Apastil Nani Sturka 13:2 - DAWAN BÎLA AISKA

² Yu kum naha uplika nani Gâd ra luki plun piras kira Dawan ra mayunan kan ba ra, Spirit Holikira naku win: “Man nani Bernabé bara Saulo wal ba saki aik, baha warkka daukaia yang bui witin nani paiwri ba.”

Apastil Nani Sturka 13:2 ပူးပေါင်းရင်းမြစ်များ

1 Kronikas 16:4

Debit bui Libait nani wahbi sakan Gâd lâka auhbaia watla mawanra wark dauki kaia, witin nani bui tâ briaia, kulkanka yabaia ba dukiara tingki wiaia, Dawan Israel Gâdka ra mayunaia ba sin.

Daniel 9:3

Bamna puri sunra bara makabanki ba sut, Dawan wan Gâdka ra aisari, plun piras, kwala almuk saura dimi, yamhpus ra sin iwi.

Matiu 17:21

[Sakuna nahmuna piritka na pura sunra bara Gâd ra luki plun wahwi wal lika kangbi sakaia sip sa.]

Matiu 6:16

“Man nani plun piras sma ba ra, kuninkira nani ai mawan sari bri ba baku daukpara; kan witin nani baku daukisa plun piras ba upla nani kaikbia dukiara. Kasak pali mai wisna, baha wal pat ai prisantka brisa.

Matiu 9:38

Baha mita, insla dawanka ra makas, ai nasla dâkaia wark uplika nani blîkbia.

Luk 10:1

Naha diara ningkara, Dawan lika kau upla 72 bâk saki brin, bara baha nani ba wâl wâl ra saki ai kainara blikan, tawan nani bara plis bani ra witin waia kan ba sut ra.

Luk 2:37

bara nanara piarka ba mani 84 bri kata. Witin sin tempel wina uya takras, ban bahara Dawan dukia dauki kan, kakna bara tihmia Gâd ra luki plun piras kira ai pura suni.

Apastil Nani Sturka 10:19

Sakuna Pita lika diara aihka kaikan ba dukiara kau ai kupia wal aisi kan ba ra, Spirit Holikira bila: “Kaiks, waitna yumhpa mai plikisa.

Apastil Nani Sturka 10:30

Bara Cornelio bila: —Pat yu walhwal sa, sim naha awarka baku kan, yang waitla na ra tutni 3 aklak pura sunra dauki kapri, waitna kumi kwala ingnikira dimi yang ra latan takan.

Apastil Nani Sturka 13:3

Bamna Gâd ra luki plun piras kira ai pura sunan ba ningkara, ai mihta nani witin nani purara kahbi, mahka blikan wan.

Apastil Nani Sturka 13:4

Bernabé Saulo wal ba Spirit Holikira mita blikan bamna, witin nani Cilicia ra iwi wih, baha wina duri tara kum ra aimaki Chipre kî dakura ra wan.

Apastil Nani Sturka 14:26

Bahara witin nani duri tara kum ra aimaki Antíoco ra balan. Baha pliska ra sika serts tâ upla nani mita witin nani ba Gâd latwanka mihta ra mangkan, bara nanara witin nani baha daukaia kata sut dauki tnata alkan kan.

Apastil Nani Sturka 20:28

Baku bamna, man nani pali dukiamra aihwaki bas, kristian daknika ba dukiara sin, witinka nani dukiara sika Spirit Holikira mita mai mangkan, Gâd sertska uplika nani ba main kaikaia, baha witin ai tâlia ni atkan sa.

Apastil Nani Sturka 22:21

Sakuna Dawan bui ai win: ‘Man mahka was, yang bui man ba laihura mai blikaisna, Ju apia nani tilara.’ ”

Apastil Nani Sturka 4:36

Baku sin witin nani ai tilara Libait kum kata nina Josep, witin ba Chipre kî dakura ra aisuban kan, bara apastil nani mita nina wala laki yan, Bernabé, (tânka ba “Maisa Nanihkra luhpia”).

Apastil Nani Sturka 6:4

Yang nani lika takaskras ban puri suni kira, Dawan bîla ba upla ra smalki kamna.

Apastil Nani Sturka 8:29

Bara Spirit Holikira mita Pilip ra win: “Man baha karka ba lamara was.”

Apastil Nani Sturka 9:15

Sakuna Dawan bila: “Man was, kan yang baha waitnika ba pliki sakri sa, yang dukira witnis aisaia, nisan wala nani ra bara ai kingka nani ra, bara Israel luhpia nani ra sin.

