Apastil Nani Sturka 13:45 - DAWAN BÎLA AISKA

⁴⁵ Sakuna Ju nani kaikan nahki upla ailal aidruban kan ba, bara mahka tumi banhwan, Pal mapara sin aisi, saura sin win.

Apastil Nani Sturka 13:45 ပူးပေါင်းရင်းမြစ်များ

Blasi Sturka 37:11

Bara ai muihni nani lika witin ra tumi kan, sakuna ai aisika lika, baha tânka kaiki aisin ba dukiara uya luki kaiki kan.

Smasmalkra 4:4

Kaikri wark ailal takaia ba, bara nahki taki ba, bisnis uplika kum wala ra tuman lâka brih aula, bara baha sin bahki sa, pâsa ra alkaia baku.

Aiseya 26:11

Dawan, man upla nani klala yabaia ridi sma, sakuna witin nani baha kaikaia brin daukras; man upla nani ra latwan kaikisma ba ra, witin nani lawaska kakikra takisa. ¡Man kupiam baiwanka pata klauhi mita, angki tikaia pan si!

Kulki Kaikanka 11:29

Bara Moses pana win: —¿Man bui yang tâiwan lawisma ki? Aitani kaia kan upla sut ba Dawan prapitka kata, Dawan spiritka ba witin nani sut purara kahban kan sa kaka.

Matiu 23:13

“¡Lâ Smasmalkra nani bara parisi nani, kuninkira nani, man nani mampara saura pali kabia! Kan man nani kasbrika purara ba Kingka aimaki lâka durka ba prakisma, upla wala nani dimbia apia dukiara. Man nani pali sin dimras, upla wala nani diman dauki ba sin yabram dimras.

Matiu 27:18

Kan Pailat kaikan Jisas ra tuman brih banhwi kan ba mita sika ai mihta ra mangkan ba.

Apastil Nani Sturka 13:50

Bara Ju nani mita baha tawanka ra tâ bri waitnika nani ra, bara tara kulkan mairka nani ba sut wal aisin. Bara witin nani sut buan Pal bara Bernabé wal mapara rausauhkaia, bara kuntri ba wina sin kangbaia.

Apastil Nani Sturka 14:19

Bara tila Ju nani aidrubi balan Antíoco wina, Iconio wina sin. Witin nani lika upla nani ra maisa kapi muni, Pal ra walpa ni saban. Witin nani luki banhwan Pal ba pruan kan, bamna tawan ba wina raski sakan.

Apastil Nani Sturka 14:2

Sakuna tila Ju nani kasak lukras kan ba mita, Ju apia nani ra maisa pakan, wan muihni nani mapara saura lukaia.

Apastil Nani Sturka 14:4

Bara tawan uplika nani ba dakni wâl ra takan, kumi ba Ju nani hilpka taki kan, bara wala ba lika apastil nani hilpka.

Apastil Nani Sturka 14:5

Ju nani bara Ju apia nani ba wihta nani aikuki lâ daukan, apastil nani ra rausauhkaia bara walpa ni sin sabaia.

Apastil Nani Sturka 17:5

Sakuna Ju nani kasak lukras kan ba mita ai kupia baikan, bara waitna saura nani bahki baman yabal ra kirhbi tauki nani ba, asla paiwi, upla nani kupia turban. Witin nani mita Jasón watla ra pliki wan, Pal bara Silas wal bâra kaka, saki upla nani mihta ra mangkaia.

Apastil Nani Sturka 18:6

Sakuna witin nani mahka pali bûi, witin mapara swira bîla nani aisin. Bara Pal ai kwalka singbi sain kum yan, nahki witin nani tila wina taki auya ba, bara sin win: —Man nani tanis tiwma kaka, baha lika man nani pali pâtkam sa, yang laila purara baha pâtka âpu sa. Bamna naiwa na wina yang lika Ju apia nani tilara auna.

Apastil Nani Sturka 19:9

Sakuna tila nani ai kupia karna daukan, kasak sin lukan daukras kan, kau ni upla nani mawanra sturi yamni ba mapara saura ni aisin. Bara Pal baha nani swi si, kristian nani ba Tirano skulka watla ra brih wan; bahara witin yu bani aisi kan.

Apastil Nani Sturka 5:17

Sakuna prîs tara bara sadiusi uplika nani sut apastil nani ra tuman lâka brin.

Roman 1:29

Rausauhkan lâka sâtka nani sut ba ni banhwan sa lâ saura nani, gridi lâka bara lukanka saura, tuman lâka bri nani, upla âikra, unsasabra, kunin mamunra nani, saura dadaukra, bara upla nina aisasara.

1 Korint 3:3

man nani ba naha tasba uplika nani baku, kau ban raya iwisma ba mita! Man nani tilamra tuman lâka bâra sa, bara pana pana walkam nani aikuki sin unsabi dakwi takisma kaka, tasba uplika nani sma, bara upla sut dauki dukia nani ba kau daukisma.

2 Korint 11:26

Yang impakanka ailal briri bara baha piua nani ra trabil manis wal sin prawri, awala nani ra, âimplikra nani wal trabil briri bara kuntrika uplika nani tilara, bara Ju apia nani tilara sin. Baku sin trabil nani wal prawri tawan nani ra, twi ra, kabu ra, bara ban sin muihki kuninkira nani tilara.

Galesha 5:21

Tuman lâka briaia, bla tatakra nani kaia, bîla maihsira kaia, diara wala bahmuna sâtka nani manis sin daukaia lâka. Piua luan ra mai smalkatna ba baku, kli mai smalkisni, ani uplika naha sât dukia nani dauki ba, Gâd king aimaki tasbaya ai dukia bribia apia.

1 Tesalonaika 2:16

Ju apia nani ba ra sin yang nani aisaia lukri, witin nani sin swaki sakan kaia mata, sakuna witin nani bui yang nani ai swin aisaras. Bara baku natka ra witin nani saura daukan ba kau tara daukan. Sakuna nanara lâs kat, klala saura pali ba Gâd wina witin nani purara balan sa.

2 Timoti 3:11

nini bliki rau ai sauhkan ba bara pât wauhri ba sin. Man pain kaikisma diara nani yang ra takan ba Antíoco tawanka ra, Iconio ra bara Listra ra sin, bara rausauhkanka tara nani wauhri ba sin; sakuna Dawan baha sut wina dakbi ai sakan.

Jems 4:5

Diara bâra ba mita Ulbanka ra wisa: “Gâd mita baha Spiritka wan tilara yan iwi ba ra, tâwan lawi latwan pali kaikisa.”

1 Pita 4:4

Nanara idan ba man nani bui witin nani ra baha taniska lâka kan uya dauki ai yula kahbras sma bamna, aihka lukisa, bara ba mita ninamra saura aisisa.

Judas 1:10

Sakuna naha uplika nani lika witin nani ai nakra kaikras ba dukiara saura aisisa; ai sinska ni dukia tânka pliki kaiki ba lika sim daiwan nani ai sinska âpu ni kaiki ba baku sa, bamna dukia nani yus muni ba lika, witin nani yakan âpu takaia dukiara sa.