Apastil Nani Sturka 14:5 - DAWAN BÎLA AISKA

⁵ Ju nani bara Ju apia nani ba wihta nani aikuki lâ daukan, apastil nani ra rausauhkaia bara walpa ni sin sabaia.

Apastil Nani Sturka 14:5 ပူးပေါင်းရင်းမြစ်များ

Lawana Nani 83:5

Witin nani lâ kum daukan, man mampara, uplika nani sut ba kumi baku taki:

Matiu 5:44

Sakuna, nanara yang mai wisna: Waihlam nani ra latwan kaiki bas bara rau mai sauhki nani dukiara sin puram suns.

Luk 6:28

lamhtubi nani ra pana yamni muns, swiram dauki nani ba dukiara puram suns.

Apastil Nani Sturka 13:45

Sakuna Ju nani kaikan nahki upla ailal aidruban kan ba, bara mahka tumi banhwan, Pal mapara sin aisi, saura sin win.

Apastil Nani Sturka 13:50

Bara Ju nani mita baha tawanka ra tâ bri waitnika nani ra, bara tara kulkan mairka nani ba sut wal aisin. Bara witin nani sut buan Pal bara Bernabé wal mapara rausauhkaia, bara kuntri ba wina sin kangbaia.

Apastil Nani Sturka 14:19

Bara tila Ju nani aidrubi balan Antíoco wina, Iconio wina sin. Witin nani lika upla nani ra maisa kapi muni, Pal ra walpa ni saban. Witin nani luki banhwan Pal ba pruan kan, bamna tawan ba wina raski sakan.

Apastil Nani Sturka 14:2

Sakuna tila Ju nani kasak lukras kan ba mita, Ju apia nani ra maisa pakan, wan muihni nani mapara saura lukaia.

Apastil Nani Sturka 14:4

Bara tawan uplika nani ba dakni wâl ra takan, kumi ba Ju nani hilpka taki kan, bara wala ba lika apastil nani hilpka.

Apastil Nani Sturka 17:5

Sakuna Ju nani kasak lukras kan ba mita ai kupia baikan, bara waitna saura nani bahki baman yabal ra kirhbi tauki nani ba, asla paiwi, upla nani kupia turban. Witin nani mita Jasón watla ra pliki wan, Pal bara Silas wal bâra kaka, saki upla nani mihta ra mangkaia.

2 Korint 11:26

Yang impakanka ailal briri bara baha piua nani ra trabil manis wal sin prawri, awala nani ra, âimplikra nani wal trabil briri bara kuntrika uplika nani tilara, bara Ju apia nani tilara sin. Baku sin trabil nani wal prawri tawan nani ra, twi ra, kabu ra, bara ban sin muihki kuninkira nani tilara.

1 Tesalonaika 2:14

Muihki nani, Gâd sertska nani Judia ra takan ba baku, man nani ra sim sât mai takan, Kraist Jisas tânka nani ba. Man nani ba kuntrikam uplika nani mita ninam bliki rau mai sauhkan, witin nani ra ai kuntrika uplika Ju nani mita nina bliki, rausauhkan ba baku.

1 Tesalonaika 2:16

Ju apia nani ba ra sin yang nani aisaia lukri, witin nani sin swaki sakan kaia mata, sakuna witin nani bui yang nani ai swin aisaras. Bara baku natka ra witin nani saura daukan ba kau tara daukan. Sakuna nanara lâs kat, klala saura pali ba Gâd wina witin nani purara balan sa.

1 Tesalonaika 2:2

Man nani pain kaikisma, yang nani na pat kanra Pilipai tawanka ra nahki saura ai wisata bara nahki sin rau ai sauhkata ba, Tesalonaika ra balras katna ba ra. Baku ai muni banhwan, ban sakuna, Gâd mita yang nani ra hilp ai munan ai sturka yamni ba sibrin âpu mai smalki banhwamna dukiara, aiklabanka karna tilara.

2 Timoti 3:11

nini bliki rau ai sauhkan ba bara pât wauhri ba sin. Man pain kaikisma diara nani yang ra takan ba Antíoco tawanka ra, Iconio ra bara Listra ra sin, bara rausauhkanka tara nani wauhri ba sin; sakuna Dawan baha sut wina dakbi ai sakan.