Apastil Nani Sturka 13:26 - DAWAN BÎLA AISKA

²⁶ “Muihki nani, Ebraham kiamka nani sma ba, bara Ju apia nani Gâd ra sibrin luki banhwisma ba sin: man nani sut dukiam sa naha swaki sakan lâka sturka na.

Apastil Nani Sturka 13:26 ပူးပေါင်းရင်းမြစ်များ

2 Kronikas 20:7

Wan Dawan, man mihtam kahbi sakram Israel luhpia nani mawanra, naha tasbaya luhpia nani ra yaram, ban kaia ra ban kabia, Ebraham kiamka man uplikam nani ba dukiara.

Lawana Nani 105:6

Man nani ai napakanka Ebraham kiamka nani sma ba, man nani Jekob bâk saki brin luhpia nani sma.

Aiseya 41:8

“Jekob tawanka Israel luhpia nani, wals, yang duki dadaukra bâk saki briri ba, Ebraham yang upliki pali kiamka ba wina:

Aiseya 46:13

Yang daukisna swaki sakanka warkka brisna ba lamara balbia; yang swaki sakangki ba takaskras aula, laihura apia sa. Saion ra swaki sakan lâka yabamni bâra sa, bara yang praina ba Israel ra sa.

Aiseya 48:1

“Jekob watla uplika, man nani naha na wals, Israel nina ni mâki ninam mâkan ba, bara man nani ba Juda kiamka, Dawan nina ra swer taki nani sma ba; bara puram suni daukisma ba, Israel Gâdka dukiara, sakuna wapni lâka ra apia, kasakka lâka ra sin apia;

Matiu 10:6

sakuna Israel nisanka sîpka tiwan nani ba ra was.

Matiu 3:9

bamna pana pana aimayuni naku aisapara: ‘Yang nani na Ebraham kiamka’; kan yang bui man nani ra mai wisna: Gâd sip sa naha walpaya nani na wina Ebraham kiamka daukaia.

Luk 1:69

Witin Sasakra karnakira kum wankan, ai napakanka Debit kiamka ba tila wina.

Luk 1:77

bara yaka ai uplika nani swaki sakan lâka ba kaikbia, ai saurka nani swih tikaia lâka ba sin.

Luk 24:47

bara ai nina ba nisan nani sut ra aisi smalkan kabia, Jerusalem ba wina tâ krikaia baha nani ra sin wiaia, ai saurka nani ba wina ai kupia lakbia, bara baku mika ai saurka nani ba sut swin tikan kabia.

Jan 6:68

Sakuna Saiman Pita mita pana win: —Dawan, ¿yaura yang nani wamna ki? Man bîlam nani ba lika raya ban kaia bîla nani sa.

Apastil Nani Sturka 10:2

Witin lika ai watla uplika aikuki Gâd ra sibrin luki mayuni kan. Witin sin lalah uya yaban Ju uplika umpira nani ra hilp munaia, ban sin Gâd ra ai pura suni kan.

Apastil Nani Sturka 10:35

sakuna witin pain kulkisa ani nisanka witin ra sibrin luki bara diara pain sin dauki ba.

Apastil Nani Sturka 13:43

Ju nani priaska watla ra asla takan ba tnata alkan, Ju ailal bara Ju takan uplika ailal sin, Pal Bernabé wal nina blikan. Bara apastil nani mita smalki kupia kraukan, nahki witin nani ban kasak kaia sa Gâd latwanka lâka ra.

Apastil Nani Sturka 13:46

Bamna Pal bara Bernabé wal lika sibrin âpu aisi, win: —Aitani pali kan Gâd bîla na man nani ra pas mai smalkaia. Sakuna man nani mita alki briras, raya ban kaia lâka ba sin brin mai daukras sa kaka, yang nani lika Ju apia uplika nani ra mahka auna.

Apastil Nani Sturka 16:17

Naha tuktan mairin na mahka Pal bara yang nani ninira wapi wini, ban aisi, win: —¡Naha waitna nani na lika Gâd Laih Purara iwi ba dukia dadaukra nani sa, man nani ra sin maisam pakisa swaki sakan yabalka ba dukiara!

Apastil Nani Sturka 22:5

Prîs wihtka tara bara almuk nani sin witnis sa, witin nani wina wauhkataya nani briri wan muihni Ju uplika Damaskus ra iwi nani ra brih waia. Kristian nani pliki wari, bara alki Jerusalem ra bri sal klala yaia dukiara.

Apastil Nani Sturka 28:28

Man nani kaiki bas, nahki naiwa wina naha swaki sakan lâka na Gâd mita prisant baku yabisa Ju apia nani ra, bara baha nani mita lika pain walbia.

Apastil Nani Sturka 3:26

Bamna Gâd ai Luhpia Jisas pruan wina kli bukan ba ra, witin ba man nani ra pas blikan man nani ra yamni mai munaia, man nani kumi bani saurkam nani ba swiaia bara kupiam lakaia.”

Apastil Nani Sturka 4:12

Upla wala bâk swaki wan sakan lâka briaia ba âpu sa, kan Gâd mita naha tasba ra nina wala kum mâki wankras sa, swaki wan sakaia ba dukiara.

Apastil Nani Sturka 5:20

“Man nani tempel ra wih, upla nani ra naha raya sturka yamni na, param aisi smalks.”

Roman 1:16

Sturi yamni smalkanka ba dukiara yang swiri lukras sna, kan baha ba Gâd karnika sa swaki sakaia ya ya kasak lukbia ba, tâura Ju nani ra, bara Ju apia nani ra sin.

Epesus 1:13

Bara man nani sin, diara kasak sturka ba walram, bara swaki mai sakan lâka smalkanka ba, bara Kraist ra kasak lukram ba ra sin, witinka ra asla mai prakan bara sîl sin mai mangkan Gâd dukia nani kaia ba mata, witin pramis aisin Spiritka Holikira ba mita.

Kolosi 1:5

latwan lâka kum, bîla kaikanka yamni man ra maikaia ridi dauki swin sa kasbrika purara ba baku. Man nani naha bîla kaikanka briram, smalkanka kasak pali ba walram bamna, swak sakan sturka yamni ba.