Apastil Nani Sturka 13:23 - DAWAN BÎLA AISKA

²³ Naha sim Debitka kiamka sika Jisas. Gâd bui witin ba bukan Israel luhpia nani ba swaki sakaia, witin pramis aisin ba kat.

Apastil Nani Sturka 13:23 ပူးပေါင်းရင်းမြစ်များ

2 Samuil 7:12

rayakam ba tnata alki man pruma ba ra, man kiamkam ba wina kum king mangkamna, bara yang bui ai kingka lâka ba karna daukamna.

Lawana Nani 132:11

Dawan bui Debit ra swer aisin ba kasak tânka kat sa, naha pramiska aisin na, ai bîla lakbia apia:

Aiseya 11:1

Jesé plamaika ba wina, tnawa kum bal takbia, wakia nani ba wina sin tnawa urhwi takbia.

Aiseya 11:10

Baha yua ra naha wakia Jesé wina pâwi takbia ba sika, sain kum baku kabia tawan nani mapara; kuntri ra nani ba pliki wan kabia bara pliska ba pranakira kabia.

Aiseya 43:11

Yang, yang baman Dawan sna, yang wina wala âpu sa swaki mai saki ba.”

Aiseya 45:21

Man nani baku pana pana aisaia want sma kaka, aisi banhs dîa muni ba wis, pana pana makabi wals: ¿Ya mita blasi wina naha sturka na kaiki dahra aisan? ¿Kan pali piu ba wina sturka nani ba ya aisi kaia? ¿Yang Dawan aisi katna apia? Bara Gâd wala kum âpu sa yang wina tnaya ra. Yang tnaiya ra Gâd wala âpu sa pura lalura, swaki sasakra ba.

Aiseya 7:13

Bara Aiseya bui win: “Nanara man nani wals, Debit king watla bilara sma uplika nani. Man nani mampara diara saura sa, upla ra trabil muni swapni sakaia ba, ¿ban sakuna man nani, yang Gâdki ra sin baku munaia lukisma ki?

Jirimaya 30:9

Witin nani bui yang warkki daukbia, ai Dawanka bara ai Gâdka sna, bara Debit ra, yang mita king mangkamni.

Emus 9:11

“Debit tintka watla kauhan ba, kli bukaia yua ba aula. Tnaya kutbanka ra unta takan ba paskamni, slingwanka nani ba sin bukamna, witin raya kan piua ra kata ba baku kli paskamni.

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Matiu 1:1

Naha sika Jisas Kraist damika sturka ulban ba, witin ba Debit bara Ebraham kiamka ba.

Matiu 1:21

Witin luhpa waitna kum bribia, bara ai nina ba Jisas mâkma., Baku ai nina mâkbia, kan witin bui ai uplika nani ai saurka nani wina swaki sâkbia bamna.”

Matiu 21:9

Upla nani tâura wapi kan ba bara ninara aula kan ba sin kwâra tara kan bara mahka naku winan: —¡King Debit Luhpia ra Prana Tara Kabia! ¡Yamni pali sa witin Dawan nina mâki aula ba! ¡Gâd ra prana kabia laih purara!

Matiu 22:42

Jisas mita witin nani ra makabi walan: —¿Misaya dukiara man nani nahki lukisma? ¿Witin ba ya kiamka sa? Witin nani bila: —Debit kiamka.

Luk 1:69

Witin Sasakra karnakira kum wankan, ai napakanka Debit kiamka ba tila wina.

Jan 4:42

Bamna Sameria uplika nani mita mairin ba ra win: —Nanara yang nani kasak lukisni, man wan wiram ba baman apia, kuna yang nani pali mita witin wina walri bamna; bara yang nani sin tânka brisna, witin ba kasak sa tasba aiska Swaki Sasakrika sa.

Jan 7:42

Ulbanka ba wisa Misaya ba king Debit kiamka wina kaia sa, bara sin Betlehem ba wina kabia, baha sim pliska ba sika Debit Tawanka ba.

Apastil Nani Sturka 13:32

“Baku bamna, yang nani nâra sna baha sturka yamni ba man nani ra mai wiaia, Gâd bui dîa wan damika nani ra pramis munan ba.

Apastil Nani Sturka 2:30

Ban sakuna, Debit lika prapit kum kata. Bamna witin pain pali kaiki kan, Gâd swer taki kira witin ra pramis munan tânka ba, nahki ai kiamka ba wina kumi ai iwaika ra iwbia.

Apastil Nani Sturka 3:26

Bamna Gâd ai Luhpia Jisas pruan wina kli bukan ba ra, witin ba man nani ra pas blikan man nani ra yamni mai munaia, man nani kumi bani saurkam nani ba swiaia bara kupiam lakaia.”

Apastil Nani Sturka 4:12

Upla wala bâk swaki wan sakan lâka briaia ba âpu sa, kan Gâd mita naha tasba ra nina wala kum mâki wankras sa, swaki wan sakaia ba dukiara.

Roman 1:3

Baha sturka ba sika, witin ai Luhpia wan Dawan Jisas Kraist dukiara aisi ba, witin lika upla aihwa baku king Debit kiamka wina takan, sakuna witin pruan wina kli buan ba tâka mita, karnika aiska wal Gâd Luhpia baku kulkanka yaban sa, holi dadaukra Spiritka baku.

Roman 11:26

Ani piua baku takbia, bâra lika Ju nani ba sut swaki sâkbia, kan Ulbanka ba baku wisa: “Pri sasakra ba Saion wina balbia, bara witin mita Jekob wina saurka ba sâkbia.

Taitus 1:4

Taitus, kasak lukan lâka ban bri ba tânka ra luhpi aihwa sma ba, naha wauhkataya mai ulbisni. Gâd wan Aisa bara Dawan Jisas Kraist wan Sasakra wal mita man ra yamnika maikbia, bara kupia kumi lâka sin.

2 Pita 1:1

Yang Saiman, Pita, Jisas Kraist dukia dadaukrika bara apastilka sna. Naha wauhkataya man nani ra mai ulbisna, man nani kasak lukan lâka manakira ba alki bri banhram sa, yang nani brisna baku, kan wan Gâdka bara wan Sasakra Jisas Kraist ba, kasakkira sa bamna.

2 Pita 1:11

Baku lika, wan Dawan Sasakra, Jisas Kraist ban kaia ra king aimaki ba pliska ra dimaia nani sut ba, man nani ra param sakan kabia.

2 Pita 2:20

Baku sin, baha nani wan Dawan Sasakra Jisas Kraist wal kakaira takan ba, witin nani lika naha tasba tâskika wina swak takan sa, sakuna baha diara tâski nani ba mita kli blaki pura lubia kaka, witin nani lika kanra kata ba wal kau saura takan sa.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.

2 Pita 3:2

Kupiam krauki bas, kaina piua ra prapit holikira nani dîa aisin ba, bara Dawan wan Sasakra lâka, apastil nani mita man nani ra mai smalkan ba sin.

1 Jan 4:14

Yawan pali mita baha ba kaikan, bara param aisi wisa: Aisa ba kasak ai Luhpia blikan, naha tasba ra iwi uplika nani ba swaki sakaia.

Param Marikanka 22:16

“Yang Jisas, insalki blikri sa, serts nani ra naha sut param saki wiaia. Yang sika king Debit plamaika bara kiamka ba; yang sika titan slilmika ingnikira ba.”