Roman 1:1

Yang Pal, Jisas Kraist dukia dadaukra sna, Gâd ai paiwan witin ai apastil kaia bara Gâd bui witin swaki wan saki sturka ba upla nani ra smalkaia.

Roman 10:15

¿Bara nahki sturi yamni ba smalkbia, blîkka wih smalkaia ba âpu sa bamna? Ulbanka ra wi ba baku: “¡Kupia kumi lâka sturka bara sturi yamni smalkaia brih aula uplika mina nani ba painkira pali sa!”

Roman 15:16

Jisas Kraist dukia dadaukra baku Ju apia uplika nani tilara wark daukaia. Baha warkka ba lika Gâd sturka yamni swaki wan saki ba aisi smalkaia, Ju apia uplika nani ba Gâd ra prisant kumi baku yaka pain briaia dukiara, Spirit Holikira mita holi sakan bamna.

1 Korint 12:11

Sakuna naha dukia sut lika ai karnika wal daukisa, sim Spiritka kumi baman ba mita; witin mita sika upla bani ra sinska sât sât yabi ba, nahki witin want ba kat.

1 Korint 7:5

Baha ba mita, pana pana wal prawaia apia wipara, ban kra pura sunra warkka daukaia dukiara wal lâ daukma piu wiria wal asla prawaia apia. Baha ningkara, kli asla prawi banhwaia sma, wînam tara nani sip alki takaskras sma ba mita, Sitan mita kra traikam kaikbiara sîa.

2 Korint 11:27

Wark manis bri kapri bara trabil nani sin; aima ailal pain yapras kapri; plun kasak wauhri bara lî din sin ai dauki kan; aima ailal plun piras kapri; kauhla kasak wauhri, kwala âpu pâtka sin briri.

2 Korint 6:5

Baku bamna, wan wipi banhwan sa, silak ra sin wan mangkan; upla nani bin dauki wan munan, wark karna wankan taki banhri; yang nani sip sans aikras yapaia, bara plun kasak wahwi banhri.

Galesha 1:15

Sakuna yang kau aisubi takras kapri wina, Gâd pat bâk ai saki ai brin kan, bara witin uya pali latwan lâka bri ba mita ai paiwan. Witin baku brin daukan bamna,

Epesus 3:7

Bamna yang na, Gâd ai uplika nani ra diara yaia win ba sturka yamni albika takri. Gâd naha na aikan, witin ai karnika tara wal wark dauki ba kat.

Kli Smalkanka 10:8

Baha piua wina, Dawan mita Libai kiamka ra bâk sakan Dawan lâka auhbaia watla ba brih waia, bara witin ai mawanra kaia mayuni ai nina ra yamni wiaia dukiara, naiwa yua kat ban dauki ba baku.

Kolosi 4:17

Naha na Arquipo ra wis: “Dawan napakan warkka ra mangkan ba trai muni lâ kat tauki kabia.”

1 Timoti 2:7

Naha dukiara yang na bîla twatwilkra bara apastil baku ai mangkan sa, kasak lukan lâka bara kasak tânka ba sin, Ju apia nani ra aisi smalkamna wisi. Yang diara kasak ba kat aisisna, kunin aisaras.

2 Timoti 1:11

Gâd mita ai mangkan, naha swaki sakan lâka sturka yamni na aisi smalkaia; bara apastil baku ai blikan, Ju apia nani ra smalkamna dukiara.

2 Timoti 2:2

Witnis ailal mawanra yang aisari bîla nani walram ba, baha ba upla kasak nani mihta ra mangks, witinka nani mita upla wala nani ra smalkaia sip kabia ba.

2 Timoti 4:11

Luk baman yang wal sa. Mk ba pliki man wal bri bal, kan witin sip sa napakan warkka ra nâra hilp ai munaia.

2 Timoti 4:5

Sakuna man lika sinskam ba ban yamni bri bas, pât nani wahwi bas, swaki sakan sturka yamni aisi smalkaia warkka ba dauki bas, napakan warkka brisma ba sin pain pali dauks.

Hibru Nani 5:4

Upla kumi sin kulkan lâka mita prîs tara takras sa; sakuna, Gâd mita sika paiwi baha kulkanka lâka yabi ba, sim Eran kata ba baku.

1 Samuil 2:11

Baha ningkara Elcaná ai watla Ramá ra kli tawi wan, sakuna tukta ba takaskan Dawan watla ra dukia dauki Elí prîs bui dîa daukaia win adarka ba kat.