Apastil Nani Sturka 13:12 - DAWAN BÎLA AISKA

¹² Bara wihta ba naha diara kaikan ba ra, kasak lukan, Dawan tânka smalkan ba dukiara sin tâ iwan kan bamna.

Apastil Nani Sturka 13:12 ပူးပေါင်းရင်းမြစ်များ

Matiu 27:54

Bara suldiar kiaptinka bara wala nani Jisas ra aihwaki kan ba kira, tasba nikban bara diara wala nani takan ba kaiki, sibrin tara daukan, bara naku win: —¡Kasak pali naha waitnika na Gâd Luhpia kan!

Luk 4:22

Upla nani bahara kan ba sut, Jisas dukiara pain baman aisin, tâ sin iwan kan, bîla painkira nani witin nani ra aisin ba dukiara. Pana pana sin makabi wali kan: —¿Naha apia Josep luhpia ba?

Luk 7:16

Upla sut naha diara kaikan ba ra, sibrin taki, mahka Gâd ra mayuni, win: —Prapit kum bal takan. Baku sin aisi kan: —Gâd balan ai uplika nani ra hilp munaia.

Jan 7:46

Suldiar nani ba mita pana win: —¡Baha waitnika aisi ba baku, kau upla kumi sin aisaras sa!

Apastil Nani Sturka 13:48

Ju apia nani ba naha walan ba ra, lilia pali takan, bara mahka aisin Dawan bîla ba pain pali sa. Bara baha nani sut raya ban kaia lâka briaia kan nani ba, kasak lukan.

Apastil Nani Sturka 13:49

Bara baku Dawan bîla smalkan kan baha tasbaya aiska ra.

Apastil Nani Sturka 13:7

Witin lika baha kî dakura wihtka tara kan Sergio Paulo; baha waitna ba sinskira kata. Bara wihta ba mita Bernabé bara Saulo wal ra paiwan, witin Dawan bîla walaia want kan bamna.

Apastil Nani Sturka 13:8

Sakuna baha sukia Grik bîla ra Elimas mâki kan ba mita baha wihtka ba ra wi kan, Bernabé bara Saúl wal mita dîa smalkbia ba kasak lukaia apia.

Apastil Nani Sturka 15:35

Pal bara Bernabé wal sin Antíoco ra ban takaskan. Upla wala nani aikuki, witin nani mita upla nani ra Dawan sturka yamni ba smalki, kupia krauki kan.

Apastil Nani Sturka 15:36

Baha yua nani ningkara, Pal Bernabé ra win: —Kaisa kli wan muihni nani ba nahki sapa kaikaia, baha pliska nani sut ra yawan bui Dawan sturka smalkan nani ra.

Apastil Nani Sturka 18:12

Sakuna baha yua nani ra, Galio ba Acaya wihtka tara aimaki kan piua, Ju nani sut asla taki Pal mapara buan, bara lâ watla ra bri si,

Apastil Nani Sturka 19:10

Baha ba dauki kan mani wâl prais, bara Asia tasbaya ra iwi nani ba sut Dawan Jisas sturka ba walan, Ju nani bara Ju apia nani sin.

Apastil Nani Sturka 19:20

Baku sika Dawan sturka yamni ba kau aiska pali pâwi kan, ai karnika ba tânka sin mariki kan.

Apastil Nani Sturka 19:38

Bamna Demetrio ai warkka uplika nani aikuki upla kum dahra kwahkaia brin kan kaka, baha dukiara wihta tara nani bâra sa, lâ dadaukra nani sin. Sip kan baha nani mawanra wapni daukaia, bara kumi bani sin ai raitka dukiara aisaia.

Apastil Nani Sturka 19:7

Baha nani sut lika asla 12 waitna kan.

Apastil Nani Sturka 28:7

Baha pliska lamara sika, kî dakura wihtka Publio ai tasbaya pîs bri kata. Witin ba mita ai watla ra yamni wan brin yu yumhpa pali.

Apastil Nani Sturka 6:10

Sakuna Stiben, Spirit Holikira wina sins lâka yan aisi kan ba mapara, witin nani lika sip buras kan.

Apastil Nani Sturka 8:25

Apastil nani ba witnis aisin, bara Dawan bîla sin smalkan. Ba wina witin nani Sameria tawanka sirpi nani sut ra sin swaki sakan lâka sturka ba smalkan. Baha ningkara, kli Jerusalem ra tawi wan.