Apastil Nani Sturka 13:25 - DAWAN BÎLA AISKA

²⁵ Jan Tatahbra ai warkka tnata ba alkaia baila kan ba ra, naku aisin: ‘¿Man nani, yang na ya sna luki banhwisma ki? Yang lika baha man nani bîla kaikisma ba apia sna. Kuna yang ninira wala kum aula, witin mina ra sûska awa pan yang sip lanhkras sna.’

Apastil Nani Sturka 13:25 ပူးပေါင်းရင်းမြစ်များ

Matiu 3:11

Kasak pali mai wisna: yang lika lî ni baman tahbi mai daukisna, saurkam nani wina kupiam laki Gâd ra balaia; sakuna yang ninira wala kum aula ba lika Spirit Holikira ni bara pauta ni sin tahbi mai daukbia. Witin ba yang purkira kau karnika brisa, ban tara bamna, witin ai sûska nani twilkaia sin yang aitani apia sna.

Mark 1:7

Upla nani ra smalki bara naku aisi kan: “Yang ninira wala kum aula ba, witin lika yang purkira kau karnika brisa, yang bawi ai sûska awa ba pan lanhkaia aitani apia sna.

Jan 1:29

Yaprika wala, Jan kaikan Jisas witin ra aula kan, bamna upla nani ra naku win: “Kaiks man nani, naha waitnika aula na sika Gâd Sîpka Luhpia, naha tasba saurka bri saki ba.

Jan 1:34

Pat yang mita kaikri, bara baha witniska sin aimakisna: witin sika Gâd Luhpia ba.”

Jan 1:36

Jisas bal luya kan kaiki, Jan mita naku win: —Kaiks man nani, witin sika Gâd Sîpka Luhpia ba.

Jan 4:34

Sakuna Jisas mita win: —Yang pati sika witinka ai blikan ba kupia lâka daukaia, bara ai warkka sin sut pali daukaia.

Jan 7:18

Ya yakan ai kupia wina baman saki smalki ba lika, upla wina mayunra lâka plikisa; sakuna ani uplika witin ra blikan uplika mayunra pliki ba, baha lika diara kasak ba aisisa kunin sin âpu.

Apastil Nani Sturka 13:36

Debit ai yua nani ra Gâd dukia daukan, dîa witin ra win ba kat. Ningkara, witin pruan ba ra, ai aisika nani raitika lamara bri si bikan, bara ai wîna tara ban sukwi luan.

Apastil Nani Sturka 19:4

Pal bila: —Jan lika upla tahbi dauki kan wan saurka nani wina wan kupia lakan tânka ba kat, bara Israel luhpia nani ra sin win, witin ai ninara kum aula ba ra kasak lukbia, bara baha ba sika Jisas.

Apastil Nani Sturka 20:24

Sakuna naha diara nani na mita lika kupi ra trabil ai munras. Yang pali rayaki sin bahki kulkisni, sakuna naha baman aitani lukamna: plapaia yabalka ba tnata kat liliakira plapamna kaka, bara baha warkka Dawan Jisas mita mihti ra mangkan ba tnata kat daukamna kaka, Gâd latwanka lâka sturka painkira upla nani ra witnis aisaia ba sin.

2 Korint 4:5

Yang nani aisi smalkisna ba, wîni tânka lika smalkras, sakuna aisi smalkisna Jisas Kraist ba Dawan sa; yang nani lika man nani dukiam dadaukra nani sna, Jisas latwanka lâka ra.

2 Timoti 4:7

Aiklabanka pain ba yang aiklabri, yabal ba aiska tnata kat plapri, kasak lukan lâka ba ban alki bri kapri.

Param Marikanka 11:7

Sakuna ai warkka ba dauki tnata alkbia ba ra, daiwan aihka saura kum tihu tara wina taki aula ba, witin nani mapara aiklabia, witin nani ra sin pura lubia bara sut kat ikbia.