Tuktan aisuban ba wina yu 8 alkbia ba ra, Aisa sainka daukbia.

Jan 7:22

Sakuna Moses bui man nani ra adar maikan, luhpiam waitna nani ra Aisa sainka daukaia (witin pali mita baha ba tâ krikras, kuna ai damika nani mita), bara baha mita man nani luhpiam waitna bani ra, Aisa sainka daukisma ris yua kabia kra.

Apastil Nani Sturka 1:15

Baha yua nani kum ra, Pita lika wan muihni nani lilapas kat buan. Upla nani asla bâra kan ba lika 120 baku kan. Witin bila baha nani ra:

Apastil Nani Sturka 15:22

Bamna apastil nani bara tâ uplika nani, bara serts aiska ba wilin takan, witin nani ai tila wina upla tila nani saki Antíoco kat blikaia, Pal bara Bernabé aikuki. Witin nani sakan ba lika Judas, nina wala Bernabé mâki ba, wala Silas, witinka waitna pain aihwa kulkan ba wan muihni nani tilara.

Apastil Nani Sturka 15:23

Bara witin nani baha nani wal wauhkataya kum blikan, bahara naku ulban kan: “Yang nani apastil bara serts tâ uplika nani, bara wan muihni nani sut ba mita, Ju apia nani sma ba ra lakula mai blikisna, muihni nani lâka ra, man nani sut Antíoco ra iwisma ba, Siria ra, Cilicia tasbaya ra sin.

Apastil Nani Sturka 15:24

Yang nani tânka briri tila upla nani adar yaras katna ba, naha wina taki man nani ra wan; bara witin nani bui man nani ra aisi ba mita ambuk mai muni mamwahkan.

Apastil Nani Sturka 15:3

Antíoco sertska uplika nani mita witin nani ba blikan, bara ai impakanka ba brin. Bara ban Fenicia bara Sameria tasbaya nani bâk maisa paki wan, nahki Ju apia nani ai lukanka almuk nani ba lulki si, Dawan nina blikan ba tânka. Wan muihni nani naha sturka walan ba ra, uya lilia pali takan.

Apastil Nani Sturka 15:32

Judas bara Silas wal sin sip pali kan Dawan wina kupia kraukanka pain brin ba baha nani ra yaia, bamna ai bîla nani aisi wan muihni nani ra maisa nihkan, kupia sin uya tâ baikan.

Apastil Nani Sturka 15:5

Parisi daknika wina, tila nani kasak luki banhwan nani ba, ai mina ra bûi, naku aisin: —Ju apia nani kasak luki banhwi ba sut, ai wîna ra Aisa sainka ba briaia sa, Moses lâ nani wankan ba sin kulkaia sa.

Apastil Nani Sturka 21:20

Baha nani ba naha diara nani na walan ba ra, Gâd ra mayunan. Ningkara, witin nani Pal ra win: —Muihki, man sin kaikisma nahki Ju nani tausin ailal kasak lukan sa, witin nani sut wisa, Moses lâka ba kulkaia sa.

Apastil Nani Sturka 6:14

Yang nani sin walri witin aisi kan, baha Jisas Nasaret wina ba mita naha tempelka na sauhkbia, bara Moses lâ nani wankan ba sin aihka lakbia.

Galesha 2:1

Bamna 14 mani luan ningkara, kli Jerusalem ra wari Bernabé wal, baha piua Taitus sin yang wal brih wari.

Galesha 5:6

Bara yawan Kraist Jisas wal asla sa kaka, Aisa sainka bribia, apia kaka briras kabia sin, sut ba bahki sa. Kasak lukan lâka briaia ba lika kau pain sa, bara kasak lukanka lâka mita sika upla sut aikuki latwan iwaia tânka wanki ba.

Galesha 6:12

Baha nani mita mai priski lâka ra Aisa sainka daukaia mai muni ba, witin nani baha daukisa upla nani wal pain kaia dukiara baman, bara Kraist dusa prihni tâwan rausauhkan kabia apia dukiara.

Kolosi 2:16

Bamna, upla kumi mita sin yarka lâmka aisi daukbiara, plun pisma, apia kaka diara disma ba dukiara, lilia yua nani kulkaia dukiara kra, kati raya, apia kaka ris yua nani sin dukiara.

Kolosi 2:8

Man nani aman kaiki bas: Upla nani kunin baman diara bahki aisi ba mita yarka kunin mai muni mai brih wabiara; kan baha nani ba Kraist ra ai tâ baikras sa, sakuna upla iwanka lâka kat bara naha tasba lâka karnika baman ra wataukisa.