Apastil Nani Sturka 13:42 - DAWAN BÎLA AISKA

⁴² Pal ai uplika nani aikuki Ju nani Ju nani priaska watla wina takan ba ra, Ju apia nani mita win, ris yua wala kli bal baha sturka yamni ba witin nani ra kli smalkbia.

Apastil Nani Sturka 13:42 ပူးပေါင်းရင်းမြစ်များ

Isikiel 3:6

Nisan nani bîla tihu, twisa karna aisi nani ba tilara mai blikras sna, man baha wali sip tânka briras kama ba. Ban sakuna, baha nani tilara waia mai blikri kata kaka, witin nani mai walaia kan.

Matiu 11:21

“¡Corazín tawanka, man mampara alai pali kabia! ¡Betsaida tawanka, man mampara sin alai pali kabia! Kan man nani tilamra sain aihka nani daukan baku Tiro bara Sidón tawanka ra sim baku daukan kaka, baha uplika nani pat ai kupia lakan kaia kan, bara latan marikaia kan sari kwalka dimi bara yamhpus sin aimaki.

Matiu 19:30

Sakuna upla ailal nanara tâura aimaki nani ba, ninara tawi banhbia; bara ailal nanara ninara banhwi ba, tâura tawi banhbia.

Matiu 9:18

Jisas witin nani ra kau naha dukia nani aisi kan ba ra, Ju wihtka kum bal ai mawan kat ai lula kriki, win: —Luhpi mairin bisiura pali pruan; sakuna man bal, ai purara mihtam kahma kaka, kli raya takbia.

Apastil Nani Sturka 10:33

Baha mita mahka blikri man mai plikaia, bamna man aitani pali balram. Nanara yang nani sut nahara banhwisni Gâd mawanra, man ra Dawan mita dîa maikka aisama ba walaia.

Apastil Nani Sturka 13:14

Witin nani Perge wina Antíoco tawanka ra balan, baha ba Pisidia kuntrika wal lamara sa. Bahara witin nani ris yua ra Ju nani priaska watla ra dimi iwan.

Apastil Nani Sturka 28:28

Man nani kaiki bas, nahki naiwa wina naha swaki sakan lâka na Gâd mita prisant baku yabisa Ju apia nani ra, bara baha nani mita lika pain walbia.