Apastil Nani Sturka 13:27 - DAWAN BÎLA AISKA

²⁷ Bamna baha nani Jerusalem ra iwi kan ba, ai wihtka nani sut aikuki Jisas ba ya sapa tânka briras kan, bara prapit nani wauhkataya wina ris yua bani Ju nani priaska watla aisi kaiki banhwi kan ba sin tânka briras kan. Baku mika Jisas pât ra lulki banhwan ba ra, prapit nani dîa aisin ba tnata alkan.

Apastil Nani Sturka 13:27 ပူးပေါင်းရင်းမြစ်များ

Blasi Sturka 50:20

Man nani bui yang ra saura ai munaia luki daukram, sakuna Gâd lika man nani lukankam saura ba wina diara yamni ra lakan ba naiwa man nani kaikisma. Yang na upla ailal rayaka ba swaki sakaia ai mangkan.

Matiu 22:29

Jisas pana aisin: —Man nani lika tanis mamwahkisma, man nani sin Ulbanka ba tânka briras, Gâd karnika ba sin kaikras sma ba mita.

Luk 22:34

Bamna Jisas bila: —Pita, yang mai wisna, man naiwa kau kalila wainhka aiwanras ba ra, aima yumhpa wima yang ai kaikras.

Luk 23:13

Bamna Pailat mita prîs tara nani, wihta nani bara upla nani sut asla paiwi,

Luk 24:20

Wan prîska tara nani bara wihta nani mita sin witin ba pruaia pâtka ra lakan, bamna witin nani bui Jisas ba dus prihni ra saban.

Jan 15:21

Naha diara sut yang tâiwan man nani ra mai munan kabia, kan naha tasba wina uplika nani mita, witinka yang ai blikan ba kakaira apia sa.

Jan 16:3

Baku daukan kabia, kan tasba wina uplika nani ba mita Aisiki ra kakaira apia sa, bara yang ra sin ai kakaira apia sa.

Jan 5:39

Man nani naha Ulbanka nani na, aman kaiki tânka laki kaikma kaka, baha ba wina raya ban kaia ba briaia lukma; ban sakuna, Ulbanka nani na sika, yang dukira aisisa,

Jan 8:28

Bamna Jisas baha nani ra win: —Man nani mita Upla Luhpia Waitna purara bukma, bâra mika kaikma “Yang sika, Yang sna” ba tânka, bara yang yakan lika daukras, Aisa ai smalkanka ba baman lika aisisni.

Apastil Nani Sturka 15:21

Bamna patitara piua ba wina tawan bani ra upla bâra sa, Moses lâka ba dukiara smalkisa, bara saba yua bani ra sin Ju nani priaska watla nani ra aisi kaikisa.

Apastil Nani Sturka 28:23

Bamna yu kumi mangki yan, bara baha yua ra upla ailal pali balan Pal takaski kan ba watla ra. Titan wina tutni kat baha nani ra aisin Gâd King aimaki Lâka ba dukiara. Bara Pal baku Jisas tânka aisi baha nani ba kupia lakaia muni kan, Moses lâka wina, bara prapit nani Ulbanka ba wina sin.

Apastil Nani Sturka 3:17

“Muihki nani, nanara yang tânka ba brisna, man nani wihtkam nani aikuki Jisas ikram ba lika, tânka briras katma dîa dauki katma sapa.

Roman 11:25

Muihki nani, Gâd daukanka dahra prakan ra bâra ba tânka brima brin ai daukisa, man nani ba sinskira sma lukaia apia dukiara: Tila Israel luhpia nani kupia karna takan ba, Israel apia nani ba sut Gâd ra brih balaia piua kum praiska baman dukiara sa.

1 Korint 2:8

Naha tasba wihtka nani wina kumi sin sinska lâka na tânka briras kata. Witin nani tânka na brin kan sa kaka, Dawan pranakira ba dus prihni ra sabaia apia kan.

2 Korint 3:14

Sakuna witin nani sip tânka briras kata. Bara naiwa kat baha tânka sip briras sa, lâ almuk wauhkataya aisi kaiki banhwi ba ra, baha sim mawan prakaia kwalka ba sakras ban bâra sa bamna; baha kwalka ba sip sa sakaia Kraist mita baman.

2 Korint 4:4

Witin nani sip kasak lukras sa, kan naha tasba gâdka ba mita sinska nakra ba blain daukan; Kraist pranakira smalkanka ingnika ba kaikbia sîa, witinka lika Gâd talia pali ba.

1 Timoti 1:13

Pas piua, witin mapara saura aisari, rausauhki kapri, bara saura sin muni kapri sakuna, witin mita ban yang ra naha sut ai daukan. Gâd mita umpira ai kaikan, kan baha piua yang na kau lalukra apia katna; bara dîa dauki kapri ba sin kaikras kapri.